قالوا رجع

[فردوس النجار]

قالوا رجع
قالوا : رْجـِع !!... قالوا : انسَكـَب بالغيم !!......
_حْضـَّرْت الـْقـْناني وُصْرِت..إعْصُرْ ندى وُتـَرنيم...
وُحْضـَّرت حْرْجْ من الورد..وُفـْتـَلـْتْ متل الريم....
وقلبي غشي...شاف القـُزَح قـَوسَين..صار البحر كـْلـُّوْ مَدَدْ..غـَطـَّى الوَجَع والضَّيم
ومتل الحلم شفت القمر..حايم على سْروري..قـَمْقـَم حمام وُعَشـَّشْ الدُّوري
سمـَّيْتْ بسم الله وصرت..أطيب من عطوري !
يا ريت تـْصْدُق كذبتـُن..يا ريت تعلا حكايتـُن
يا ريت يبرُق بالصَّحو..(شَفـَّاف ما عم إلمحو)
قاعد بقلبي..لا ثقيل ولا خفيف..متل النبض..عم يرقـُص... وُوَقـْعُو لطيف !
صمتو طويل وناطر سْراب الحَجَل ..والدرب عم يغلي وغرامي شو عنيف
ولا كان يتـْهـَدَّى... وُ لِـبـِسْ وُلفي الصبر..تلجو غـَمَرْ تـَمُّوز وحْراكـُو طفيف
قالوا : رِجـِع معقول ؟...معقول يَلْ إنتَ أنا ؟
كيف نقسمنا ؟..وأيمتي ضاع الجَنـَا ؟
كيف انقـَسمنا ؟..وُ شـْرفـِتـَكْ عيني !
وانتَ العمر يَلْ حاملو جبيني !
شال الزهر ..(هْلْ بَشـَّرْ بنيسان)..شـْلـْتـُو بـِإيدَك من تكاويني !
_ بـَسْ.. استحي معقول؟!
شوباك كل شوي تكسرني؟ والمغزل ِ يْشـدَّكْ على عيني !
مْقـَلـْقــَز بقلبي..مْلـَبَّكْ وخـَيفان..وإيدَك بـِشـَعري تـْقول خـَلـِّيني
روح وُتـَعَا عا قـَدْ ما في مَي.. بالكـَون كلـُّو..ما بيغويني
إلا لـُقاكْ يْعَرِّش بْعُمري
والشـَّوق يكبَر والحكي يقصَر..وتسرقني مْنـِّي ..تقول بوسيني

[مصطفى السنجاري]

بوركت اخت فردوس على جمال التعبير راقية في الفصيح والشعبي على حد سواء تحياتي لك وتقديري

[كاظم الفضلي]

قصيدة جميلة . . ممتعة . ونص رائع
شكراً شاعرتنا المبدعة فردوس النجار

كاظم الفضلي

[فردوس النجار]

قصيدة جميلة . . ممتعة . ونص رائع
شكراً شاعرتنا المبدعة فردوس النجار

كاظم الفضلي

شكراً أخي كاظم ..أشكر مروركم ..سلمت

[فردوس النجار]

تحيتي لك أستاذ مصطفى شكراً لمرورك الغالي