مين يقدر يهرب 00؟

[الشربينى خطاب]

مين يقدر يهرب 00؟
إنذار يا حبيب
نور الشمس كل يوم
برحل ويغيب
لو ناسي الأجل المتقدر
في علم الغيب
وأوان الرحلة المتخبي
اليوم او بكره لعالم الغيب
ها تجيلك لحظة
تعجِّز وتشيب 00!!
ما تخافشي من الشيب
الشيب موش عيب
****
كم ألف عروسة بتتمني
واحد زيك راجل شايب
حكيم ورزين ناجح ف حياته
وموش خايب
متعلم من لغة الطير
إزاي يغفر ويسامح
ويعالج العيب
بيقدر بيلجم غضبه الجامع
فصبح بين أهله صاحب وحبيب
***
أنا مرة سمعت كلام ستي
في السر بتنصح بنتي
: لو خدتي يا هبلة
واحد أكبر منك
موش عايب
بحنانه يا حلوة يدلع شوقك
لو حتى كان كهل وشايب
ما هو أصله في الحب خبير
وأوعاكي من شاب لئيم
له نظرة عين قاتلة و ساحرة
بكلامه الحلو اللِّي كأنه
ألحان عصافير
ياخدك للقمره والنجمة الساهرة
والجنة الكُبري من غير م يطير
****
يزرع في مشاعرك
أشواق وحنين
ويملِّسبكلامه الناعم
علي خصلة شعرك
ويحرك روحك ومشاعرك
ويحط علي جزوة قلبك
نار علي بنزين
وف لحظة عشق وانتوا تايهين
يقطف ويدوق رحيق شهدك
حلومقطر وعد ومكتوب ومتقدَّر
اصل المسكين زي حلاتي
من ضي عنيك اللِّي بكهْربْ
ماشي بالمقلوب
لا قادر يبعد ولا يهْربْ
ولا حتَّى يتوب

[ريمه الخاني]

لكن واعاك من الحب
خلي فبالك ربي يوماتي
هو العامل بالمصير
ويعلم يصلح حالاتي
وتحيه لك ياملك

[ملده شويكاني]

تحيه لحرفك الكريم
ملدا

[الشربينى خطاب]

لكن واعاك من الحب
خلي فبالك ربي يوماتي
هو العامل بالمصير
ويعلم يصلح حالاتي
وتحيه لك ياملك

الهوي للقلب نبضه وروحه
لو صابك سهمه الحلو وطعمه
ودقتي حلاوةالهوي ومشاعره
أو دقتي عذاب سهده جرحه
أطلبي م الرب ما يميل القلب
ألا لحبيب عارف ربه