مرًة سألني طير بعيونو

[فايز كرم]

مرًة سألني طير بعيونو
ليش انتو الناس بتخونو
بكل مطرح عندكن أحباب
وأحبابكم مطرح ما بتكونو
قليٍ :
نحنا إذا بنحب ما منخون
وعهود الحبيبة بنحفظ ومنصون
وانسا نكن لو اغتال شي حسون
حسونتو بتموت من دونو
قلتلو :

ياحسون حالكن متل حالي
أنا بالحب مابغير مجالي
الجمال الله خلقو بحالة
وقال للناس حبو وكونو


بس الورد اشكال وزرار
اسآل القلب عن صدى الأشعار
ولو الخيانة بتعمر الدار
كان كل الناس بيخونو


بس العشق للقلب بلسم للجروح
ولوما الهوى ما بنيت صروح
ولوما العشق ماشفت شاعر
كتب كلمة ولا دمعة بعيونو

الحب جسر العاطفة بين الشعوب
وقلوب موصولة بشرايين القلوب
ولو كان الحب عم يحمل ذنوب
كنت اكفرت بقلبي وشجونو



المهندس فايز كرم
19\6\2007

[بنان دركل]

رقيقة جدا ومعبره
بنت الشام

[ريمه الخاني]

جميلة الابيات
واشكرك لان شعرك فتح لنا باب الشعر الشعبي لم اتوقع حقا ان نرى فيه كل هذه المساهمات

تحية

[فايز كرم]

رقيقة جدا ومعبره
بنت الشام

شكرا لمرورك اللطيف وتحية لك

[فايز كرم]

شكرا لمرورك الكريم الذي اعتز به دائما
وأرجو أن يكبر عشاق ومحبي الشعر الشعبي
وتحية العطرة لقلمك الفذ

فايز