أوراق ...

[كاظم الفضلي]

أوراق ..

بيني وبين الصفنه اسنين
وبيني وبين اسمي اوراق
اهوايه اوراق ..
اتركهن نوبه
ومرات الكاهن بجيوبي
ونوبه يطبعن بعض اسرار اعله الخد
اشما ادقق بيهن الكه اسمي وعنواني
ورابع جد ..
بيهن رسمي ..
وبيهن كل اوصافي وجسمي
الكه الدم وصنفه ..
أوهميه الارقام الكاهه
ورغمن عني ادخل بحساب الماينعد
كلشي اتغير بيه
بس هنه ودمي وعمري
بيهن ابدي من الجنسيه
اوبيهن وصفه
اوتبليغ ..
والكه اوراق الدين الما يسدد
وبيهن ابدي بصورة جاهل
هو ... وأنه
لايعرفني ولامتأكد بيه تصويري
والكه هويتي
واجمع بين اسمي وتصويري
يكبربيه الشك ويشتد
اجمع كل اوراقي العدي
ابيتي ...
بجيبي ...
احفر اسمي من الجنسيه
والكه هويتي ..
باب مسنسل
غرفه ..
وظلمه وخوف اشتد
وبيني وبين اسمي وتصويري
اطشر بالهم واتفرهد
واكعد أنه وأنت ...
ألم اوراق ..
بس اوراقك غير اوراقي
ومحد يرضه بغير اوراقه
لو من جسمه الراس اتمرد
واصبر ..
بس أنه وأنت بهالرحله
اتريد اخيالك فوك اخيالي !!!
ومانطابق ...
لاتسحكني ويبجي اخيالي
وماكو اثياب اتلم اخيالي
اصبر يمكن احرك كل اوراقي
ومن الكه اسمي بنار اوراقي اتمدد


كاظم الفضلي

[ريمه الخاني]

رغم ان هناك مفردات لم افهمها الا ان النص على ما قراته شفيق ورقيق وشاعري الطوية

[كاظم الفضلي]

الرائعة ريمه الخاني ..
شكراً سيدتي الفاضلة لأنكِ تنثرين رأيكِ ورداً رغم بعض المفردات ( الحسجه ) التي وردت في القصيدة كما نسميها باللهجة العراقية وهذه الضرورة تحتم على أن تكون في النص لتحاكي عراقية باللغة الدارجة حيث باتت محلية أكثر ماهي عربية .. سعادتي مروركِ كنسيم الصباح ورائحة الأصيل وقت الغروب . وتقديري لكِ .

كاظم الفضلي

[ظميان غدير]

الكه الصفنة ونوبة

يرجى توضيح معناها استاذ كاظم الفضلي
واللهجة العراقية لهجة رقيقة وصالحة للشعر
ولطالما استمتعنا بشعرك الجميل وباشعار عراقية كثيرة
تحيتي
ظميان غدير

[كاظم الفضلي]

الأستاذالكريم والمبدع ظميان غدير ..
شكراً لهذه الملاحظات القيمة ورأيكم الفاعل في تفعيل الود والأبداع والتواصل .
الكه / أجد ، أكتشف ، وتأتي ( ألقى )
الصفنه / لحظة تفكير . تضع الشخص بمعزل عن الأخرين . وتأتي / صافن : مشغول البال
النوبه / مرة أخرى . أي تكرار العملية بأسلوب أخر أو مشابه
تحياتي لك وتقديري ودوماً مشرفاً ومراقباً وناقداً لنستأنس برأيك أخي الغالي .

كاظم الفضلي

[ظميان غدير]

الاستاذ كاظم الفضلي

اشكرك على توضيحك المعاني ..وتسلم يا اخي
وبورك حرفك
تحيتي
ظميان غدير