ما تغمضش عنيك في الحزن

[عمرو السعودي]

ما تغمضش عنيك في الحزن
وما تجريش تركب مركب
أو تعمل إنك مش واخد بالك
الحزن أمامك ... وأنت قصاده
يعني يا يصطادك !
أو تصطاده
إبكي لحد الصبح
ما تسيبش الحزن
ينام أيام
وتقول أنا فل الفل
هيطل عليك هيطل
وأنت لا حديد ولا صلب
فالأحسن تبكي
زي العيل ما بيبكي
لا البكا معناه الضعف
ولا معناه الخوف
البكا بيداوي القلب البور
وبيرويه
إبكي
إبكي لحد ما
يطرح نور
---------------
عمرو السعودي - البرازيل

[راما علي]

إبك تبك لوحدك , واضحك يضحك العالم معك .
شكراً ومنكم نستفيد , لك أغلى تحية أستاذ عمرو السعودي ,

[عمرو السعودي]

اهلا استاذة راما علي ومنك نستفيد.
تحيتي لك دوما
عمرو