3 انفجارات في دمشق

[جريح فلسطين]

• 
  انفجار لمزرعة جنب جامع الإيمان
  
  
  
  

[جريح فلسطين]

قلا عن شاهدة عيان كانت في قلب حدث تفجير جسر الحياة 21/2/2013
:
عجئة كتير والسير شبه واقف.... وتحت جسر الحياة عند الكشك تذكرت انو بالرجعة بدي حول رصيد من عندو.... مشي السرفيس خطوتين واذا بوووووووووووووووووووم...........الدنية لونها بيج وغبرة وزجاج وحديد وشي اسود عم يطير ... حطيت راسي ع رجلين اللي جنبي ...تمسكت فيه بقوة وبووووووووم للمرة 2 .... بوووووووووم مرة 3..... ااااخ عيني...... رفعت راسي~ اللي حاطة راسي عليه واحتميت فيه حاطط راسو ع المقعد ونايم !!... شفت بنت عم تنزل من شباك السرفيس والناس عم تصرخ.... بدي انزل متلون أووم نزيلل بعدللللي لانززل كرمال الله خليني انززززززل ،، ما رد عليي وماتحرك من مكانو ...... السقف نزل ع روسنا ومطعوج لح اختنئ حرارة عالية كتير ودخان اسود نطيت من الشباك .... وقعت ع الارض عم اتنفس بصعووبة .... التفت حوليي دخان ودم ونار و زجاج مكسر وحديد وورق واغصان شجر وبنزين ومي ....شو صار؟ نزل صاروخ؟؟!! زحفت لبعد السرفيس بخطوتين ،، الارض دم، ايدي دم ،عيني لمستا صارت ايدي دم شو فيني؟تتتتتتطئ تتتتتتتتطئ ليش عم تئوصووو لك عم نموت لحالنا حاج تئوصوناااااا...... بلشت الانفجارات ورا بعض وصوت رصاص كتيرررر .....في بنت جنب سيارة عم تبكي وتنادي ابـــي ،اجا رجال حضنها وركدو...ما رح روح متلهون هلأ بيئوصوني ..... وقفت صار ضرب رصاص رجعت وئعت عالارض وهنن راااااحو ..... في جنب سيارة بنت عم تحكي عالموبايل وتقول ياأمـــــــي وتبكــــي .....حطيت ايدي بجيبتي بدي اتصل واسمع صوت امي بدي ودعها ... ياربي موبايلي ضل ع رجلين اللي كان جنبي رح ارجع شوفو وقلو ينزل هلأ بيحترء اذا مانزل .... مائدرت اتحرك من وجع رجلي سجدت وصرت اتشهد بصوت عالي وعم ابكي يارب سامحني سامحني ياربي..... بعد ثانية رح موت وامــــي امــي ....
ع جنبي اليسار في شب واقف اصابعو متفجرة ووجهو دم ،صار يتشهد متلي بصوت عالي اشرتلو بإيدي انزل عالارض لاتبقا واقف... نزل ونام ع بطنو حط راسو بين ايديه وصار يقرأ قرآن ...حاولت اقرأ متلو بس ماتذكرت ولا اية..... كل اللي عم قولو اشهد ان لا اله الا الله وان محمد رسول الله بسررعة كتير وانا يادوب عم اتنفس ... السيارة اللي متخبية وراها بلشت تدخن من ئدام .... في مرة وولد صغير و2 رجال متخبيين ورا السيارة اللي مقابيلي..... ابنها كان لونو احمر وعم ينزززف .... كانت عم تصرخ وتقول شووصار؟ والرجال كل وجهو دم عم يقلها اذكري الله....... بلشت دقات قلبي وتنفسي يوقف .... رح تفجر السيارة اللي مخبيتني.... السيارة اللي بعد بعدي انفجرت وناااار ودخان اسود صار يخنقنا بزيادة، الناس كلها عم تصرخ وتبكي ....... التفت ع اليمين لقيت شب لابس كنزة بيضا.... عم يزحف لعندي ... كل صدرو دم ... وعم يشئ كنزتو .... قلي اربطيلي ايدي ... ربطتلو ياها وكان الدم عم ينزف من جسمو بقوة....
انت عم تنزف وصدرك دم ووجهك كمان.......
انتي وجهك دم ....تعالي نطلع من هون
مو قادرة وقف وعيني ماعم شوف فيا ....
ماتخافي مافيكي شي بس وجهك دم .... شوفيلي شبو راسي !؟
لااا مافيه شي بس عم ينزف دم
امشي نهرب ....
استنى نسعف هاد الشب مصاب....
وينو ؟؟
ليكووو هادا اللي جنبي .... "بووووووووووووم ياااااربي كم انفجاااااار حيفجروناااااااااااااا "
مافيه شي اتركيه......
التفتت ع يميني لقيت الشب مابقا قرأ قرآن وهدي مابقا حكا شي..... ايديه عالارض ووجهو لعندي .....ارتااااح هلأ بيسعفوك لاااتخاف ......
رجع الشب قلي يالله لحقيني..... صرنا نزحف عالزجاج و الشظايا والحديد اصوات الانفجار للسيارات ماهديت ابدا والضغط صار يخلي اداننا توجعنا ......... وقفنا ونحنا منزلين راسنا وصرنا نمشي ببطئ استنااااني رجلي ماعم ئئدر حركها .....
وبيرجع بيفجر " بوووووووووم" التفتت ورايي لقيت النار عم تطلع من السيارات والناس مابقا طلع صوتها.....
كل ماامشي جنب سيارة شوف الناس اللي فيها ..... في سيارات كلها دم .... وسيارات فيا اشيا سودا وعم يطلع منها بخار ......
بعدنا عن الانفجار وفتنا بحارة ..... قعدت بالارض وصرت اتشهد وابكي لقيت الشب اللي معي صار الدم مبلل كل تيابو ح يبلش يفقد وعيو ..... كنا مصدومين وكانو صرلنا سنة عم نمشي كل لحظة فيها الف قصة.... صرت متشهدة اكتر من الف مرة ....... تيابي تمزقت وانصبت برجلي وبخفافتي زجاج مكسر جرح رجليي وعيني مابعرف شبا .... من وين الدم اللي ع ايدي؟ ااه يمكن من الشب اللي بالسرفيس .... ولييي ضل بالسرفيسس ماانزل ضل حاطط راسوو عالمقعد بس مو ناايم هاااد ميت انا كنت عم احتمي بواحد مييييت ودمه عـ تيابي وايدييي انا مسكتوو بايدييي ...... والشب اللي ع يساري صارت ايديه ووجهو عالارض مابقا قرا قرآن هاااد مو ارتاااح وهدي هااااد ماااات ماقدرنااا نعملو شي .... البنت اللي كانت عم تحكي مع امها عالموبايل انفجرت السيارة اللي كانت متخبية وراهاااا ليكها النارر لساها عم تشتعل منهاااا يااااربي كانت عم تودع امهااا ياربي...... واللي شفتوو عم يتبخر بالسيارة هي اشلاء محرووووئة ياربي ياربي يااااااااربي راسي ....... رح نعيش ولا ننتفجر متلووون شو رح يصير فيني مابقا اقدر ابعد اكتر من هيك دخت وموجوعة ..... التفت حوليييي لقيت رجال ونسوان كلهم دم الكل مصدوم شووو صار وين نحنا والناس اللي معنا مااااتت و نحنا شو؟؟!! .......ليه ئوصو علينا ونحنا عم نهرب .... الانفجارات ماخلصت.....السيارات وحدة ورا التانية عم تحترق وتفجر .....
ماوعيت الا ع صوت شب عم يحكي.... تعاالو شوفو هي البنت شربوها مي ... صارو يكتو عليي مي لصحيت ......اجا واحد وقال عم ينقلو التفجير مباشر ع السورية التصوير هون... لك شووو جاابكوون انتووو ؟؟وين الاسعاااف وينوو؟ شوو بدنا بالتصوير الزفت بدناااا اسعاااف بدنا حدا يسحب النااس من تحت السيااارات الناس عم تمووت وتنززف وتحتررء لك حلووو عناااا كرمال الله حلو عنا والله تعبناااااا.....
اجا عسكري وقلي احمدي ربك اللي طلعتي هيك،، لاترجعي ماضل حدا ......
مابعرف شو صار بعدها...... بس صحيت مرة تانية بالاسعاف لما سألوني شو اسمك؟

قضيت الليل كلو وانا عم اتصل ع موبايلي كان بدي يرد عليي الزلمة اللي كان جنبي ويقلي انا بخير وعايش مااحترقت ولا انصبت ولا متت بس كنت فاقد الوعي ...... بس ماحدا رد عليييييييييي وموبايلي مغلللللق والزلمةةةةة ماااااانزل من السرفيس ضل هوووونيك لحالووو بهالليل بين الناس الميتةةة والمفحمةة ياربي ارحم خوفوو بوحدتو ..... يارب كون معنا بضعفنا،،،، اللي بيعرف حدا كان موجود بسرفيس مزة جبل عند كشك الحياة يخبرني.... هي الناس اللي كنت معهون نزفو ومااتو بين ايديي، احترئوو ئدامي، ياربي ياربي

منقول

[رغد قصاب]

دولة السويد (((( الكافرة )))) ترحب بالسوريين و تطلق عليهم اسم " سكان جدد " و تتمنى لهم حسن الإقامة ...

و الدول العربية (((( المسلمة )))) تطلق عليهم لقب " لاجئين " و تتهرب من استقبالهم ...

الصورة لعضو في البرلمان السويدي

[رغد قصاب]

الأضرار في جامع الإيمان بحي المزرعة بعد التفجير الذي حدث بالحي بالأمس.
والجدير بالذكر أن جامع الإيمان يأوي العديد من النازحين من مناطق دمشق المنكوبة.

[فاتن علي حلاق]

الشهيدة الشابة آمنة خليل الكويفي ...استشهدتبتاريخ 6/3/2013 أثناء القصف على الانشاءات في مدينة الزبداني مكان تواجد النازحين

[جريح فلسطين]

نايف , الوجعُ المتكبّر عن صرخة الآه ..

الرسّام : عبدالله العمري

[شذى سعد]

http://www.omferas.com/vb/showthread...562#post173562

[أسامه الحموي]

عن مجموعة شاهد عيان ... هام

"الشاب ص.ق من سكان شارع برنية تم قتله بدم بارد على حاجز اللجان في مدخل القابون بعد أن أخذ منهم الأمان بنقل ورشته من القابون لداخل دمشق وعند أخر دفعة من البضاعة والألات تم أيقافه على الحاجز أخذوا سيارته وذهبوا به بعيدا" وقتلوه , أهله حسبوا أنه معتقل ودفعوا مايقارب ال 600,000 ليرة سورية لأخراجه من المعتقل , للوسطاء وللضباط , بعد عشرة أيام ذهب أهله للبحث عنه في محيط مشغل الخياطة ليجدوا أربعة جثث لأشخاص مختلفين ومن بينهم الشهيد , وقد تفسخت جثته وتعرفوا عليه من لباسه وماتبقى من أغراضه الشخصية اليوم الجمعة 08,03,2013 تم تشيع جثمان الشهيد من مشفى المجتهد ,
في هذه الواقعة عبرة للجميع كي لا يثقوا بالشبيحة على الحواجز والعبرة الثانية أن لايدفعوا مبالغ لضباط ووسطاء قبل التأكد من خروج المعتقل"