شاعراً ماكّن فيه اشعور!! /مازن العوني

[ريمه الخاني]

اسعد الله اوقاتكم بالخير والسعاده اليكم بعد الغياب آمل ان تلقى قبول في قلوبكم النقيه00
((
))
((

بعد طول الغياب اللي تعدى له سنه واشهور=حبست انفاس صدري صبر مير الصبر مااطيقه
ولكنّي تنهدت القصيد وظنتي معذور=بعد قلبي تقطّع ياغلاته من معاليقه
تذكرتك وانا صدري حزين وخاطري مكسور=احاول ترجمت شعري وشعري ناشفٍ ريقه
ذبل ورد الغرام اللي على درب االوصل منثور=وصار الشوك في دربي بتغريبه وتشريقه
اسوق الرجل مع ذاك الطريق المبطي المهجور=واعيد الذكريات اللي تزيد القلب تشويقه
وزاد الشوق فيه وبيّح الظاهر مع المستور=ولكنّه يكن اغلى العهد واقوى مواثيقه
تعاهدنا على حب النزاهه لو بقى محظور=نحْفظ علوم سد سلوم والشعر وطواريقه
ولا يومٍ مشينا فالظلام ،،الا.. نحب النور=تركنا هالظلام اللي بلا نور إلـ..عشاشيقه
لوانك ياالغياب الصعب هد احوال،، ضيق ،،اصدور=ونوم العين اعدك ياالغياب اقوى سواريقه
لك الله ياغيابه دارنا في غيبته ممطور=ويزهاه الربيع اللي تمايل به زماليقه
وانا في ناظري ممحل وكنه له سنه مدهور=آناظر له بنظرة عاشقٍ يزفر من الضيقه
تذّكر ماتّذكر والغياب الشين ماله سور=سوات الموت مابينه وبين الموت تفريقه
والا يادار جيتك شاعراً ماكّن فيه اشعور=رفعت الصووت وووينه ماإحْد جاوب من مخاليقه
والاياالله عساه بخير جعله فالزمن مسرور=وانا عادي بشيل من العذاب وكل مااطيقه!
وبعد ذاك الغياب اللي تعدى له سنه واشهور=وقف شعري على درب الوصاال وناشفٍ ريقه!!

[ظميان غدير]

قصيدة رائعة من الهزج الرباعي
وبها معاني وصور جميلة
شكرا لك يا ريمة على نقلك الجميل
تحيتي
ظميان غدير