آخر عـنـقـود الألــــم

[محمد جابر المتولى]

آخر عـنـقـود الألــــم

المشكلة
إن الألـم زى الهوا
لازم عليك تـتـنـفسه
تبعـد . يقرب . يمسكـك
تهرب . يحاوطك . يلبسك
عاشق صبابة بتـنتهى
لعيون حبـيبتك تـنتحر
لاجل البشر
قـلبك حكاية بتـنتشر
دخان عجوز وقديم فسد
طيب طيابته تغـيظ بلـد
مفتوحة بطنك يا ولد
والكل ينهش لا تمن
ايد البلد
ايد الحبيبة ويا البشر
والرحمة طفلة بتغـتصب
على ايد خيانة بتـتـكوى
مجروح أيا حلم القمر
والدم متسرسب
على وش الليالي من زمن
يا أيها الولد الشقي
تتعـلم ازاى السهر
والعشق والموال وليه
يا حب تفتح له البـيبـان
عمرك ثواني وتنتهي
عشق وتمرد تـتـنسى
المشكلة
إن الألـم واخـدك وطن
ونشيده حزنك( م) الصغـر
صورتك علـم
قلبك ده أرضه ومرتعـه
آه وآه يا ولد
مش قلت لـك
انك سفينة بتتهلـك
من غدر موج
إعصار وليل
والبحر متواعدين عليك
عايز تعـدى ازاى لمين؟
ممنوع عليك سير الطريق
أو تشترى الأمل القديم
لوحتي بالعمر اللي جاى
ممنوع عليك كل السكـك
مشروع فقط سكة الـم
*********
المشكلة فيك يا ولد
يا أيها البطل الذي
حمل الغرام بفكره
فتوحدت
وتأهبت ايدى الـدنا لقتاله
فهزائمك لن تنتهي
فالحرب قائمة عليك
يا أيها البطل الأخير على الورق

[ريمه الخاني]

قصيدة محترقة بروح الزمن الصعب الاغبر
بوركت اليمين وتثبيت

[رغد قصاب]

نص رائع يشوقنا للمزيد
تحيتي ومودتي
رغد

[محمد جابر المتولى]

اختى ريمة واختى رغد
شكرا لكم كثيرا
واتمنى ان تنال قصائدى القادمة اعجابكم
تحياتى لكم

[شهرزاد]

طبعا حضرتك عارف

رأيي فى إبداعاتك وخاصة القصيده دى

بتعبر عن الالم والوجع كما نشعر به

دمت ودامت كلماتك العذبه الرقيقه

التى تعزف على اوتار قلوبنا

بنتك /ريحاب