"شيروفوبيا"

[أبو فراس]

"شيروفوبيا"
مُصطلح تم تداوله بيننا كتير في آخر كام يوم بسبب كليب "مسار إجباري" الجديد، ناس كتير استغربت من الإسم برغم إن الشيروفوبيا مرض مُنتشر بين الناس وخصوصًا في جيلنا..
مرض الشيروفوبيا بـ اختصار هو الخوف من السعادة وده بيحصلك لمّا تتعرض لمجموعة من الأحداث والصدمات غير المتوقعة في حياتك بتخلّيك خايف من الناس وخايف تكمل أي تجربة للآخر، غير إنه أحيانًا بيكون genetic
زي أي مرض ليه أعراض، الشيروفوبيا كمان ليه أعراض بتكون واضحة وبتختلف من شخص للتاني على حسب درجة الخوف والصدمات اللي اتعرّض لها الشخص في حياته..
من أعراض الشيروفوبيا مثلًا القلق المُبالغ فيه من حاجات تبدو طبيعية لناس كتير وغالبًا مش هتعرف تفهّمهم انت قلقان من إيه لأنك ببساطة مريض..
من أعراض المرض اللي بتكون واضحة جدًا هي الخوف بشكل كبير جدًا من حاجات بسيطة وطبيعية، زي مثلًا مقابلة ناس جديدة لدرجة إن الخوف ممكن يوصلك لضيق تنفس أحيانًا وزيادة سرعة ضربات القلب وصعوبة في الكلام..
المريض بالشيروفوبيا بيفكر طول الوقت وبيحلل المواقف ويحطلها نتايج كئيبة مبنية على تفكيره وتجاربه السابقة ولإيمانه إن مفيش سعادة كاملة وإن الحزن هو المُسيطر..
أخيرًا..الشيروفوبيا مرض مُنتشر جدًا حوالينا، ولو عندنا نصايح ليكم هيكون أهمها اختيار الأشخاص اللي تكملوا معاهم حياتكم يرجعولكم ثقتكم في نفسكم تاني ويساعدوكم تواجهوا العالم من جديد.
Photo © Amanda De Vito, 2015

[ريمه الخاني]

هو مرض متعلق بخصلة النفاق ، التي تدفع صاحبها، لوضع ألف قناع وقناع...
شكرا لك أبو فراس.