اللهجة الحلبية!!!

[ريمه الخاني]

السلام عليكمط لملت لكم مفردات حلبية تجنن


اللهجة الحلبية
أمتازت اللهجة الحلبية عن غيرها من اللهجات السورية بأنها فريدة من
نوعها ولايوجد لها مثيل على الأطلاق واليكم بعض المفردات الشائعة الأستعمال
جدبة : يعني مجنونة
سكرتون: يعني خزانة
ابوس روحك : للمدح
ورصاص : يعني دعاء بالموت وايضا
يبلاك بيقتلك يعني دعاء بالقتل والضرب
لاتجقجق يعني لاتدوس على الماء ( هي اذا كان الارض مغسولة)
بتاتا يعني البطاطا (البطاطس )
مجأجأ ...... مرطب
عوجة .... كوع
خلء .... عالم
و كلكم تعرفون أغنية فيروز ( شئد في خلء عالعوجة تنطر خلء )

إمتازت اللهجه الحلبيه .. بأدوات إشاره خاصه فيهم .. يعني العرب
كلهن كوم .. وهم كوم تاني ..
وهنن
كوهنه ... للمذكر القريب
كيهنه .. للمؤنث القريب
كوهاك .. للمذكر البعيد
كيهاك .. للمؤنث البعيد
كوهاكيي .. لجمع المذكر البعدين
كيهاكين .. لجمع المؤنث البعدي
كوهنن .. لجمع المذكر القريب
كيهنن .. لجمع المؤنث القريب
وطبعا للسهولة في اختصارات كمان
إختصار المذكر القريب . . كو
إختصار المؤنث القريب .. كي
الله وكيلكون هي بس مفردات الإشاره .. بس مشان تصدقو شأد
لهجتهم اهل حلب غنيه ..
روح قلبهم يجقجقو
ومن الأختصارت أيضا
تاااا بدل من تعال
رووو بدل من روح
ما راي بدل من مالي رايح
ابخالتي بدل من ابن خالتي
شأساعه بدل من شقد الساعة
اشلك فصتون يعني بالشامي شو بدك فيون
ونانتي يعني جدتي.........(احنها نقولها بلهجتنا المصلاوية)


وكمان :
جنق ... هي الصحن
فرتيكه .. هي الشوكه
خوليه .. هي
البشكير
أردغان .. هي الهديه
جمجايه .. هي يعني معلقه السكب المقعره...(كمان بنقولها بلهجتنا المصلاوية بنقول جمجة)

أستنوا لسا ماخلصت اشبكن في كمان
خيت وخيتو --- يعني أختي
خاي وخيو ---يعني أخي
جلق --- دمه ثقيل
اشبك --- سؤال استفسار..(باللهجة المصلاوية أشبيك)
وجع --- دعاء بالالم ..(احنا كمان نقولها بالموصل)
خوته --- معه صراع
فلته --- واحد شاطر ..(كمان بنقولها بالموصل وبكثرة)
كرتاية ----> سكجا يلي بتدخل فيها اكندرة
أنضرة ----> الكندرة
بانجان----> باذنجان
دي بقا ----> لك لك
علوّا .... اي يا حبذا (وكماااان بنقولها باللهجة المصلاوية)
عطوني رأيكم !!!

السؤال هنا مالقواسم المشتركة بينها وبين الادلبية وما له صلة؟
سؤال لروادنا من ادلب
مع الشكر
مقتبس من ادلب الخضراء

[الإخاء]

هناك عبارات متوافقة واصيلة ولكن الغالب غريب بحق
وأعتقد أن سبب اللهجات الغريبة هو المستعمر





أم فراس

شكرا لك

[فتى الشام]

عن جد اهل حلب يتكلمن هذه اللهجة لانني بالاصل حلبي وهي اللغة العامية ولكن الان اصبحت تنقرض هذه اللهجة تدريجيا مع تطور الانسان ويسلموا ايديكي يا اخت ام فراس (خيتو)

[أبو فراس]

خيوا انت حلبي؟
شرفتنا ولوووو
هات شغلات حلوة من عندكم وكتر خيرك
اخوك حكيم
سلاااااام