أخذني وياك ..

[كاظم الفضلي]

أخذني وياك ...

أريد أوياك ...
أخذني أوياك سالوفه وحجايه أزغار
أسولفلك ... أسليك الدرب كله
ونرد نلعب مثل ماجنه كبل أزغار
أسولفلك .. حجي العندي وأسمعك من تظل محتار
تعبانين صار أسنين نفتر والوكت دوار
هواك أشماله رد بيه ولهان وكتبت اشعار
أخذني ..
شحلات الدنيهة ساعتهه تلاكت إيدي بيدينك
أضمنهه وترد بيهه
وبجت دكات البكلبي شفت احلامي البعينك
لكيت الحسره والونه
لكيت الفرحه والضحكه
لكيتك بين كل كطعة نفس مرات اشمنك
ولكيت أشكثر ميته الجلم ذيج البيني وبينك
أخذني ...
بعد كل العمر ما فات وجزنه اسنينه فحطانه
أخذني الكلب مابطل وبعدهي عيوني عطشانه
وأظم إيدي ودفو إيدك يلم بيديه بردانه
أخذني دفتر وجلمه وقصايد شوك تعبانه
كاسيت ورسايل عشك بين احباب زعلانه
شكثر بيهه حجي وهموم
شكثر بيهه زعل مالوم
شكثر وشكد ؟؟؟
حملت السكته واتعمد
حملت الفرحه مخنوكه وحرام وي الفرح أنعد
أظن هالمره مامش حيل للوعات ماتنعد
أخذني اعله الرمش دمعه تنسشف لو جرت عالخد


كاظم الفضلي

[ظميان غدير]

قصيدة رائعة وجميلة
وعذوبة واضحة في هذه السطور اخ كاظم الفضلي
وصح لسانك
ظميان غدير

[الشاعر لطفي الياسيني]

جزاك الله خيرا وبارك الله لك وعليك
لك مني عاطر التحية واطيب المنى

[ريمه الخاني]

سلم بنانك وحرفك شاعرنا العزيز
وتثبيت

[كاظم الفضلي]

شكراً سيدتي الكريمة والأديبة الرائعة ريمه الخاني
تناغمت مفردات قصيدتي شدواً وحلق بعضها طرباً
فالبهجة لا تأتي أعتباطاً وأنتِ كل مرة تغمرينا بكرم
نتوسمه . شكراً على التثبيت وتقبلي ودي وتقديري

كاظم الفضلي

[كاظم الفضلي]

الشيخ الجليل والأديب الكبير لطفي الياسيني
حفظك الله ورعاك سيدي الفاضل وأمد الله بعمرك
أنساناً وأديباً ومبدعاً ومجاهداً .. شكراً لعرفانك ولغة
محبتك .


كاظم الفضلي

[كاظم الفضلي]

الشاعر والأديب والأستاذ ظميان غدير
ستبقى متواضعة كلماتنا وخجولة أمام
حضوركم وأبداعكم البليغ . شكراً أخي
العزيز . فكل بصمة منك حزمة ضوء

كاظم الفضلي