الشريف بركات .

[ظميان غدير]

هو بركات بن مبارك بن عبدالمطلب الحسيني الهاشمي . . . لقبه ((الشريف)) نسبة إلى الأشراف وهم الذين ينتهي نسبهم إلى الخليفة الرابع على بن أبي طالب كرم الله وجهه . . . وجدهم لأمهم رسول الله محمد بن عبدالله صلى الله عليه وسلم
عاش الشاعر الشريف بركات خلال النصف الثاني من القرن الثاني عشر الهجري والنصف الاول من القرن الثالث عشر الهجري ( 1150هـ - 1250هـ).
عاصر مجموعة من امراء مكة المكرمة الاشراف منهم الشريف سرور بن مساعد بن سعيد بن سعد بن محسن بن حسين بن الحسن بن محمد أبو نمي الثاني، الذي تولى امارة مكة المكرمة سنة 1186هـ واستمر حتى وفاته سنة 1202هـ.
عاصر الشريف بركات احداث الخلاف الذي نشأ بين امير مكة المكرمة الشريف سرور بن مساعد والشريف عبد الله بن احمد الفعر بن زين العابدين بن عبد الله بن الحسن بن محمد أبو نمي الثاني. والتي استمرت من سنة 1187هـ وحتى تمكن الشريف سرور من القضاء على فتنته ومن ثم سجنه في ينبع حتى مات وقيل قتل خنقاً سنة 1189هـ. ويؤكد صحة هذا القول ان بعض ابيات قصيدة الشريف بركات حملت تحذيراً لابنه الشريف مالك من امير مكة المكرمة الشريف سرور بن مساعد ، كما دعاه الى الاعتبار مما جرى للشريف عبد الله الفعر نتيجة خروجه على امير مكة المكرمة الشريف سرور بن مساعد حيث قال:

واحذر سرور بغبة البحر يرميك
= = = = = ولا هو مفكر في تجزعك وبكاك

واعرف ترى اللي وطا الفعر واطيك
= = = = = ولا انت اعز من الجماعة هذولاك
وفي رواية اخرى
عاش بركات الشريف في أواخر القرن العاشر وأوائل القرن الحادي عشر الهجري . . . من أشراف مكة المكرمة القلائل الذين اجتمعت فيهم الشجاعة والفروسية والحكمة والأدب وقد تميز برجاحة عقلة وسعة نظره . . . كان شاعراً ذا شعبية كبيرة بين القبائل وله مآثر كثيرة وأفضال كثيرة عليهم فقد كان جواداً كريماً لا يرد سائلاً فتسابق الشعراء في مدحه ذاكرين خصاله وسجاياه الحميدة طامعين بهباته , وكان دائماً عند حسن ظنهم فيه حتى قيل أنه يعطي كل ما يملكه دون بخل ودليل ذلك قول الشعيبي فيه

تلجـأ إليهـا مفاتيـح الرجـال كمـا=يلجـأ الجـواد ابـن الكريـم السيـدا
وفيّ الذمـام عن المـلام ابن مبـارك=ابـن الملـوك خليفـة آل محمــدا
ملـك مضيفـه لم يـزل مـد البقـا=لجميـع وفّـاد البـرايـا مقصــدا
هـذا يشيـد وهـذا بعيشـه راغـدا=طول الزمان وهـذا يـروح موفّـدا

وقد بلغت شاعرية بركات الشريف القمة خصوصاً حينما نظم وصيته المشهورة التي يوصي بها ولده ((مالك)) وكانت وصية كاملة شاملة عامة تصلح للناس كلهم على مختلف فئاتهم وعصوهم حتى أسماها الناس ((دستور الرجولة)) وهي فعلاً كذلك فقد شملت كل أوجه الحياة ولم يغفل شاعرنا فيها بيتاً واحداً إلاَّ وضمنه حكمة أو وصية تدل على صدق شاعريته وعمق نظرته وبعد نظره واستفادته من تجربته بالحياة التي ترجمها ببراعة قصيدته فكانت حقاً من عيون الشعر النبطي وما زال الناس يستشهدون بوصيته تلك حتى الآن وأصبح كل بيت منها موضوعاً وكل شطره منه حكمة تغني عن شرح طويل , فقد استعرض فيها شاعرنا شئون الحياة
وهذه بعض من أبيات القصيدة

تربية الأولاد

أدّب ولـدك إن كـان تبغيـه يشفيـك=لـو تزعـل أمـه لا تخلّيـه ياطـاك
أما سمج واستسمجـك عنـد شانيـك=ويفر من فعلـه صديقـك وشـرواك
وإلاَّ بعـد جهلـه تـراهـو بياذيـك= لو صاحـت أمـه لا تخلّيـه يـالاك

تصريف الأموال

احفظ دبشك اللي عن النـاس يغنيـك=اللي إليا بـان الخـلل فيـك يرفـاك
وطالع ترى مكـة ولاهـا ابناخيـك=لو تطلبه خمسة ملاليـم ما أعطـاك
اجعل دروب المرجله كلها من معانيك=واحذر تمايل عن درجهـا بمرقـاك


كرم الأخلاق

هـرج النميمـة لا يجـي فـي فيـك=وإياك عرض الغافـل إيـاي وإيـاك
تبدي حديـث النـاس وفيـه تشكيـك=وتهيم بين النـاس بالكـذب وشـراك
واعرف ترى منهو حكالك حكا فيـك=وأصبحت مبغضنـا وحنـا كرهنـاك


اختيار الصديق

الحر مثلك يستحـي يصحـب الديـك=وان صاحبه عاعا معاعـات الأديـاك
صديقـك اللـي بالعطايـا يمـانيـك=انصه بقضيـا حاجةٍ قبـل ينصـاك
أمـا تجـي منـه العطايـا تباريـك=وإلاَّ تعـذر دون مـالك إليـاجـاك

بعد النظر

يا ذيب وإن جتك الغنـم في مفاليـك=فاكمـن إليـن إن الرعايـا تعـداك
من أولٍ يا ذيـب تفـرس بياديـك=واليوم جا ذيبٍ على الفرس عـداك
يا ذيب عاهدني وأعاهدك ما أرميك=ما أرميك أنا يا ذيب لو زان مرماك

والقصيدة أطول من ذلك بكثير ومليئة بالحكم والمواعظ والوصايا
ولم يكن شاعرنا شاعر حكمه فقط بل كانت له قصائد قوية مشهورة في مختلف فنون وأغراض الشعر النبطي منها قصيدة قالها بالخلاف الذي حصل بينه وبين الأشراف جماعته فأمره والده بمغادرة مكة المكرمة ففعل وخرج منها وسكن الصحراء فأرسل لوالده القصيدة التي كانت سبباً لرجوعه معززاً مكرماً يقول بمطلعها

عفا الله عن عينٍ للأغضـا محاربـه=وجسـمٍ دنيـفٍ زايـد لهـم شاغبـه
أسهـر ليانـام المعافـي ومـدمعـي=قد هل من بيـن النظيريـن ساكبـه

ويعد شاعرنا علامة مميزة في مسيرة الشعر النبطي غبر الأجيال التي توارثته فلا يخلوا كتاب صدر عن الشعر النبطي من قصيدة له يفتتح بها الكتاب أو يستشهد بها المؤلف
إلاَّ أنه لم يجمع تراثه في كتاب واحد

[ظميان غدير]

مقاطع تم تجميعها بصوت طلال السعيد

القصيده كامله بصوت محمد الفريح

يالله ياللـي كـل الأمـات ترجيـك=يا واحـدٍ ما خـاب حـيٍ ترجـاك
يارب عبد ٍ مامشى في معاصيك= ولايمشي إلا في محبتك ورضاك
يا مرقبٍ بالصبـح ظلّيـت اباديـك=ما واحـدٍ قبلـي خبـرتـه تعـلاك
وليت يا ذا الدهر ما اكثـر بلاويـك=الله يزودنـا السـلامة مـن أتـلاك
ياللي على العربـان عمت شكاويـك=وليت يا دهـر الخطـا ول مقـواك
واليـوم هالكـانـون غـادٍ شبابيـك=تلعـب به الأريـاح من كل شبـاك
يا مالك اسمع جابتـي يوم أوصيـك=واعرف ترى يا بوك بامرك وانهـاك
وصيـةٍ مـن والـدٍ طامـعٍ فيـك=تسبق على السـاقه لسـانه لعليـاك
أوصيك بالتقـوى عسى الله يهديـك=لهـا وتـدركـها بتوفيـق مـولاك
الله بحـق أجـدادك الغـر يعطيـك=رضاه مع كل ما تمنـى من امنـاك
احفظ دبشـك اللي عن الناس مغنيـك=اللي إلـى بان الخـلل فيـك يرفـاك
واعرف ترى مكـة ولاها ابن اخيـك=لو تطلبه خمسـة دواويـن معطـاك
اجعـل دروب المرجلـة من معاليـك=وادراج سيّسـها على العـز مرقـاك
لا تنسـدح عنـها وتبغينـي أعطيـك=جميـع ما يكفيـك ما حـاصـل ذاك
احـذر امـر ليعـات أبيـها لتاليـك=ايضا ويرخص عنـدها قدر مـأواك
أدّب ولـدك إن كان تبغيـه يشفيـك=واستسعفـه من بعـد مربـاه بـالآك
أما سمـج واستسمجـك عند شانيـك=ويفر من فعلـه صديقـك وشـرواك
وإلاّ بعـد جهلـه تـرى هو بياذيـك=لـو زعلـت أمـه لا تخليـه يـالاك
واحذر تضيع كل من هو ذخر فيـك=معروفه لا تنسـاه واوفـه العرفـاك
ترى الصنايع بين الاجـواد تشريـك=إلـى طمعـت بركزهـا لا تعـداك
واحذر سرور بغبة البحـر يرميـك=ولا عنده افلس من تجزعك وابكـاك
واوف الرجال حقوقـها قبل تعنيـك=لا تعتمـد بالعفـو فـالحـق يقفـاك
وهرج النميمة و القفا لا يجـي فيـك=واياك وعرض الغافـل اياي وايـاك
تبـدي حديـث للنـاس فيه تشكيـك=وتهيم عند الناس بالكـذب واشـراك
واذا نويـت احـذر تعلـم بطاريـك=كم واحد تبغي به العـرف واغـواك
واحذر شماتة صاحب لك مصافيـك=والى جـرا لك جـاريٍ قال لـولاك
ولا تحسـب إن الله قطـوعٍ يخليـك=ولا تفرح إن الله على الخلـق بـداك
إن اشتـهى حط الطمـع في تواليـك=لو ما لقيتـه يا فتـى الجـود يلقـاك
والضيـف قـوم لـه حيـن يلفيـك=مما تنوشه يا فتـى الجـود يمنـاك
اكرم قبالـه فانـها مـن شواديـك=وابـذل له المجهـود ما دام يعنـاك
واحذر تلاقي الضيف مقرن علابيـك=خلـه محـب لك صـديق إذا جـاك
وأوصيك زلات الصديق إن عثا فيـك=ما زال يغطاها الشعـر فاحتمـل ذاك
راعـه ولـو ما شفـت انه يراعيـك=عسـاك تكسـر نيّتـه عن معـاداك
واحذر عـدوك لو بقا بي يصافيـك=عود الجنـا واطعنـه حينـما جـاك
لا تامنـه فاطلـب مـن الله ينجيـك=ويكفيـك ربـك شــر ذولا وذولاك
شفنـي أنا يابـوك بآمـرك وانهيـك=عن التعـرض بين الاثنيـن حـذراك
وإذا حضـرت طـلايبٍ مع شرابيـك=اسـع لهم بالصلـح والـلاش يفـداك
ابـذل لهـم بالطيـب ربـك ينجيـك=لا تجضـع الميـزان مع ذا ولا ذاك
أمـا الشـهادة أدّهـا إن دعوا فيـك=بيّن عمود الدين لا عميـت اريـاك
بالـك تماشـي واحـد لك يرديـك=طالع بني جنسـك وفكـر بممشـاك
رابـع أصيـل في زمانـك يشاكيـك=وإلى شاف خملاتك عن الناس غطاك
واحذر عن طرد المجفـي حذاريـك=عليـك بالمقبـل وخـل من تعـداك
ثـم العـن الشيطـان ليـاه يغويـك=تـرى إن تبعتـه للشّـرابيـك وداك
واوصيك لا تشكـي علينـا بلاويـك=أنت السبب اخـذك عيـونك بيمنـاك
واعرف ترى اللي وطا الفهر واطيك=ولا أنت أعز من الجماعة هـذولاك
المسك يا راسي عن الذل واخطيـك=واحـذر تكلـم يا لسانـي حـذاراك
والطف بجـارك ثم قم دون عانيـك=وافطن إلْما يعنيك عن ربعة أخـواك
يا ذيب وان جتك الغنـم في مفاليـك=فاكمن إلى حيـث الـرعايا اتّعـداك
مـن أولٍ يا ذيـب تفـرس بياديـك=واليوم جا ذيبٍ عن الفـرس عـداك
يا ذيب عاهدني وأعاهدك ما رميـك=مرميك أنا يا ذيـب لو زان مرمـاك
والنفس خالف رايـها قبـل ترميـك=ترى لها الشيطـان يرمـي بالادراك
ومن بعد ذا لا تصحب النذل يعديـك=وعن صحبة الأنذال حاشاك حاشـاك
ترى العشير النذل يخلـف طواريـك=وأنا أرجي إنـك ما تجي دون آبـاك
والهقـوة انك ما تجـي دون أهاليـك=ولا ذكر عود الـورد يثمـر بتنبـاك
والحر مثلك يستحي يصحـب الديـك=وان صاحبه عاعا معاعات الاديـاك
لا تستمع قـول الطـرف يوم يلفيـك=بالكذب يقضي حاجتـه كل ما جـاك
من نـم لك نـم بك ولا فيه تشكيـك=والاَّه قــد أزرا رفيقــك وأزراك
عندك حكا فينـا وعنـدي حكا فيـك=وأصبحت كارهنـا وحنـا كرهنـاك
ما اخطاك ما اصابك ولو كان راميك=واللي يصيبك لو تتقيـت ما اخطـاك
مير استمع منـي عسـى الله يهـديك=النصـح يـا مـالك لك الله مـولاك
عنـدي مظنـة مـا تمثلتـها فيـك=واطلب لك التوفيـق من عند مـولاك

الحارثـي رد المثايـل قـراحـي=سواة عدٍ مـن مخاييـل الاقـراح
للصاحب اللي سند الدرب ضاحي=وروح ولكن ضميري فلا ارتـاح
لن ضاقت الديرة وشح المراحـي=تلقى رفيقٍ باسط الوجـه والـراح
وياليت وادينـا بـأرضٍ براحـي=يكفى جميع اللي نبيهـم ونرتـاح
يا ما حلا الفنجال بأرضٍ بياحـي=ريح العويدي ذاخره عقب ما فـاح
في ظل سرحه والركايب ضواحي=والبال من كثر الهواجيس منسـاح
الفي مـال وصوتـوا بالفلاحـي=وشالوا على هجنٍ عليها الحلق لاح
وتنحروا شيـخٍ قليـل المشاحـي=اللي على ضيـن المربيـن ذبـاح