وحداني يا أمه

[الشربينى خطاب]

وحداني يا امه
مين اللي قال صورتك
غايبه عن بالي
صورتك يا غاليه تمللِّي
واقفة هنا قبالي
شايفها ف ملامح بنتي
تحضني وتبوسني
ماهي ذكري بقيالي
****
لما الربيع بيزورني
بيطبطب علي خدي
فيزود ف أحزاني
ويصحي من تاني
كل مواجع قلبي
ليه يا أمه فيتاني
مش كنتي وعداني
طيف ها يجي يزورني
ليلاتي ف احلامي
بيعدي ليلي بطيئ
وانا لسه مستني
يجيلي طيفك ومضه
أولمحة في ثواني

****
برد الشتا طوُّل
ليله اللي وراني
من بين سحاب الغيوم
كوابيس في منامي
عدي ربيعي بدري
وجاب وراه صيفه
رغم حرارة شمسه
حضنه ما دفَّاني
هافضل كده علي طول
لحد ما يجي خريفي
في الدنيا وحداني 0!؟

[ريمه الخاني]

وحداني في وسط الهم
وحداني وهمي يغم
فوق ما الدنيا حضناني برضو وحداني...
وتحيه لقلمك استاذنا

[الشربينى خطاب]

وحداني في وسط الهم
وحداني وهمي يغم
فوق ما الدنيا حضناني برضو وحداني...
وتحيه لقلمك استاذنا

معقول أكون وحداني
وانتم هنا ف قلبي
ما هو كل عيد والتاني
من يجي ستين سنه
أحن وألقاني
ذي الولاد اللي ذيي
متحركة أشجاني
وخدني ليكي شوقي
ومتجددة احزاني
من غير حضنك يا غالية
مر طعم الأيام
اناجيكي بقي تزوريني
لو حتي في الأحلام
يا غلبي أنا وآه يا ني
دا حتي ساعة طلوع
روح مرتي اللي حباني
قالت لي الملايكة حاضرة
نفسك في إيه اتمني
استحلفتها بالله
لحظة واحدة تستني
لحد ما اكتب لأمي
اللي ساكنه الجنة
رسالة استعطاف
اصل من يوم فراقها
يا اخوانَّا وحشاني

[/quote]

[فراس الحكيم]

شعور الوحده ملازم للاديب لذلك استئناسه بحرفه من مستلزمات شخصيته اظن
لك كل التقدير شاعرنا

[ظميان غدير]

شاعرنا الجميل الشربيني خطاب

قصيدة جميلة من سلسلة قصائدك الرائعة


تبث الشعر سهلا جميلا ممتعا دائما

ظميان غدير