منتديات فرسان الثقافة - Powered by vBulletin

banner
النتائج 1 إلى 3 من 3
  1. #1

    قصص شعبية قبل أن تنسى

    ضاعت الطاسة 🍵
    أو 🍵 الطاسة ضايعة


    من زمان كان في ملك عندو بنت وهي البنت حامل اجا وقت ولادتا ولدت وجابت صبي وكلن عم يستنو الدايه لتقلن اذا هالولد ابن حرام ولا ابن حلال هيك كان عندن المهم طلعت هالداية و راحت لعند الملك قالتلو الولد ابن حرام .. قلا مستحيل هاد حفيد الملك قالتلو الطاسة مابتكذب 😁 قلا كيف ؟ قالتلو انا بحط الولد بالطاسة اذا طلع لفوقها يعني ابن حرام واذا نزل لتحتها يعني ابن حلال والولد فاش يعني ابن حرام قلا وينها هاي الطاسة عطيني ياها عطتو ياها اخدا وزتا بالنهر وقلها روحي قولي للناس ضاعت الطاسة وخلصنا 😌 ولهلئ نحنا منقولا
    ضاعت الطاسة 🍵
    〰〰〰〰〰〰〰〰
    يلي استحوا ماتوا☺
    مرة كانوا النسوان بحمام السوق عم يتحممو وفجأة احترق الحمام وهب من كل النواحي يلي ما استحت من حالا و قدرت تطلع طلعت متعرية ويلي استحيت وخجلت من حالا علقت بالحمام وماتت ... ومن هون اجت المقولة الشهيرة يلي استحوا ماتوا ☺
    طبعا (الحياء لا يأتي إلّا بخير)
    حديث شريف ..


    فوتت الحمام مو متل طلوعو


    🏚 صاحب حمام تركي عمل الحمام وكتب دخول الحمام مجانا قام ماضل حدا ما اجا ع الحمام قام هوي صار يحجز التياب عندو وقال ماحدا بياخد تيابو ليدفع ليرة عصملي قالولو الناس مو انت قلت فوتت الحمام مجانا قام قلون
    فوتت الحمام مو متل طلعتو
    😁😁😁😁😁😁


    يلي بيعرف بيعرف ويلي مابيعرف بيقول كف عدس 😬
    في شب بيحب بنت وكان ينط ع السطوح ليشوفها قام مرة شافو ابوها للبنت ولحقو و صار الشب ينط من اسطوح لأسطوح و الاب يلحقو ئام نط ع اسطوح فيه عدس واخد كمشة عدس .. قام الاب مسكو واجتمعوا الناس ع الصياح تبعوا قالولو شوفي؟ ئام سبقو الشب بالحكي وقال بدو يضربني لأن اخدت من عندو كمشة عدس 😉 .. وقتها قال الاب يلي بيعرف بيعرف ويلي ما بيعرف بيقول كف عدس


    دافنينو سوا 😎
    كان في تنين عندن حمار بيحبوه كتير وبيقضو عليه كل غراضن وشغلن وعلى اد مابيحبو سموه ابو صابر .. المهم بعد فترة هالحمار مات وهنن زعلو عليه كتير راحو دفنوه وصاروا يبكو ادام قبرو وصارو يمرقو هالعالم ويسألو خير خير مين مات يقلولن ابو صابر مافي منو كان يقضيلنا كل غراضنا والعالم كلا تقلن الله يرحمو شو باين هالابو صابر منيح وطيب وضلو على هالحالة لحتى نشهر ابو صابر والعالم كلا فكرتو شيخ او ولي صالح وصارو يحطولو مصاري ويجو يتباركو فيه مفكرينو رح يحللن مشاكلن وهالشبين عملوها شغلتن حطو خيمة واعدو ياخدو العملة 😁😁ومرة من المرات تخانقو هالشبين عالمصاري وصار في خربطة بالحساب وعصب واحد منن وراح بدو يشكي للشيخ ابو صابر وصار يهددو قام قلو اي تعا تعا لهون طلاع من هالبواب شو نسيت انو انا وياك دافنيو سوا 😉😅😅وهي قصة هاد المتل
    إذا كنتَ لا تقرأ إلا ما تُوافق عليـه فقط، فإنكَ إذاً لن تتعلم أبداً!
    ************
    إحسـاس مخيف جـدا

    أن تكتشف موت لسانك
    عند حاجتك للكلام ..
    وتكتشف موت قلبك
    عند حاجتك للحب والحياة..
    وتكتشف جفاف عينيك عند حاجتك للبكاء ..
    وتكتشف أنك وحدك كأغصان الخريف
    عند حاجتك للآخرين ؟؟

  2. #2
    رائعة جدا وهل من مزيد؟
    تحية

  3. #3

    رد: قصص شعبية قبل أن تنسى

    روعة يجب ان نزيدها ونقدم املزيد..هذا ان لم يكن هناكم مواضيع متفرقة نضيف رابطها هنا
    تعددت يابني قومي مصائبنا فأقفلت بالنبا المفتوح إقفالا
    كنا نعالج جرحا واحد فغدت جراحنا اليوم ألوانا وأشكالا

المواضيع المتشابهه

  1. ابوب المعرفة لا توصد
    بواسطة عثمان آل غفار في المنتدى فرسان العائلات العربية والتراث.
    مشاركات: 0
    آخر مشاركة: 04-02-2015, 01:33 PM
  2. قصائد لا تنسى
    بواسطة عثمان آل غفار في المنتدى من روائع الشعر
    مشاركات: 0
    آخر مشاركة: 03-31-2015, 08:37 PM
  3. أيام لا تنسى ...
    بواسطة د.ماجد تربان‎ في المنتدى فرسان الأبحاث الفكرية
    مشاركات: 0
    آخر مشاركة: 12-02-2013, 08:32 PM
  4. دعاء لا تنسى
    بواسطة رياض محمد سليم حلايقه في المنتدى فرسان الحديث
    مشاركات: 1
    آخر مشاركة: 06-26-2013, 12:29 PM
  5. وجوه لا تنسى..
    بواسطة عدنان كنفاني في المنتدى فرسان القصة القصيرة
    مشاركات: 2
    آخر مشاركة: 08-24-2009, 06:37 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •