سالفة عشاق

[abozaid]

سالفة عشاق
من بغى الفرقى لقاله عذز و اسباب و دليل
خلي عنك العذر و الاسباب ما دام الحب الضاع
كان ودك بالفراق ايش عسى عمرك طويل
لاتردد و انت لك كلمة و لك امر مطاع
لي عليك انك تبت بكلمة تشفي الغليل
و لك علي اني لاوقف وقفة الرجل الشجاع
لا تجاملني مخافة قال ما ادري خوف قيل
عمر هرج الناس ما يسمن و لايغني جياع
كان قصدك سر حبك اوعدك لاصبح بخيل
و احمل اسرارك معي للموت قدر المستطاع
بس قولها قول احبك و ابشر بصبر جميل
لا تحسب اني مثلهم في طبعهم لوي الذراع
صاحبك ماهو كذه يا صاحب الخد النحيل
صاحبك طبعه غريب و غربته غربة اطباع
الهوى ما يقبل الحل الوسط و لا القليل
مثل ما هو اذا ثرى يثري و عن باع .. باع
ثابت لو هي تميل الارض حذرها ما يميل
يدري انه الفقر ما هو عيب و الدنيا ضاع
ما عشق لذة حياته كثر عشق المستحيل
و لا كره حتى مماته كثر كره الانصياع
كم تعلم من شديد البدو ايش يعني الرحيل
و كم تعلم من غروب الشمس ايش يعني الوداع
و كم تعلم من سحاب الصيف ايش يعني الحصيد
و كم تعلم من ليالي البرد ايش يعني الضياع
ايه ... انا هذا طريقي موحش و صعب و طويل
و انت دام انك تعبت ... العالم بوجوده وساع
اعتبرني في بداية سكتك عابر سبيل
وروح .. انا وقلبي .. معال .. وين ما وجهته الشراع
يكفي اني اذا ذكرت في سالفة عشاق قيل
عاش احبابه شجاع
و فارق احبابه شجاع

[بنان دركل]

يالله....
معانيها تفطر القلب وتشفي كل محب ضاع حبه.....
من بغى الفرقى لقاله عذز و اسباب و دليل
خلي عنك العذر و الاسباب ما دام الحب الضاع
يمكن انا اكابر للحب ضاع
او اجامل لو هو باع...
بس الجرح في القلب غار...
وانت بقيت فيني من غير انصياع
سلمت يداك

[فاطمه الصباغ]

سلمت يداك كلمات جميلة