خيرتني

[كاظم الفضلي]

خيرتني ...

خيرتني بين اظل وياك عاشكَـ

وبين نلغي الفكره أصلاً مانحب ..
وخيرتني أنت هذا أنت على طبعك

والسلوك انولد وياك أنكتب .

وحيرتني أقبّل بطبعك صحيح

وأدري ماضيك حقيقه ومو كذب

هي شدهة بال محنه وأختيارك مو سهل

كلش صعب ..

أنت عودت الكَلب يخفكَـ عليك

وعلمتني مغازلك أشتم واسب

وحاسبت روحي عليك ..

شجابني .. شورطني حبيت ورضيت

مو كنت ليلي أنامه ..

وتدري طعم الليل للخالي عذب

هسه كَتلي أختار هذا أنه أعله حالي

وأنت مدري أشلون رايدني أنحسب

أنه قابل .. بس أفصّلك من جديد

ومو بكيفك مثل مارايد تحب

أرد أرتب بالك وذهنك وأرسمنك رسم

وأمسح الماضي وأعيد الطاح مايبقه خرب

بس أريدنك مطيع وتسمع بدكَات كَلبي

وأرضه بختيارك حتى لو كلش صعب

كاظم الفضلي

3/4/2012

عاشكَـ / عاشق
الكَلب / القلب
يخفكَـ / يخفق
كَتلي / قلت لي
دكَات / دقات نبض القلب

[الحلم القاتل]

يازين ماقريت..
رغم أني مافهمت كل شي...
ومشكور وصح لسانك

[كاظم الفضلي]

الأخ الحلم القاتل .. ماذا قرأت إن لم تفهم
كل شي ؟؟ فكيف نقرأ لك ونفهم ونشرف
على نتاجاتكم ؟؟ هذه مفارقة ؟ شكراً
لحضورك ودمت كما أنت .

كاظم الفضلي