هانبنى مصر البلد مش عزبة وسويقة

غذاها دم الولاد ف القطر ودويقة

فضل التراب يحضن ف الولد ويدفى

ويقول م فيش زيى مقهورة ورقيقة



وهانبقى زى القدر على رأس فرعونك

بنحررك م الغبى بالأمس بيخونك

وله ف أوطانا اعوان من اياهم

عايشين على حقنا ودم مجنونك


عاشق لمصرى أنا واقف على بابها

لا هافوت ميدان عزها ولا هارضى حسادها

والغدر قام جمع م الضلمة خفافيشه

رايدين خراب عاجل من فعل أندلها


هابنيك م الأول ولأخر الشارع

مش هانسى فيك قصة ولا ابنك البارع

وهاخلى أبنى يقول نشيدك الوطنى

والفرح يملى البشر على حقك الراجع



مرتجلة الأن كأول هدية لمنتداكم الكريم وحصريا لحضراتكم