مختارات من الشعبي السوري

[ريمه الخاني]

بالي معاك بالي


بالي معاك بالي بالي ** يابو الجبين عالي عالي
و حياة سواد عينيك ** يا حبيبي غيرك ما يحلالي

عمري ما راح يرتاح * يا حبيبي * و الشوق بقلبي يزيد
فكري معاك رواح * يا حبيبي * و غيرك ما يحلالي
ولعتني بحبك * يا حبيبي * و قلبي بهواك مشــغول
بيت الشعر بيقول * يا حبيبي * غيرك ما يحلالي

مهما تشوف عيني * يا حبيبي * من الجمال ألوان
ما بعشق غيرك آه * يا حبيبي * و غيرك ما يحلالي
إلهي يجمعنا * يا حبيبي * و نعيش سوا على طول
يكفيني توصلّـي * يا حبيبي * و غيرك ما يحلالي

القلب لو قال آه * يا حبيبي * آهاته تكـــويني
إمتى بقى الدنيا * يا حبيبي * بقربك حتحـــلالي
****************

عالصـــالحية و يا صــــالحة
لا تقـــــولولي وينك يا صالحة
ما غمضت عيوني من مبارحة
لشـــــــــوفة حبيبي أنا رايحة

جابلي و جابلي يا ماما جابلي
حــــلق الألماس انشالله يلبقلي
حاكاني شي؟.... لا و الله
زعلني شي؟ .... لا و الله
و انا لعنــــدو رايحة

جابلي و جابلي يا ماما جابلي
عــــــقد اللولو انشالله يلبقلي
عذبني شي؟ .... لا و الله
مرمرني شي؟ .... لا و الله
و انا لعندو رايحة

جابلي و جابلي يا داده جابلي
روب الحـــرير انشالله يلبقلي
نسيني شي؟ .... لا و الله
لوّعني شي؟ .... لا و الله
و انا لعندو رايحة






يا مــــال الشــــام يالله يا مالي


يا مال الشام يالله يا مالي ** طال المطال يا حلوة تعالي
طال المطال و اجيتو عالبال ** الليل ما بنام يا حلوة تعالي

طال المطال و عيوني بتبكي
أنا صــــابر و لا بقدر احكي
يا ريت تكون الحـــلوة ملكي
الليل ما بنام يا حلوة تعالي

طـــــال المطال تعي لناحي
من بــــــعدك زادت أتراحي
بـــــــقربك بتزيــــد أفراحي
الليل ما بنام يا حلوة تعالي

؟؟؟؟؟ و تكوني لغيري
و اللي بيعشق ماهي عيرة
؟؟؟؟؟؟ يجي نصيبي
و حياتك أنا روحي فداكي

طال المطال وانا باسأل عنك
ياما ؟؟؟ أهـــلك
و حيـــــــاة ربك قلبي بيحبك
الليل ما بنام يا حلوة تعالي
************
يتبع

[ريمه الخاني]

ع الأوف مشعل


غابت النا الشمس يا ابن شعلان
وأريد اروح مع عزيبي

ع الأوف مشعل أوف مشعلاني
ماني اتبليته هو الي تبلاني

شفت واحد واقف جنب البركة
حكيته عربي جاوبني بالتركي

نسوان تحكي والأطفال بتبكي
مع مين نحكي تركي أو الماني

ع الأوف مشعل أوف مشعلاني

شفت القانون جاي من بعيدِ
حبيت أهرب ما طلع بأيدي

قلي الوثيقة ناولته مجيـــــــــــدة
لطش المجيدة وقلي : إنت فراري

ع الأوف مشعل أوف مشعلاني
مع السلامة يا ربعي وخلانـــي

فلكور سوري ..

************

-* حوّل يا غنام : و هي احدى روائع الفنانة نجاح سلام ....
-* حوّل يا غنّام حوّل **** بات الليلة هين
قلّي يا غنام بَالّله **** شايف حبّي فين ....

عاهدني المحبوب ببالوا *** ييجي يلاقيني
مالو يا غنام مالوا ما بيوافيني ؟؟
يازينة العربان أحلف *** أحلف بديني
على غدير الماي غادي *** غادي شفت الزين ...

يطوّل عمرك يا غنام *** رديت روحي اليّ
قلّي بالله بأيا عين *** شفتوا بأيا ماي
كان قلبي قبل وصولك **** مكوي بناروا كيّ
لا عم باكل و لا عم بشرب *** بقالي يومين ...
الله يصبر قلب العاشق *** يا أخت العربان
و يجمعك بحبيب قلبك *** بجاه الرحمان
تحظي فيه و يحظى فيكي *** و تعيشوا بأمان
روحي الله يكزن معاكي *** بلكي تلاقيه هين ...

وين يا غزلان البر *** شارد غزالي
مين منكن يرضى عليّ *** و يريّح بالي
يا جبال يا وديان *** ارثي لحالي
يا مناهل يا غدران *** وين حبيبي وين ؟؟؟

-*** أغنية يم العباية :
يمّ العباية *** حلوة عباتك
جمالك آية *** زينة بصفاتك
زينة بصفاتك
يا حياة الروح *** و القلب مجروح
و الجسم مطروح *** جنّ بنظراتك
جن بنظراتك
وجهك المدوّر *** قمر و مصوّر
سبحان من صوّر *** حسنك و ذاتك
حسنك و ذاتك ...

************

قالتلي بخاف من القلب **** يختير من بعد الجازي
قلتلها بنضل نحب *** لو صرنا ع العكّازي ... لو صرنا ع العكّازي
قالتلي ياحبيبي بخاف *** تصير محبتنا عادي
لا من دري و لا من شاف *** كل واحد منّا بوادي
قلتلها مهما كبرنا *** بحر الحب بيغمرنا ...
لو صرنا ع العكّازي
***********
يتبع

[ريمه الخاني]

ميّل تنشوفك و لنّو*** شي دقيقة زمان
ميّل ع الفيّي *** إشرب شربة ميّي
ارتحلك شويّي . يا غزيل . حاجي بقى تخيِّل * يعني : تتصبب *
آه يا غزيل ... يا غزيل
تلتف بعبا *** يا رفيق الصبا
بتمرق من تحت الشباك *** مافي مرحبا
بدك تهجرنا . ميّل .و ما تعود تذكرنا
ميّل خبرنا . يا غزيّل . و لا تعود تميّل
آه يا غزيّل يا غزيل ....
***************

عازز عليّ النوم طيفك على بالي
غير الصلاة و الصوم مايصبر حوالي

حالف ماكنت أهواك لوما القلب يهواك
دمعي على فرقاك يبكي على حالي

هايم أنا مشتاق للحسن و الأشواق
لفراق مأصعب لفراق عن حبك يا غالي

عمري ما قلت الآه من قبل ما ألقاك
طيفك أخدني معاه و جرحلي موّالي


عازز عليّ النوم طيفك على بالي
غير الصلاة و الصوم مايصبر حوالي
*************
أه يا حلو يا مسلِّيني



أه يا حلو يا مسلِّيني

يللي بنار الهجر كاويني

إملا المدام يا جميل واسقيني

من كثر شوقي عليك ما بنام



حبِّيت جميل يا ريتني ظلُّه

حاز الجمال والحسن كلُّه

لمَّا رأيت ملك فؤادي

صَبَّرت قلبي وحملت ذلٌّه



أبيض ويا، يا لون الياسمين

يللي على خدَّك شكَّل ورد

وحياة خدودك والجبين

إني أسير المودَّة

ما ظنّ قلبي تنساني

وتزيد في حبَّك أشجاني

عُد يا جميل عُدْ لي تاني

من كثر شوقي عليك ما بنام


*********
يتبع

[ريمه الخاني]

أكتر ما فيّي عملتوا حتى أرضيك *** و همّك ع كتافي شلتوا مابيّن فيك
* شو عملتلك لتترك قلبي و تروح **** و غيابك أصعب عندي من طلوع الروح
مطرح ما كنا نقعد نمشي و نروح **** رح أبقى أدعي ربي حتى يهديك
* لو كل شي حبّوا متلك ماكان الحبّ *** و ما في شبّ و صبيّي مشيوا بهالدرب
رح تبقى نور عنيّي و جوّات القلب **** خلّيك تعذّب فيّي أكتر مافيك ... أكتر ما فيك
**************

قلبي يهواها

قلبي يهواها البنت الريفية قلبي يهواها

ويلي محلاها على نبع المية ويلي محلاها

بالله يا غالي لا تقسِّي قلبك بالله يا غالي

طول الليالي يقابلني رسمك طول الليالي

بيدي رويته الورد الزاهي بيدي رويته

وانا هويته فتَّح على غصنو وانا هويته

لحظك رماني يا بو الجديلة لحظك رماني

ونومي عاداني ما بيدي حيلة نومي عاداني

سيفَك رهاوي يعجبني صنعه سيفك رهاوي

يجرح ويداوي رمشَك يا ولد يجرح ويداوي

على ديرتنا ميِّل يا ولد على ديرتنا

من مودِّتنا تهنَّا الحبايب من مودِّتنا

عالبرج العالي لاطلَعْ واندهلك عالبرج العالي

قربك يحلالي بُعدَك حيَّرني وقربك يحلالي

يا هوى بلادي نسم ونعشني يا هوى بلادي

روحي وفؤادي فدى للوطنِ روحي وفؤادي

(توفيق النمري)
**************


عبدو حابب غنـدورة وغيرا ما بـدُّو

والغندورة مأفورة علقـانة بعبـدو

***************************

امبارح لما شافا جاية عالكرمات

ومالت حد شفافا نسمة من النسمات

صار يغني وصار يدور وصوتو عمّا َيفيض سرور

ويسأل وينو هالناطور تيروح لعندو

***************************
عبدو حابب غنـدورة

وغيرا ما بـدُّو

والغندورة مأفورة

علقـانة بعبـدو

***************************

ومرَّة طلبت منو قدام الأصحاب

أنو يظهر فنو وعبدو سبع الغاب

فزّ بقوِّة عالبستان

وصار يتعمشأ بالأغصان

وقطع زرعات الجيران

بِقوِّة زندو

***************************
عبدو حابب غنـدورة

وغيرا ما بـدُّو

والغندورة مأفورة

علقـانة بعبـدو

***************************


يعني عبدو بدعة

وحبو مالو قياس

رح يهجم عالضيعة

ويضرب كل الناس

لازم يتجوز غندورة

بتروء الحالة مأفورة

وبتغني الضيعة وطيورا

فليحيا عبدو

***************************
عبدو حابب غنـدورة

وغيرا ما بـدُّو

والغندورة مأفورة

علقـانة بعبـدو
*************
يتبع

[ريمه الخاني]

-* رفّي بجناحك رفّي *** و طيري بهالدنيا و لفّي
مافيكي تروحي لبعيد **** و خيطك مربوط بكفّي
خيطك مربوط بكفّي

عيوني عليكي سهرانين *** نظرة شوق و نظرة حنين
لو طرتي و صرتي بالصين **** بحبي بدّك تعترفي
بحبّي بدّك تعترفي

بيني و بينك حب كبير **** لا ترمي حجارك بالبير
لحطّك ع جناحي و طير *** جناحي كبير و بيكفّي
جناحي كبير و بيكفّي
و رفّي ..............
*****************
ع الروزنة ع الروزنة
كل الهنا فيها
شو عملت الروزنة الله يجازيها



يا رايحين ع حلب حبّي معاكم راح
يا محملين العنب تحت العنب تفاح
كل مين وليفو معو و انا وليفي راح
يا ربي نسمة هوى ترد الولف ليّ



يا رايحين ع حماه صفولي نيتكم
و كتير عقلي شرد بهوى بنيتكم
حلفتكم بالغالي ... و منين ميتكم ( مياهكم )
ميتنا عاصي حماه شرب الأفندية


ع الروزنة ع الروزنة
كل الهنا فيها
شو عملت الروزنة الله يجازيها

**************
الأرانب -

عشرة ارانب ... مات أرنب يا عيني مات أرنب يا عيني بقيو تسعة بقيو تسعة
تسعة ارانب ... مات أرنب يا عيني مات أرنب يا عيني بقيو تمانة بقيو تمانة
تمانة ارانب ... مات أرنب يا عيني مات أرنب يا عيني بقيو سبعة بقيو سبعة
سبعة ارانب ... مات أرنب يا عيني مات أرنب يا عيني بقيو ستة بقيو ستة
ستة ارانب ... مات أرنب يا عيني مات أرنب يا عيني بقيو خمسة بقيو خمسة
خمسة ارانب ... مات أرنب يا عيني مات أرنب يا عيني بقيو أربعة بقيو أربعة
أربع ارانب ... مات أرنب يا عيني مات أرنب يا عيني بقيو تلاتة بقيو تلاتة
تلاتة ارانب ... مات أرنب يا عيني مات أرنب يا عيني بقيو تنين بقيو تنين
ارنبييييين .. راحوا اتزوجوا يا عيني راحوا اتزوجو يا عيني وجابو عشرة جابو عشرة

عشرة ارانب ... مات أرنب يا عيني مات أرنب يا عيني بقيو تسعة بقيو تسعة
تسعة ارانب ... مات أرنب يا عيني مات أرنب يا عيني بقيو تمانة بقيو تمانة
تمانة ارانب ... مات أرنب يا عيني مات أرنب يا عيني بقيو سبعة بقيو سبعة
سبعة ارانب ... مات أرنب يا عيني مات أرنب يا عيني بقيو ستة بقيو ستة
ستة ارانب ... مات أرنب يا عيني مات أرنب يا عيني بقيو خمسة بقيو خمسة
خمسة ارانب ... مات أرنب يا عيني مات أرنب يا عيني بقيو أربعة بقيو أربعة
أربع ارانب ... مات أرنب يا عيني مات أرنب يا عيني بقيو تلاتة بقيو تلاتة
تلاتة ارانب ... مات أرنب يا عيني مات أرنب يا عيني بقيو تنين بقيو تنين
ارنبييييين .. راحوا اتزوجوا يا عيني راحوا اتزوجو يا عيني وجابو عشرة جابو عشرة

عشرة ارانب ... مات أرنب يا عيني مات أرنب يا عيني بقيو تسعة بقيو تسعة
************
بلبقك شك الالماس .... اه يا عيني ..
اخدوك يا حبيب قلبي يا ويل ويلي


شفوفو حبيبي يا عيوني ... واقف بره
شوفو عمن يتمايل .. قص الغرة
حبايب لا تلوموني الفرقة مره...

كيف العمل يا حبايب .. عاشر غيري
شوفو حبيبي يا عيوني .. على المينا

شوفو عمل يتمايل .. ما بيسقينا
حبايب لا تلوموني وانا مسكينة

كيف العمل يا حبايب عاشر غيري

****************
عن ادلب الخضراء
http://www.edleb.net/modules.php?nam...r=asc&start=60

[ذيبان]

مختارات جميلة بل رائعة
مشكورة ام فراس

[هشام الخاني]

اختيار رائع يا بنت العم
تعيشي وتختاري
هشام

[كاظم الفضلي]

الأخت والكاتبة والأديبة أم فراس
شوقتينا أن نسمع هذا الفن الرائع
والأدب الجميل .. حقاً رجعت لأيام
الأصالة في الغناء والأدب الشعبي
شكراً سيدتي الكريمة ..

كاظم الفضلي