كبة البطاطا

[رغد قصاب]

كبة البطاطا


ملف مرفق 1602
المقادير
3كاسات برغل ناعم
من 3ل 4 حبات بطاطا حجم وسط
فلفل وملح وقشر برتقال مطحون وفلفل احمر
بصل
لحمه ناعمه
جوز مفروم ناعم
دبس رمان
الطريقه منغسل البرغل ومنخلي شوية مي عليه لتطرى حبة البرغل بعدين منطحن البرغل مع البطاطا المسلوقه مع البصل بفرامة اللحمه بعدين منضفلهن الفلفل الأسود والأحمر وقشر البرتقال ومنعجنهن لتشكل عنا عجينه وبعدين منحضر الحشوه يلي هيه عباره عن لحمه مفرومه ناعمه منقلقلها مع بصل مفروم ناعم ومنظفلهن فلفل اسود وملح وبس نطفي تحتهن منظفلهن جوز مفروم و دبس رمان وهي اختياري ممكن تستغني عنها بعدين منحفر الكبه اما يدويا او باالمكنه ومنحشيها بااللحمه ويستحسن نبل ايدنا ب مي مع نشا بخليها تتماسك وتقرش وقت القلي وبعدين منقليهن بزيت غميق وحار وباالعافيه
وطابخه معها شوربة عدس
المقادير
كاسة كبيره عدس مجروش تبع الشوربه
كاسة صغيره رز
بصله حجم وسط
لحمه ناعمه او شقف او بعضم
6كاسات مي كبيره
ملح فلفل وعصفر
الطريقه
بنقطع البصل ناعم ومنقليه بشوية زيت وبعدين منظيف اللحمه ومنقلبهن مع البصل وبعدين منظيف 6كاسات مي كبيره ومنظيف العدس مع الرز والفلفل والملح والعصفر ومنسكر طنجرة الضغط وبعد ماتصفر بنص ساعه بتفتحيها بتلاقيها رايحه نيفه وبتجنن اطيب من الطنجره العاديه وباالعافيه
والأكله التالته دبابيه
وهيه نفس عجينة الكبه تبع البطاطا
بظيفي فوقها بهارت فلفل احمر اسود قشر برتقال كمون وبتقلي بصل مع لحمه ناعمه وبضيفيهن فوقها ومع دبس رمان ورمان ان وجد وبس وباالعافيه

[مؤيد البصري (مرئد)]

لا أدري لمَ يروجون عنك اشاعات يا أختي رغد ويقولون انك لا تحسنين الطبخ ؟ الكلام بيني وبينك يا رغد من اين لك هذه الوصفة ههههه سلمت يداك أ.رغد مودتي