بعض القاب الدواســــــــــــــــر

[بنان دركل]

السلام عليكم
--------------------------------------------------------------------------------
بسم الله الرحمن الرحيم
بعض القاب الدواســــــــــــــــر
وداية جارها من جدارها :
وذلك أن أحد المستجيرين بالوداعيين الدواسر سقط عليه جدار فقتله فلم يكن من مجيره الا أن
ساق ديته لأولاده وفاء بحق الجيرة مع أن الجيرة لاتتطلب ذلك
وقول الامير : فايز ابن خليف الودعاني الدوسري
وديت جاري من جداري وفزت به
اوالفـوز مـن رب لـه العبـد سايـل
حطيت حوشه مـن عبـارة عيالـي
ولا خيـر فـي هـرج بليـا صمـايـل
قال بن لعبون على لسان الدواسر
حنا هل الوادي وحنا المناعير
وحنا ودينا جارنا من جـداره
ويقول احد شعرا الوداعين الدواســـــر
انشدوا من سيف جده الى الطور الخضر
من هو اللي يدي الجار مـن جدرانهـا
تالى ضربنـا العظـم صوابـه ماجبـر
ننشـي لاجـا الملاقـا وكثـر اكوانهـا
مهملة الجار : لقب للدواسر ومعناه ان الجار يظل يتمتع بحقوق الجيره ما دام في ارض
الدواسر وليس شرطاً ان يكون ملازماً للبيت.
وقول: راكان بن حثلين
ذكرت أنا اللي جارهم يهملونه
لاد زايد سلمهم هملة الجـار
وسامة عصا الجار :
قال ابن بلال اليامي:
بني زايد اللي تنطح الضد في الميعاد
دواسر تمكن في عداها مضاربها
هل العرف وأهل السيف والمنسف المتاد
وهل جيرة ياسم عصا الجار صاحبها
قال:
مفلح بن ظافر الخييلي الدوسري
كل الدواسر وكل الفخر وانسابـه
هم ماكَر الطيب والضيفان تطربها
خيالهم في عجاج الخيـل يدرابـه
شبابة الحرب يوم الحرب تطلبهـا
لا جاء نهاراً يثور الجـو بترابـه
تثبت لضرب العدو ماهوب كاربها
قصيرهم في العرب ما توخذ اركابه
وسم العصا يا جماعه من عجايبها
مقيدة الجمل هم الرجبان الدواسر :
وذلك انهم يركبون المزين البنات الجميلات على الجمال مع تقييدها بالحديد ويسوقونها أمام
الجموع نهار القتال وذلك لشحذ هممهم للصبر في القتال كما هي العادة عند جميع القبائل العربية
ومنذ العصر الجاهلي وحتى منتصف القرن الثالث عشر
قال الخفيف العجمي مادحا الدواسر بعد مناصرة الدواسر لهم في وقعة الرضيمة
وجينا بخطلان اليدين آل زايد
ربع تراثع في الأحدة ركابها
خطلان الايدي :
أي طوال الأيدي في الكرم والشجاعة:
يقول بن لعبون
خطلان الأيدي كالأسود الهزابير
مقابس للحرب وان شب ناره
وفي ذلك يقول شاعرمن مطير معاتبا ابنه عندما عقر الدواسر فرسه
يابوك ماخليتهـا تركـب العـان
وابعدتها عن زرق خطلان الايدي
مزبنة الدخيل :
وهي عادة عند معظم القبائل العربية أجارة المستغيث فهم يجيرون ويحمون المستجير
يقول ابن جلبان العجمي
ديرة مصانيم الدروع آل زايد
هل كرمة من قل ماله نصاها
أهل بيوت كنهـن الفرايـد
يامن بها المجرم لامن وزاها
ويقول ابن عبلان العجمي
نص الركايـب غلمـة زايديـه
يانعم من تلفى عليه الركايـب
هشين بشين باليسـر والقسـا
وفرسان لاشبت ضوي الحرايب
ومن كان مضيوم يزبن بجالهم
حتى تقطع منه كـل الطلايـب
قوم رماحهم جريد وزرقهم بعيد :
يقول الشيخ حمد الجاسر
رماحهم جريد أي كجريد النخل لطولها وزرقهم بعيد لقوتهم عندما يوجهون الرماح لأعدائهم
وقد سأل أحد فرسان الدواسر علام رمحك جريدة فأجاب : ان أصبت فمجيدة وأن أخطات فجريدة
وقول وسيم العامريه في المعركه المشهوره :
على تسعة أولاد مع سبعة اخوة
في ورد سمحين الوجيه آل زايد
اهل سبق مع حرب خيل وهجمة
وهلها مضرينها بلفح الجرايـد
الخيلات ونخوتهم اولاد الأخيل واهل الشرفاء
* مخانيز الرماح
لقب عرفت به قبيلة الخييلات الدواسر اطلقه عليهم احد شيوخ عتيبه بعد هيه بين قبيلة الخييلات
وقبيلة اخرى من قبائل نجد .. قتل فيها احد الخصوم بضربة رمح في رأسه ، ولم يستطيع احد ان
يخرج الرمح من رأس القتيل فدفن معه .. فأطلق ابن ربيعان لقب مخانيز الرماح على قبيلة
الدواسر لقوة بأسهم ودقة إصابتهم للهدف .. فأشتهروا به عند جميع القبائل .. يقول شاعرهم
هجاج بن هجاج الخييلي الدوسري
وحنا هل الشرفا إلي ثور الدخـان
خيالنا فـي القـا يسنـد سنودهـا
مخانيز الرماح لابدى الشان بالشان
حتى دولة الروم ذبحنـا جنودهـا
ويقول شاعر اخر
عليها من مخانيز الرماح سربه
تداقر الهيجا مدارع أنحورهـا
المشاوية: ونخوتهم اولاد جوزان
خيالة اصخاف الشول هم المساعره ويعتزون ايضا بابن مسعر
يقول شيخ قبيلة ال محيي اليامي:
فوارس مساعره لهم تشهد الاشهاد
لهم عزوة مشهورة يعتـزون بهـا
خيالة صخاف الشول كسابة الامجاد
لاطار ستر الغانية عـن ذوايبهـا
خيالة البويضا هم الغياثات ويعتزون ايضا بابن غياث　وهم اهل الثمان ركايب له قصه من الشجاعه والبطوله
اهل الست وهم الشكره واميرهم بن حفيظ راعي البويضا وهم اهل الست له قصه من الشجاعه والبطوله
حمران النواظر هم العجالين
مسامير الاشدة هم الحراجين
الاد الحبيبي هم المصارير واهل العشر ركايب له قصه من الشجاعه والبطوله
الاد العياضي هم الحقبان
خيال الصفراء هم ال حنيش من الوادعيين
لاد عمار وخيالة الجدعا ولباس الجوخ الحمر هم ال عمار
وقول راكان بن حثلين:
كم واحـدٍ مـن دونـه يعدلونـه
حماية الأمدار في الموقف الحـار
حريبهـم منهـم تشـده اجنونـه
لاسمع عزوتهم من المعركة نـار
والجوخ في يوم اللقـا يلبسونـه
وسلة سيوف الهند من صنع بيطار
لاد رجب مقيدة الجمل بالحديدي هم الرجبان
ال ثويمر او ال وثيله من الرجبان وعزوتهم (ابن الاثمر) نسبه لجدهم ثامر
عزوه ثانيه لهم(خيالة الطرقا)
وعزوة ال براز من الرجبان(خيل الجنفا برازي)
الاد المنيعي هم المخاريم
ظافر بن سمره الهلقمي أمير المخاريم الملقب ( مشخر الفرسان
وتلفون( ظافر) قبل وقت المغارب
أبيض وجه ما داست أقدامه العيب
مشخَر الفرسان حدب المقاضـب
دمَ النحور يخضب السيف تخضيب
هو الشاعر الفارس الأمير/عامر بن زياد البدراني الدوسري ، زعيم الدواسر وعقيدهم في عصره .
وهو الملقب بالضمين أي ضمين الرجال حيث أن من أراد أن يلجأ إليه يسم عصاه فلا
يتعرضه أحد من العرب بأذى
شاعر من شعراء نجد يمدح الضمين الامير عامر بن بدران وناصر المبيعيج
خلت نجد ما يلّقى بها كاسب الثنا
أكود الضمين يم وادي الدواسـر
ويذكر بالصوب الجنوبي خير شقا
حرد الأيدي مكرم الضيف ناصر
الشيخ والفارس والشاعر / مترك بن بادي بن دويكان بن معدي بن قويد
وال قويد من المساعرة من صهيب بن زايد
ويلقب بشيبان ولهذا القب روايتان الاولى وهي انه سمي بشيبان لكثرة الشيب في رائسه والثانية
سمي بشيبان لاصابة بمرض البرص وهو صغير
وهو احد مشايخ وفرسان وشعراء قبيلة الدواسر
عبيد بن خصيب آل خصيب الغييثي الدوسري ،من قبيلة الغييثات الدواسر.
عزوته: اخو مشيا
العماني : لقب للفارس محمد بن فواز آل عيد الغييثات .
راعي البرصا : عزوة الفارس ناجي بن هايف آل عيد الغييثات
البرصا احد ابله الوضح التي كسبها من عبدالله القريفه شيخ البدنه من مطير
الحديبي : لقب للفارس سعد بن ادريس آل عيد الغييثات
الفريد : لقب للفارس مبارك بن خويلد آل عيد الغييثات
راعي الرقبة : عزوة الفارس حسين بن شلاش آل عيد الغييثات
راعي الكحلا: عزوة الفارس خميّس بن شلاش آل عيد الغييثات
اخوان حصه المزاريع من الغييثات
اخو فرجة عزوة الشيخ وقيان بن نصّار
اخو عمشا : عزوة الشيخ محمد بن وقيان
يقول الشاعر:
وعبروها لأخو عمشا وتجينابه .. يجهل القوم والمظهور قافيهـا
اخو شيخه : عزوة الشيخ بداح الحطيم امير آل سلمه من الغييثات
يقول الشاعر:
فعل اخو شيخه ما شابه كل ساير .. طمرته عند الركايـب عجرفيّـه
وبن حفيظ خيال البويضا هو ( سند بن محمد بن فرج ال حفيظ من الشكره الدواسر ) واشتهر بـ بارك الرجل
في المعارك وعرف بـ مخباط سند لانه اشهر رامي في عصره
واول بزوغ سند بن محمد خيال البويضا عندما حصلت معركه بين القبيله مع قبيله اخرى وكان عمره
لا يتعدى 16 سنه وقتل ثلاثه من الخيل الاصيله بطلقه واحده وكانت اول معركه له يشترك فيها
فعرف ابوه ان له مستقبل في الفروسيه والشجاعه فانشد فيه
إسمه سند وان الله اللي مسميـه
إسمه سند ومسنّـدٍ كـل عايـل
مخباط سندٍ يـوم ربـي مقدّيـه
عقر ثلاث مكرمـاتٍ اصايـل
ما قومه الا عوده اللي مربيـه
ومعلمه تصويب ضرب الفصايل
ما هو لهدّات الجماعه مضرّيـه
يبغاه في يومٍ يشيـب الهوايـل
وكان يعرف بسند انه من
اشهر الرماه حيث ذكر في عنوان المجد لابن بشر انه من اشهر الفرسان
والرماه في عصره .
وذكر ايضا في كتاب الزكلاني انه اشهر رامي في نجد في عصره .
وله قصه مع الاتراك ضد الدواسر في احد المعارك وهي من المفاخر للقبيله حيث قتل
رامي المدفع وكسر سند
المدفع و قتل الرامي وقتل قائدهم وانتصر الدواسر فيها على الاتراك ( في الدلم )
وعمه سند بن حفيظ ( ختال الخيل )
وعبد الله بن سند بن فرج ال حفيظ ( راعي الدهما )
بعيدين المغازي الصخابره
اخو جوزاء الامير شارع بن قويد
راعي الحمر وكريم سبلا هو من اطلق هذا اللقب هو الملك عبدالعزيز رحمه الله هو قيان بن
هذال الشكرة
العمور ونخوتهم اولاد العميري
ال الحسن بن اصهيب يعتزون بخيالة الحرشا
والمصارير والحقبان يسمونهم العليات
سقم الحريب هم الصخابره
سربان المحازم هم العمار
والخاصه مثل
راعي الجنفا : وقيان بن رويضان
رغوان : محمد بن عواد
راعي (مقدره) :خريزان من الصخابره كريم
ولالراعي مقدره بالصحونـي
يدهن شحمها من يمينه ذراعه
حسين بن شمه من فرسان الولامين الوداعين وشجعانهم وكان يلقب بابو شلش
يابوشلش يامروين جب عوده
لك عادة يابوشلش تروي العود
ليتك حضرت كميخ في وروده
خلي كما جذع من العام ممدود
السوالف الثمان التي اشتهر بها الدواســـــــــــــر:
هذه الثمان السوالف خاصة بالوداعين وهم يشتهرون بها ويلقبون باهل الثمان سوالف وهي فخر
لجميع الدواسر
اهل المثلوثه هم الوادعين الدواسر وهي تشمل الدواسر كاكل
وقول الشاعر:
بامر الولي فتنا القبايل كلهـا
بثلاث معاني وافي ميزانهـا
الاوله افهم جوابـي يافتـى
اداى جار البيت من جدرانها
والثانيه التارده توخذ بيـان
على القبايل حضرها وبدوانها
والثالثه الضيف عاينوجبتـه
مثلوثة تعبا عزيـزا شانهـا
المبيعيج ناصر: اسمه ناصر ولقبه المبيعيج من الوداعين للمعركه المشهوره التي شارك فيهااا
بشجاعه .
ووتقول وسيم العامريه
وسيم العامرية تسعة أولاد وسبعة إخوان قتلوا جميعاً أثناء المعركة فقالت وسيم هذه الأبيات ترثي
قتلاها
قالـت وسيـم العامريـة واشرفـت
عند الضحى والدمع غـادي بدايـد
على تسعة أولاد مع سبعـة اخـوة
في ورد سمحين الوجيـه آل زايـد
ياطـول مابيتـي مـرب لهجـمـة
واليوم تومي بـه هبـوب الشدايـد
اهل سبق مع حرب خيـل وهجمـة
وهلهـا مضرينهـا بلفـح الجرايـد
والله لـولا ذلتـي تشمـت الـعـدا
وتستـر بالفرقـا اكبـود غـدايـد
لأعوي عوا السرحان في جرهديـة
واعـوي عـواه بنايفـات الفرايـد
بشر غـدا عنـد المبيعيـج ناصـر
غدا بينهم يـوم اختـلاف الوعايـد
فنا أصبر من صماصموك على الصفا
صبور الى شبـوا عليهـا الوقايـد
بعض القاب الفرجان الدواسر
((معيلة الطراد))
يقول عبدالله بن فهد المقابله من قصيدةٍ له طويله
حنا معيلـة الطـراد وهـلٍ لـه .. فرجان مازرفل مخيـفٍ ضعنـا
يعقل بنا الجاهل ويحسب خطاً له .. حسنيـةٍ وافعالـنـا يعرفـنـا
تفخر بنا بندق وحربـه وسلـه .. وصفرٍ نهار الهوش ماهي تعنـا
لامن رموا من فوقهـن الأجلـه .. وتلافحـن باذيالهـن واجلعنـا
ياسعد منا باللقـا فزعـتٍ لـه .. وياويل ويل اخصامهـن لقبلنـا
عليهن الـي بالمواقـف جبلـه .. دواسرٍ زبن الخريـش المجنـا
((السكارا))
يقول بن ضاوي في قصيدته يوم الضويلع
ياراكبٍ من فـوق سـتٍ تبـارا... حمـرٍ وسمرٍكلبـوهـا مـحـلاه
الــــــــــــــى انقــــــــــــــــال
تلفي لربـعٍ بالبطينـه سكـارا ... ينثر لها البرسيم وانتوا شحم شاه
ويقول ابو سويحه الدوسري مخاطباٍ بن لويف آل حبيش العجمان
يحرم عليك ان زيد رحنا يسـارا...يابـو عيـونٍ كنهـا البيدجانـي
بمشي مع الفرجان ((ربعٍ سكارا))...الي يخلون الصعـب مرجعانـي
ويقول فويران المقابله
تطرب وتبهي ((عزوةٍ للسكارا)) ....لاجا نهارٍ فيه ظـرب الجهليـا
]((مبعدين المطاليب))
الوبارين وقيل الهواشله لقبهم
((الدويله))تصغير للدوله
يقول معجب بن رمثه
عليها الدويله هم عجبنا وكسوتها ...هواشلةٍعرابٍ على الظمر الفيحي
لقب ( مرضي الضيفان )
يطلقونه بادية الأفلاج على الشيخ مرضي بن عبد الله آل حبشان الدوسري حيث ظل بابه مفتوحا
لأهالي نجد كافه لمدة ستين عاما تقريبا
وكان ذا جاه ويعرف براعي الجفيدرية أيضاً
خيال السويدا ابن مفوز
عزوة الفارس محمد بن فواز العماني الغييثات
وهي عن اللشيخ الفارس شثين بن نايف الخظران الدوسري ويلقب بـــ ((الأخطل))ومن احاديه
يوم السيالي
راع الرديه ماعليك,,,مادام بالسودا* جهد
والله لا ارددها عليك,,,لعيون مركوز النهد
*السودا فرسه ذلك اليوم
.(فلقب مسامير الأشده يطلق ايضا على الخماسين من الخييلات الدواسر)
وراعي البرصا عزوة الفارس هادي بن فالح آل ونا الخماسين الخييلات الدوسري.
2.(خيّلا العصلا وأنا أخو وضحى)
عزوة الفارس (دخيل بن سالم الزرجي الدبالين )
والدبالين (الااد لدبل) هم من الفرجان آل حسن الصهبه آل زايد الدواسر)
الفارس عبد الله الصماخ المضالمه الغييثات الدوسري
يوم مغزى شعبة نصاب عقر ذلولٍ عليها ردفا وسموه ابوثنين
وصاروا ال بوثنين الى يومنا هذا
لقب الفارس فهيد بن محمد بن فواز الودعاني الدوسري ((المعروف بطحيه)) ولقبه حامى
المراح من الصباح
الدجران
لقب حسين بن فهد المناديع الغييثات لشجاعته
الامير والفارس : ابراهيم بن مانع بن عامر بن فايزالوداعين الدواسر و يلقب بالجبعه لشجاعته
نثارة الدم في ملاعبها لقب للمساعره الدواسر
قول الشاعر القحطاني :
تلفي>> لاد بن مسعر<<حريبـهـم يـسـهـر
اهل سربة تنثر الدم في ملاعبها
وسلامتكم
عن
أخوكم تركى الدوسرى
روابط المواضيع عن الدواسر
وهل اصول قبيلة الدواسر واحدة؟
اصول قبائل قطر
http://www.omferas.com/vb/showthread.php?t=2014
اصول القبائل العربية 1
http://www.omferas.com/vb/showthread.php?t=1921

[ريمه الخاني]

ماشاء الله
ولكن
هناك عدة قبائل في الخليج بنفس الاسم فهل لهم اصل واحد؟
اتمنى ان يتقدم المهتمين بالافادة
وشكرا

[ريمه الخاني]

وهذه اضافة
شاعر لقب بشاعر الدواسر
--------------------------------------------------------------------------------
بسم الله الرحمن الرحيم
السلام عليكم ورحمه الله وبركاته
شاعر لقب بشاعر الدواسر
وصاحب .. حكم وتجارب
واكثر موقف تظهر به هذ ه الحكم والعبر هو عندما يوصي
الشاعرهو
سعد بن ناصر بن فهد
بن سعد بن هتيل بن فهد من ال اباالحسن من المساعره الدواسر
من مواليد الغاط 1333هجريه
توفي بوادي الدواسر رحمة الله عليه
هذه القصيده وصيه من سعد بن هتيل لابنائه وذعار المسمى بالقصيده هو :
ذعار بن سعد بن عويضان الجفارين الدوسري
يقول سعد:
يا ذعار لا جيتهم يوم انت مرسالـي
ما خاب من كان مثلي وانت مرساله
سلم عليهـم سـلام صافـي حالـي
واثنه على اللي يقول العود وش حاله
هذا وانا يا فتى مـا هـوب عزالـي
كم واحـد يمتنـي مثلـي ولا جالـه
انا الحمـدلله عزيـز وطيـب فالـي
ومن كان مثلي عزيز وطيـب فالـه
ياناس خلونـي المسـؤول بهبالـي
واللي بصير بحالـه مالـي ومالـه
لولا المهبل حشا ما يرتشـي حالـي
جعله اهبـال يـزود وزوده اشلالـه
خلوني ادله مع الخبـلان واشلالـي
ما سرني صاحي في دبـرة احوالـه
يا عيال هاكم جـواب مـن تمثالـي
كـلام عـود قضـا باللـي تهيالـه
تكفون حاذور من سيـرات الانذالـي
ترى الفتى سيرته من جوهر افعالـه
لاتحسبون الفخر في جمع الاموالـي
كم واحد عوقه المسموم مـن مالـه
يا مليم المـال جعلـه قلـه الوالـي
لا صار ما هوب في العازات يشفالـه
امـا صديـق شفيـق حـده الالـي
والا بن عم ثقـل حملـه ولا شالـه
الجوهر الغالي اللي مكسبـه غالـي
كسب الثنا يـوم مـا كـل بيحتالـه
والطيبه سنهـا الاول علـى التالـي
ومن جنب الطيب واهل الطيب عزاله
والغانمه مـا كسبهـا كـل رجالـي
ايضـا ولا كـل رجـال بيتهيـالـه
والما المسمى يبـي دلـو ومحالـي
وكل يقوس الطويـل ويـرد بحبالـه
هذا جوابي وانـا اقولـه ولا ابالـي
من مصنع صايغه يفهـم تسلسالـه
مانيـب كـوح يرقعهـا بالاسمالـي
ما حل في خاطره من ملهـج قالـه
اصبهـا صـب وانخلهـا بمنخالـي
واصفهـا صفـة الصـراف لريالـه
هـذا ولا نيـب للعربـان دلالــي
منـي وعنـي واقولـه واتثنـالـه
افضيت عما مضـا باللـي تهيالـي
واستغفر الله بـدق القـول واجلالـه
----------------------
وقال:
والله لو ان الهرج من غير سلطان
ماصبر ولو ان التسرع من ابليس
فسادنا ذبح الغنم يـا بـو مـران
وحط عليها من طول النسانيـس
ونطرب الى جانا من البعد ضيفان
نفرح بهم مـن حبنـا للنواميـس
.................
وقال بالكرم:
ياللي تقول ان فقرنا من يدينـا
لاتحسبنا مـا نعـرف التدابيـر
ياما غدا من ويـا مـا عطينـا
وياكثر ما حشت يدينا من الخير
نجود من جودات ربـك علينـا
ونصبر ليا كثرة علينا المخاسير
وان جات من ربك على مابغينـا
والاجرنا في رجـا الله بتيسيـر
ولو الصخر ياطا على ما وطينا
خطر يذوب من التجمد على الكير
توفي الشاعر بوادي الدواسر رحمة الله عليه
تركى الدوسرى

[طيب القلب]

اختي بنت الشام



اختي ام فيراس


مااروع ماسطرت اقلامكم الذهبية

[ذيبان]

الموقع الرسمي لقبيلة الدواسر
مجالس فبيلة الدواسر
http://www.aldwasr.com/vb/