نكت حمصية للعام الجديد

[يونس محمود يوسف]

مختار الحماصنة والزكاء الحمصي

مختار الحماصنة قرر يثبت للشعب السوري أنو الحماصنة أذكياء ومو أغبياء.
قام عمل اجتماع وجمع فيه كل الحماصنة بحضور الشعب السوري.
وقال لهم: راح اسألكوا سؤالين ….
السؤال الأول: مين اللي فاز بمعركة بدر؟ المسلمين ولاّ المشركين؟
جاوبوه: المسلمين.
انبسط وقال لهم: شايفين أنكم مو أغبياء ….
السؤال الثاني: مين فاز بمباراة امبارح؟ البرازيل أو الأرجنتين ؟
جاوبوه : البرازيل.
انبسط كتير لأنهم طلعوا أذكياء وما سوَّدولو وجهو قدّام الشعب السوري
فلما قام بدو يروح .. وقف واحد من الحماصنة وقال:
معلش يا سيدنا، سؤال لو سمحت.
‘ يعني هلأ البرازيل والمسلمين راح يلعبوا على النهائي ‘ !!!!!؟؟؟


حمصي بالجيش اسمه ثابت
كل ما يصرخ الضابط ثابت يقول: نعم سيدي !!!
الضابط يقول للحمصي : يا كر مو أنت ، أنا قصدي إثبتوا.
سمع الضابط أنو الوزير رح يزورهم وقال: أكيد ثابت رح بيخربا علي مع الوزير ويفشلني،
فأحسن لي أعطيه إجازه.
يوم إلّي وصل الوزير صرخ الضابط: ثابت.
صرخوا باقي الجيش: طلع إجازه ياسيدي.
—————
حمصي في إختبار النحو قال له حط “إن” في جمله مفيدة.
قال : اشتـريت جوال إن سبعين.
………………
حمصي في إختبار النحو قال له حط “إن” في جمله مفيدة.
قال : اشتـريت جوال إن سبعين.
………………
حمصي قال لرفيقه أقول لك شيء بس تخليه سر بيننا.
قال:ايوه
قال ديني 500 ليرة .
قال الثاني: خلاص روح ولا كأني سمعت شي.
………………
حمصي راح يشتري لعبة طياره لإبنه وعطى البياع مصاري مزيفة!؟
قاله البياع: هي مصاري مزيفة ،
رد الحمصي : يعني طيارتك اللي أوريجينال.
………………
حمصي أصابعه مكسورة وملفوفة بجبس.
سأل الدكتور : إذا شفيت وفكيت الجبس أقدر أعزف على البيانو ؟!!
قال الدكتور : طبعاً .. أكيد ..
قال الحمصي : غريبة .. مع أني ما كنت أعرف أعزف قبل.
………………
حمصي قال لرفيقو: بدي أبيع سيارتي بسعر غالي..
قاله : بسيطه غير علامة موترك وحط علامة فيراري..
بعد أسبوع تقابلوا قال: شو بعت سيارتك ..؟
قاله: أنت مجنون..؟ حدا يبيع فيراري..؟


أبو هاشم

[ريمه الخاني]

عيني ياعيني ههه
ليتك اديبنا الغالي جمعتها مع موسوعتنا عن طرائف النكت الحمصيه هنا
وكل عام وانت بالف خير وامتنا العربية وسلامي لمدام سحر والاولاد

[محمد كشلو]

حمصي بالجيش اسمه ثابت
كل ما يصرخ الضابط ثابت يقول: نعم سيدي !!!
الضابط يقول للحمصي : يا كر مو أنت ، أنا قصدي إثبتوا.
سمع الضابط أنو الوزير رح يزورهم وقال: أكيد ثابت رح بيخربا علي مع الوزير ويفشلني،
فأحسن لي أعطيه إجازه.
يوم إلّي وصل الوزير صرخ الضابط: ثابت.
صرخوا باقي الجيش: طلع إجازه ياسيدي.

ملعووووووبة للعضم
يسلم تمك اخونا يونس

[فتى الشام]

واحد حمصي بعتته المخابرات يجيب معلومات عن شخص و لما رجع شوفو شو صار معو

الضابط : شو صار معك يا ابني شو عرفت عن الشخص بمهمتك الي كلفناك إياها


الحمصي : والله يا سيدي طلعت وراه لابس نظارات ....... للتمويه

الضابط : أيه

الحمصي : دخل المطعم ياكل فلافل فتت أنا أكلت شاورما للتمويه

الضابط : أيه

الحمصي:رجع طلب قهوة...قمت طلبت شاي...طبعا للتمويه


الضابط:اييييه


الحمصي : فات على محل تياب اشترى كنزة حمرا...اشتريت انا كنزة سودة للتمويه


الضابط :وبعدييييين؟

الحمصي : طلع بسرفيس طلعت وراه بسيارة خاصة للتمويه


الضابط: أيييييييييييييييييييييييييييييييييه

الحمصي : وصل على البولمان وقطع تذكرة على الشام و طلع بالبولمان

الضابط : أييييييييييييييييييييييييييييييييييييييييييييييييي
يييييييييييييييييييييييييييييييييييييييييييييييييي يييييييه


الحمصي : بس محسوبك قطع تذكرة و طلع على حماه للتمويه

بس بعدين ماعاد شفتو

[شذى سعد]

واحد حمصي في جيبه عشر ليرات
قال:
قدامي حل من اتنين يا أشرب فيها عصير قصب
يا إما أركب بيه سرفيس
لو شربت عصير قصب ما في مشكلة لكن لو ركبت السرفيس في وحدة من اتنين
يا أقعد يا أقف


لو وقفت ما في مشكلة لكن لو قعدت في وحدة من الاتنين:
يا أقعد جنب رجل يا أقعد جنب مرأة


لو قعدت جنب رجل ما في مشكلة لكن لو قعدت جنب مرأة معناها في وحدة من الاتنين:
يا رح ننعجب ببعض يا ما رح ننعجب ببعض


لو ما أنعجبنا ببعض ما في مشكلة لكن لو ما أنعجبنا ببعض بيضل حل من اتنين:
يا نتجوز يا ما نتجوز


لو ما اتزوجنا ما في مشكلة، لكن لو اتزوجنا معناها في وحدة من الاتنين:
يا نجيب ولاد يا ما نجيب ولاد


ازا ما جبنا ولاد ما في مشكلة لكن لو جبنا ولاد معناها وحدة من الاتنين:
يا ولد يا بنت


لو بنت يبقا ما في مشكلة لكن لو ولد يبقا وحدة من الاتنين:
يا رح ينحرف يا ما رح ينحرف


ازا ما انحرف ما في مشكلة لكن لو انحرف يبقا وحدة من الاتنين:
يا رح يدمن يا ما رح يدمن


ازا ما أدمن ما في مشكلة لكن لو أدمن يبقا وحدة من الاتنين:
يا رح يكون معو مصاري أو ما رح يكون معو مصاري


ازا كان معو ما في مشكلة لكن لو ما كان معو معناها وحدة من الاتنين:
يا رح يسرقني يا رح يقتلني


ازا سرقني ما في مشكلة لكن لو قتلني يبقا
.
.
.
.
.
.
.
.
.
.
.
شو يقتلني ما يقتلني؟؟؟؟!!!!!!!!!
لا حبيبي أنا رح اشرب عصير قصب أحسن.

[ظميان غدير]

نكت رائعة وجميلة
اسعد الله مسائكم وصباحكم وأيامكم

تحية

[ظميان غدير]

نكت رائعة وجميلة
اسعد الله مسائكم وصباحكم وأيامكم

تحية

ظميان غدير