ياعم يا عامل سيما

[عبد الرحمن سليمان]

بمناسبة فيلم حلاوة روح ..(من انتاج السبكي برضه!!)
سيما أونطة..
ياعم يا عامل سيما
مالهاش قيمة..
فيها بلطجة وفيها شتيمة
وبلدنا مجروحة بتبكي ..!!
ياعم يا عامل أفلام
شبه البرشام..
خليتوا مصر هباب وسُخام
وخلق مسطولة بتشكي !!
أفلام رخيصة ..ببريزة
قاصدة غريزة..
خلاص مفيش حاجة عزيزة
يا سيما .. عمّالة تعُكى
والصورة محشورة بنسوان
لابسين عريان..!!
ما لقيتش حاجة فى الانسان
غير الرخيص عنه بتحكي
مش سيما دى أفلام بورنو
يخرجها مخرجها بقرنُه
وقصة سخنة بنار فُرنه..
ينتجها (قُرني) أو (سُبكي)
والدم ع الشاشة طراطيش
والمعنى مفيش
غير بس مطوة وقرش حشيش
وأغاني حزنانة بتبكي..
يا ابن الأسد(وبلاش حَرَمُه)
الفن لازم تحترمه..
سقف الحيا مين كان خرمه
يا مأكدين ظني وشكى
علاء عبد المنعم

[عبد الرحمن سليمان]

الحمد لله بعون الله وبفضلكم تم وقف فيلم حلاوة روح بسبب المنشور اللى نزلته اول امس وكان له صدى رائع فى مجلس الوزراء

‏محمد‬‫#‏شعير‬

[عبد الرحمن سليمان]

ملعون أبو الإبداع
لو بيه في يوم يتباع
ديننا ودنيتنا
ونعيش لهم أتباع
غزلان في فك سباع
مرسومة سكِّتنا
بأدين بني صهيون
واللي يزيد الهم
الأخ وابن العم
والأخت فنانة
إبداع رخيص ويغم
اسفاف وفيه بنشم
تشكيك مع خيانة
تعرفش ليه بيخون؟
عشنا سنة سبعين
مع شلة للخايبين
والناس قالت اعجاز
في مدرسة فاشلين
صِيّع مع مشاغبين
هدّوا كيان أستاذ
في مسخرة ومجون
والشلة ناقصة اتنين
كبروا العيال بعدين
فرحانة بالنصرة
اتحرشوا بالدين
هجموا على الوالدين
هدموا قيم أسرة
وضحكنا قلنا فنون
في سلسلة أفلام
عادي بقت بتنام
فنانة مع فنان
وهجوم على الإسلام
وحوار بأي كلام
فضوا الغشاء لودان
خدشوا الحياء لعيون
ومسلسلات رمضان
رغم الصيام شبعان
من عري .. من فتنة
يا مصري يا غلبان
موعود في كل زمان
والتوب ماهوش توبنا
ولا لبسه يوم فرعون
علمتوا جيل مساكين
الشم والهروين
والقتل بالإكراه
النبت موحول طين
رعرع يسب الدين
ولا فيه أمل لحياه
جوّة الضياع مسجون
اتغيرت قوانين
واتبدلت موازين
والأصل في الشئ ضاع
اللي عجن خاينين
واللي خبز خايبين
لو هو دا الإبداع
ملعون أبوه ملعون
________________
(((((محسن حلمي)))))

[عبد الرحمن سليمان]

تولة- مداخلة هاتفية قالت فيها :" بتعملوا أفلام تخلوا الشباب يروحوا يتفرجوا عليها في السينما، وبعد ما يخرجوا يروحوا يفرغوا طاقتهم في بناتنا"،،
والاستاذ محمود سعد عامل مناحة على قرار محلب منع فيلم حلاوة روح ومستضيف السبكي وقاعدين يولولوا على الهوا

[ريمه الخاني]

ظاهرة واحدة ؛ وهي واقع المرأة المسلمة في بلاد الإسلام ، وواقع المارة الكافرة في بلاد الكفر ، فالمسلمة في بلاد الإسلام ، مؤمنة ، متصدقة ، صائمة ، قائمة ،متحجبة، طائعة لزجها ، خائفة من ربها ، متفضلة على جيرانها ، رحيمة بأبنائها ، هنيئا لها الثواب العظيم ، والسكينة والرضا ، وأما المرأة في بلاد الكفر ، فهي امرأة متبرجة ، جاهلية ، سخيفة ، عارضة أزياء ، سلعة منبوذة ، بضاعة رخيصة تعرض في كل مكان، لا قيمة لها ، لا عرض ولا شرف ولا ديانة ، فقارني بين الظاهرتين والصورتين ؛ لتجدي انك الأسعد والأرفع والأعلى ، والحمد لله : )وَلا تَهِنُوا وَلا تَحْزَنُوا وَأَنْتُمُ الْأَعْلَوْنَ إِنْ كُنْتُمْ مُؤْمِنِينَ) (آل عمران:139)
رد منقول عن جريدة النهار:
http://www.annahar.com/article/12731...84%D8%A7%D9%84

[عبد الرحمن سليمان]

http://www.omferas.com/vb/showthread...777#post200777

[كاظم الفضلي]

الأستاذ عبد الرحمن .. خطوة في الأتجاه الصحيح .
هكذا ممكن أن نوقف الإعلام المسئ لقيمنا ومبادئنا
شكراً لجرأة القلم .