منتديات فرسان الثقافة - Powered by vBulletin

banner
النتائج 1 إلى 6 من 6
  1. #1

    عاشت حروف الضاد

    عاشت حروف الضاد

    عصــــــــــــــام ميــــــــــــــــره

    فى يوم جمعة.. *
    وكان عرفات ..
    وع الأبواب..
    عيد الأعياد .
    ناديت . قلت :*
    ياأهل بلادى ..
    ياولادى ..
    ياناطقين حروف الضاد ..
    * تعالوا معايا ..
    نفتح كتاب الحصار ..
    ونشوف سوا الأبعاد .
    * فى الشرق ..
    صهيونى ..
    واقف لنا استعداد .
    * فى الغرب ..
    ليبى ..
    واقفين له بالمرصاد .
    * فى الجنوب ..
    سودانى ..
    قسموه باسم الزاد .
    * وفى الشمال ..
    أسطولهم ..
    كل يوم يزداد .

    *إمتى بقى ..
    نصحى ..
    دا إحنا الهدف ياولاد .

    *كل أصفار العالم ..
    مش فى الحساب .أعداد .
    *قلب معايا الورق ..
    نقرا تاريخ الأجداد .
    *كان المغربى ينجرح ..
    من شوكة فى بغداد .
    * لو الشهيد فى اليمن ..
    الكل يقف له حداد .
    * دلوقتى ليه ياعرب ..
    تنباع فى أى مزاد .
    *لكل واحد غرض ..
    ولكل واحد واد .
    والليالى تمر بينا ..*
    نحفظ حكاوى شهرزاد .
    * فين عمرو ..
    فين قطز ..
    فين باقى القواد .
    * طلقنا حقنا ..
    نسينا تاريخنا ..
    بعنا البلاد .
    * دخلوا الأعادى ..
    دمروا ولادى ..
    بالحيلة . بالموساد .
    * حتى التاريخ انسرق ..
    والصهاينة ..
    بقوا لأبو الهول أحفاد .
    * هما اللى بنوا وعمروا ..
    وإحنا اللى كنا بعاد .
    * نرعى البقر والغنم ..
    والحر فينا ..
    للكلاب صياد .
    *لابدعنا إحنا الدوا ..
    ولاكنا يوم رواد .
    * لافهمنا حتى الفلك ..
    ولاشفنا يوم أرصاد .
    لابدعنا إحنا الفنون ..*
    لاالمصرى كان عوّاد .
    * وفى الكتاب ملناش ..
    لاهيكل ولاالعقاد .
    * تاريخنا كله دمار ..
    زعيمنا كان جلاد .
    * نسيتوا قتل النبى ..
    وجسمه ولّى رماد .
    * مين اللى طرد ..
    م الأرض أصحابها ..
    وشاع فيها دمار وفساد .
    *مين اللى كسّر ..
    ضلوع الشباب ..
    وهتك عرض ثناء وسعاد .
    * مين اللى هدم ..
    منازل بريئة ..
    عهد الطغاة باين انه عاد .
    * ليه الحبال تنقطع ..
    وطريق فى آخره سواد .

    * إيه اللى هاينجمع ..
    لو عمرك تعد آحاد .
    * عيدوا الجموع ..
    خلوا الشموع ..
    تنور فى ألف استاد .
    * لموا الفروع ..
    صفوا الضلوع ..
    كيدوا بقى الحساد .
    * لازم نفوق بدرى ..
    ونجهز بأقوى عتاد .
    * واللى يقف فى الطريق ..
    ياخد نهاية عاد .
    * سيبك بقى من النوم ..
    والمشى ع السجّاد .
    *عمر الغريب مايدق ..
    لابن البلد أوتاد .
    * دا كل همه الدفا ..
    يموت لو سعره زاد .
    * خايف يهب فى يوم ..
    عنتر وليد شداد .
    * سيفه قوى بتار ..
    وحاميه ربّ العباد .
    * وابنه وراه يهتف ..
    عاشت حروف الضاد .


    كلمــــــــــــــــــات

    عصــــــــــــــــــــــــــــــام ميـــــــــــــــــــــره

  2. #2
    مشرف فرسان الشعر الشعبي إخباري محطة العالم
    تاريخ التسجيل
    Nov 2009
    الدولة
    العراق
    المشاركات
    1,379
    مشاركة جميلة .. وشعور عربي مترجم
    من خلال هذه الصور . شكراً لك .

    كاظم الفضلي

  3. #3
    والله خايف يصير الحرف وبال وزوال..
    لأننا خنا الامانة الي ربنا قال عليها..

    وشكرا لك
    [align=center]

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    ( ليس عليك أن يقنع الناس برأيك ،، لكن عليك أن تقول للناس ما تعتقد أنه حق )
    [/align]

    يارب: إذا اعطيتني قوة فلاتأخذ عقلي
    وإذا أعطيتني مالا فلا تأخذ سعادتي
    وإذا أعطيتني جاها فلا تأخذ تواضعي
    *******
    لم يكن لقطعة الفأس أن تنال شيئا ً من جذع الشجرة ِ لولا أن غصنا ً منها تبرع أن يكون مقبضا ً للفأس .

  4. #4
    اقتباس المشاركة الأصلية كتبت بواسطة ريمه الخاني مشاهدة المشاركة
    والله خايف يصير الحرف وبال وزوال..
    لأننا خنا الامانة الي ربنا قال عليها..

    وشكرا لك

    أستاذة / ريمه الخاني ..
    القادم أفضل إن شاء الله .. بفضل سواعد الشباب الثائر المنتصر إن شاء الله ..
    إن كان جيلي قد فرّط في حقوقه .. أو خان الأمانة .. فهؤلاء لن يفعلوا ..
    خالص تحياتي ..
    عصام ميره

  5. #5

    شعر جميل وحروف الضاد معشوقتنا الجميلة لنا جميعا
    محبتي

  6. #6
    اقتباس المشاركة الأصلية كتبت بواسطة فردوس النجار مشاهدة المشاركة
    شعر جميل وحروف الضاد معشوقتنا الجميلة لنا جميعا
    محبتي
    أختي .. فردوس النجار ..
    شكرا لك على مرورك وكلماتك الراقية ..
    تحياتي ..

المواضيع المتشابهه

  1. بين الضاد والظاء
    بواسطة ريمه الخاني في المنتدى فرسان التصويب
    مشاركات: 0
    آخر مشاركة: 12-11-2017, 06:27 PM
  2. اعنف عاصة صيفية في إزمير
    بواسطة معاذ الزين في المنتدى فرسان الفضاء.
    مشاركات: 1
    آخر مشاركة: 02-18-2014, 11:42 AM
  3. عاشت تل أبيب، يا شاويش
    بواسطة د. فايز أبو شمالة في المنتدى فرسان المواضيع الساخنة.
    مشاركات: 2
    آخر مشاركة: 03-13-2011, 01:50 AM
  4. كيف عاشت أغاثا كريستي بين عامودا وشاغر بازار؟
    بواسطة ملده شويكاني في المنتدى فرسان المقالة
    مشاركات: 0
    آخر مشاركة: 05-03-2008, 03:44 PM
  5. الضاد و لغة الضـــاد
    بواسطة ريمه الخاني في المنتدى فرسان التصويب
    مشاركات: 1
    آخر مشاركة: 09-24-2007, 07:27 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •