قصيدة عصماء في اليبرق

[فراس الحكيم]

الى كل من يعشق اليبرق


يبرق مع العصاعيص يا حبي
تحتك دهن شرحــــات متخبي

والتوم نيفا انسـاب واتسوسح
والريحة آاخ , ولي على قلبي

والزفرة عم تلمع على خــدودك
اي أبوس روحك قولــة الحلبي

والمرقة عم تنضح بحامضهــا
وعم ينقف الهبّال على عصبي


يا يبرق الأحرار كرمــــالـك أنا
بفخر بكوني مواطنٌ عربــــــي

جاية عبالي قول: أنـــــا بحبك
بكل اللغات الشرقي والغربي

يلله استوي وحققلي أحلامي
قد ساف قلبي في لظى اللهبِ

لقد استوى يا فرحتي وسـعدي
ياعمري يا أنسي وَ يـا طربي

هاتـــوا الخبز والطنـجرة كلهــــا
وبعدولي مــــــــا بدي حدا جنبي


عم أمضغ العصعوص واليبرق سوا
شو هالنعيم هــــادا يــــاربـــي

اذا رحـــت فيهــــا بـــــعـــد هالأكلة
ذنبك يـَأمي هادا ......... مو ذنبي

[عبد الرحيم محمود]

شوقتنا يا أخي الغالي
ممكن تعزمنا ؟؟؟

[راما]

وأنا بدي آكل يبرقققققققققققق
أعزمونا سال لعابنا يا رجل
شي بيشهي والله
هه راما

[ماجد الملاذي]

اللي مدنّقني في ها الأكلة : العصاعيص و دهن الشرحات المتخبّي .
هَنا .. وألف صحة ياحبيب
مبدع حتّى في اختيار الأكلة الطيّبة .
تحياتي