إنتِـى .. أنـا ( الشاعر مدحت عطية )

[مدحت عطية حسن]

إنتِـى .. أنـا

لو صُنتْ .. صونى

لو خُنتْ .. خونى

ولو هُنتْ يوم

هتهونى

إنتى .. أنا

ولو كُنتْ يوم

هتكونى



في التوهه

إنتى .. السكة

وفى عطشى الميه

وفى دمعى

إنتى .. الضحكة

وفى ليلى ضيه



إنتى الشواشى

لو طاطيت

لو ضهرى نخ

لو حنيت



شمس الليالى

لو ناديت

فى الغربة

إنتى .. بيت



لو كنت طير

إنتى .. الجناح

لو كنت ليل

إنتى .. الصباح



إنتى إلـ باقى

لو كله راح

لو ضاق مكانى

إنتى .. البراح

[كاظم الفضلي]

المبدع مدحت عطية حسن .. قصيدة جميلة
موسيقى سلسلة وعذبة وبناء جميل وكلمات
ممتعة بصورها .. شكراً ودام قلمك وذهنك
بعطاء ..

كاظم الفضلي

[ريمه الخاني]

قصيدة خفيفةالروح بل رائعة
تحيتي لك ولحرفك الجميل