سى عبد الباقى

[محمد الشلقامى]

اصحى وفوق يا سى عبد الباقى.............................لتصحى الصبح ومش هتلاقى

مش هتلاقى ارضى وارضك.................................ولا هتلاقى نيل وسواقى

حطو العين يااخوانا علينا........................................ان كان يمنى ولا عراقى

ولا صومالى ولا سودانى........................................اما الباقى له يوم تانى

وان ما صحيش الباقى ياعبده..................................وحياه عبده لياخدو الباقى

......................................وابقى قابلنى يا عبد الباقى.....................................

يا عبد الباقى صحصح مالك......................................ماللى ومالك ضاع فى الغربه

نسيت قبلتنا اتغير حالك.............................................ل يه قبلتنا بقت فى اوربه

وطنك رافضك اصل وصوره........................................ولا هايكون لك ابدا طوربه

وبوكره تتوه فى الغربه بمالك.....................................او تتأمرك وترمى عقالك

........................................ابقى قابلنى يا عبد الباقى....................................

اصحى وفوق ياسى عبد الباقى.................................ياللى مقضى عمرك نايم

نفسى اشوفك صاحى فى مره..................................ياللى فى وسط الشوربه وعايم

ارضك حامل بذره سفاح.............................................. وبقت تنبت زرع شيطانى

لا هايرويهم نيل وفرات............................................. ..ولا دجله ولا نهر ليطانى

صحصح واصحى يا عبد الباقى......................................يا مقضيها سبح وطواقى

وان مصحيتش انا وانت يا عبده.....................................وحياه امى لياخدو الباقى

..........................................وابقى قابلنى يا عبد الباقى.......................................

[ريمه الخاني]

السلام عليكم
نص مخيف معقول وطنا رافضنا؟
يا مجير
تثبيت

[ايهاب صبرى]

جامد يا عم محمد يا فنان يا كبير واصل ابداعاتك وربنا يديك الصحة