سرقوا الحلم ( الشاعر مدحت عطية )

[مدحت عطية حسن]

سرقوا الحلم

سرقوا حلمـى
من ليلى
خطفوا .. بكرة
من أيامى
كسروا قلمى
الـ باقى لى
خنقوا فى الحلق كلامى

حتى .. الطريق
أخدوه منى
وبقت الخطوة
من غير .. سكة
سرقوا .. الأمل
بعدوه عنى
وماتت فى حضنى
الضحكه

إمتى هتشيلوا
الرحى .. من فوقيا
إمتى هترجع
الأرض .. تحتيا

إمتى نهرى
هترويه .. الميه
إمتى أحس
ان الـ باقى ليا
رجعوا .. الحلم

الـ كان في عنيا
رجعوا الغناوى
المنسية

[كاظم الفضلي]

الشاعر مدحت عطية .. شكراً لك قصيدة
ممتعة وجميلة ، تحمل صور رائعة .
تقديري لك .

كاظم الفضلي

[ريمه الخاني]

رغم انهم سرقوه إلا أننا ماضون فيه رغما عن أنوفهم..
تحيتي لك