انت الحلا والحب والخفة

[فايز كرم]

انتي الرشيقه وفيكي كل خفة
وحلاكي زاد عالحلا بعد كفه
رح ضل اكتب بعيونك الأشعار
وبنومك حارس كون متخفي
ياسمرا ياورد ياوعد بنوًار
ياكروم العنب ع شفافك تصفي
وتصبح خمر لسكرة الخمًار
بضع قطرات من رضابك تكفًي
هيدي الحقيقه بقولها مهما صار
العين بتسرق والقلب بيوفٍي
بوصفك تاهو وانتسوا الأفكار
وضاعو بعينك من فرد رفه
رح قول فيكي كلمتين صغار
يلًي بشعرك ليل متخفًي
وحاجبك متل خيط عالبيكار
وسنان لولو عا فرد صفٍه
وشفاف حمر بيسكرو الخمًار
وخدود ناعمة وشو بتغفي
وغمزات عينك طيًرو الأفكار
وضحكات تمك دوًبو الشفه
وصفك مابدو ليل ما بدو نهار
بدو ليالي كامله تكفي
لأنو الهوى عن غرامك قال
ياما سحرتي قلوب بالحفة
بالحلا بالحب والخفه
فايز كرم
29\7 \1997

[ملده شويكاني]

قلم شامي رقيق
اتمنى ان يسلك طريقا آمنا.
ولو اني اعتب عليك لايراد الخمر.
ملدا شويكاني