قـَلـِّي: شو إسمِكْ يابلد؟

[فردوس النجار]

قـَلـِّي: شو إسمِكْ يابلد؟
*************************
قـَلـِّي: شو إسمِك يابلد؟..
قلت :الأبد !
مَطرَح ما حَطـُّوا الرمل ع جروحي...صار الرمل ..يصنع فتون الأرض ..
وجبال ياما تعَمْشَقِتْ عالريح .. والصخر من صدري سرق..تعويذة الرحمن..وَزَّع عقيقو عالدني..ومن فرحتو تـْجَمَّدْ !
وصار الشجر شارات للتلوين..والموج يتلاطم ع عنقي والزَّبَدْ !
وصارت فصول الكون تحملني..وُبْـإصبعي دَوِّرْ شعوب كتار
والليل طول الليل يزرعني..أنوار من شي نـَيزَك استشهَدْ
وُبْقـَلب مجروح وُسَخي......فـتـَّشْتْ عن كلمة أخي !!!
بْقاموس... عم يرمي الزمن للسوط ! ..والناس يلي مْعَلـَّقـَة ..فيِّي ما بدَّا تـْموت..
والناس يلي غـَسَّلوا الآهات..والناس َيلـِّي فـَرْفـَطـُوا الأ نـَّات ..والناس يَلـِّي مْشـَرْبَكي..
بْحَبل القصير ونزفها ما فات !! رح يرجعوا لـَيِّي أنا ..لـَيِّي أنا بالذات !
رح ضَل بيصَوْ تـُن حْلم..يـعْمَرْ على كتافي..وُرَحْ ضَل عاجْرْحُنْ إسم..بْـتـْلـَمْلِمُو شْفافي !
وقلبي يْرافق دَعْسـتـُن ...يركض لِهنْ حافي ..يسْحَب من قدامُن عَطـَبْ..وأشواك شـَفـَّافي
(تـْخمين بيدرهُن تـْعِبْ ..والموسم سْـفافي) !
شوعْلـَييييييييييييه.......شو عْلـَيْه كـْلـُّوْ مْليح يا تاريخ...يلي بقلبك وَلـْوَلي وُصريخ
سَجِّلْ ع َ ورقاتـَكْ بَلـَدْ....عَلـِّمْتـَكْ التـَّأريخ ....
وُقـْلـُّن سوريَّا مْصَمِّمِي ....تـْخـَلـِّي الحديد يْسيخ ....
وُتـْربُط ْ ع َ خـَصْرَا ..... هالنجوم ......وُتـْرْفـَعْ المَرِّيخ !

دمشق: الشاعرة فردوس النجار

[كاظم الفضلي]

قصيدة ممتعة . جمالها بنائها وأختياركِ
لموضوعها وصور يملأها الأحساس
لنقرأ هوية وطن . شكراً شاعرتنا المتألقة
دوماً فردوس النجار .

كاظم الفضلي

[محمد محروس أحمد]

ما اجمل هذه القصيده هذا ابداع من نوع متميز جدا لقد جعلت هذه القصيده الحديد يسيح فعلا واؤكد انها ارتقت وارتفعت الى المريخ شكرا لابداعك المتواصل تقبلى تحياتى محمد محروس

[فردوس النجار]

كل الشكر أستاذ محمد..شكرا لمروركم وأرجو أن أنال ثقتكم دائماً

[فردوس النجار]

أشكر مروركم ..وتعليقاتكم اللطيفة

[مصطفى السنجاري]

بوركت شاعرة الروعة فردوس النجار ..تحياتي لك قلبا وقلما

[فردوس النجار]

بوركت شاعرة الروعة فردوس النجار ..تحياتي لك قلبا وقلما

أشكرك أستاذ مصطفى قلبا وقلما..دمت لنا حاضراً في الغياب