آه يا بلدي...أميرة الناحل

**أميرة فايد الناحل** · 02-13-2011, 03:16 PM

آه يا بلدي...

آه يا صابرة...

ياااه أخيرا

انفجر وجعك صراخ

زام وأن

واستكن

عمر كامل

اتسجن..

جوه قهر كبر وشاخ

جوه قمقم

جوّه فاسد

تربته بتطرح شباب

انحنى طموحهم ومال

واتقطع حيلهم

وحتى حلمهم

مسخ وباخ

كل ساعه بتحيا فيهم

اشتكت احباط وتوهه

أعلنت موت الزمن

كمدا عليهم

حزنا على ورد الجناين

اللي لم بالعطر فاح

ماهو

لم يعانق أي فرحه

لم يقبل ثغر نحله

لم يجد يوما بشهدا

ما تدثر

ما استراح

طرح طاب من الهم بدري

لما شال الهم بدري

فاق وشاف اللي بيجري

ولم يكن قبلا يهزه

حتى حي على الفلاح

أصل ورثت روحه حيه

كات عصايه بتسعى لكن

من طيبتنا؟!

من عمانا؟!

من غبانا؟!

من وهننا؟؟!!!

طلعلها أنياب وراس

نبتلها ديول بطش ياما

غيلان وعزوه

زبانيه.. مرده

اتحسبوا ناس

لا مداريه

ولا مستحيه

تكبل الجسم اللي غارج (غارق)

مشلول وعاجز

شبه ميت

أصله هامد

تمص روحه

وتكتم النفس اللي خارج

لجل ايه؟!

لكل كرسي

ومال

وسطوه

من البدايه وفي الاساس

وبداروينيه محكمه

واضحه وصريحه

نما ده الكيان

كبر.. انما

سرطان لعين

جدره غويط

كرباج بجح

أحول وسادي

يحمي الحرامي

ويلسوع المسروق

وقافشه من قفاه

ويعلقه زي الدبيحه

ويكهربه

ويجرجره

لو باح بآه

سايق علينا كل أشكال العوج

عامل بريء
.. لكن حويط

وبيدعي: إن الحياه
.. أن التواجد

مش عندنا وبس

لا..

في كل ركن في المجره

صعب ومقيت

وبيستحل ، برغم ده

قوت الغلابه

يروح يصيف في الريفيرا

ويمتلك أرقام حساب

وهم وكبيييييييييره

كل ده كان واقع اسود

مر طافح

شيء مفيهش أي شك

شيء ملهش أي اخر

كالبحار أو كالبراح

فجأه قامت أختي قومه
- أختي خضرة -

عفرت بتبر طاهر
كل وش اتهان وسلم

كل عين مكسور جفونها

كل فرعون جه سفاح

واتفاجئنا

إن لينا .. إن بينا

ممكن المارد ينخ

ولسه في الإمكان

يا موسى

تشق فينا

ألف درب للأمل

وللنجاح

ولسه اسم "مصر" حلو

الله.. حلو

ولما نهتف الله اكبر

تترج جدران الهوا

تضخ دم

جديد نضيف

في شرايين الوطن

وتبقى للعله الدوا

ترشق في قلب كل ظالم

ألف خنجر خوف،

ورعده

تقصمه..

تهده

وتعلمنا حقيقه واحده

كل ظلم إلى زوال

كل ملك إلا ملكه هو وحده

إلى زوال

كل ليل وله نهايه ..
مهما طال

وآدي شعب مصر - أهلي -

بعد نومه

لا والله كومه comma

قامتله قومه

ياخي ألف بركه

صال وجال

وبعد خطوه

ها تلتقيه

حصد المحال

رابع محال!!

وطن بتاعنا

بكره لينا

عشان قِدرنا
وعشان قدرنا

أن "حي على الكفاح"
وأن " حي على النضال"

وكل من لبى النداء

حسب التاريخ

صبر ونال

28/1/2011

أميرة فايد الناحل

http://www.facebook.com/home.php?sk=...91689164182696

**ظميان غدير** · 02-13-2011, 05:03 PM

اميرة الناحل

قصيدة رائعة وبهيجة اللون واحتفالية رائعة
مبارك سقوط مبارك
لك التحية

**أميرة فايد الناحل** · 02-15-2011, 05:32 PM

[quote=ظميان غدير;122896]اميرة الناحل

قصيدة رائعة وبهيجة اللون واحتفالية رائعة

أعزك الله وإيانا وأعز العرب والمسلمين في كل أرض

**كاظم الفضلي** · 02-16-2011, 07:46 PM

الأخت أميرة فايد الناحل ..
أنتشينا معكم نشوة النصر والفرح الغامر والتغيير والتحول
جعل الله بلدكم أمنة وأمتنا العربية بألف خير على مسار تحولكم ..
قصيدة جميلة معبرة بصدق المشاعر ووطنية الأنتماء . هنيئاً لكم .
كاظم الفضلي

الموضوع: آه يا بلدي...أميرة الناحل

أدوات الموضوع

بحث في الموضوع

عرض

آه يا بلدي...أميرة الناحل

رد: آه يا بلدي...أميرة الناحل

رد: آه يا بلدي...أميرة الناحل

رد: آه يا بلدي...أميرة الناحل

المواضيع المتشابهه

مساحة شاغرة..أميرة فايد الناحل

نرحب بالأستاذة/أميرة فايد الناحل

سلخانة الرجال..أميرة الناحل

عالم من بلدى

قناة طيبة الفضائية على النايل سات ...

ضوابط المشاركة