شفتك ع كتفي ياوطن

[فردوس النجار]

بحياة الله يا الأهل كافي..صار النهار بـْدارنا مجافي
الشراع حايم تايه ومقهور..والريح خوتا والذعر
كل يوم بحكي للزمن قصة ! ..ضاع العمر والغصة بالغصة
نام القـَطـَا ..والقلب بالميزان !..غار الصباح ..وكل أعرافي
عم بحلم وهالخوف حاملني ..والدرب صعبهِ ..وُنـُوْحْ آ لـَمـْنـِي !
يا ريت ترجع يا سْرب نيسان..وُتـْرَجـِّعْ الغيم الـْوُقِـع مـنـِّي !
وحدي ع شباك الأهل سهران !..والوطن عامل للقلب أنـِّـهِ
شـْفتـَك ْ ع كـْتــْفـي يا وطن حيران !..خايف عليـِّي..وُمـْسـْتـِحِي منـِّي
وُإنت اللـِّي صوتـَك عالمدى رنـَّان ..معجون فيـِّي مو جزء منـِّي !!!!!!
يا شام دمعِك جرَّح خدودي..والروح لـَيْكي تـَوَّهـِتْ عـنـِّي
صلـَّيْت ع ديالـِك يا سوريَّا..ورح ضـَل صلـِّي طيلة الأيَّام
بركي الحبايب تشتبك دَيَّا ... وتـْصير ها لمحنهِ حَكي وُأ وهام
وُتـْغلي يا حلوي بالعـشق والناس ..تـْتـْمـَرَّغ.. بألوان من أحلام
دمشق-الشاعرة : فردوس النجار

[ريمه الخاني]

روحك الوطنية الرائعة تسعد كل من يقرا لك غاليتي
دمت بمحبة وامان

[فاتن علي حلاق]

ما اروعك وما اجملها من كلمات

سلمت وسلمت بلدنا الحبيب سوريا

تحياتي

[فردوس النجار]

شكرا غاليتي ريمه
وشكرا لك اختي فاتن
مع محبتي دوما

[ظميان غدير]

ما اجملك من شاعرة خائفة وجازعة على مصلحةالوطن

تحيتي لك ولحروفك يا فردوس النجار