هاي يا نجمة

[الهام بدوي]

هاي الأرض إلنا وحا تضل إلنا
أحلى أرض بها الكون وترابها تبر غالي عا قلبنا كلنا
هي إمنا وأبومنا وإحنا منها وهي منا
نجمة العلالي شافت أهلها عشقوها
و أحلى اغناني غنولها
نجمة السما غارت من حلاها
وقالت يا بخت من لاقاها
وشرب من ميتها وعندو بيت تحت سماها
قلتلها يا نجمة يا سارحة بالفضا الواسع
تعي لاقولك واسمعيني منيح
هاي يا نجمة
أرض بلادي فلسطين أرض الجمال والخيال و حرفي فيها جريح
هي ارض العسل والكرامة ومهد الأديان والروائع
كل شبر فيها مزروع عشق وعبير واسألي عنها الريح
وخير وشباب بالعلم والنور طالع
وإن مات كرمال عيونها ألف شهيد ودبيح
والله يا نجمة ما بتستاهل منا إلا كل منيح
هاي يا نجمة بلد الأطهار
بلد الطيبين الأحرار
بلد العز والشرف و الثوار
بلد الطفل اللي بقاتل فيها دبابة وبضربها بالحجار
وبيخاف فيها العسكري من خيال سجين وأسير و حتى من ظل الأشجار
لأنها زي فلسطين حرة أبية وأقوى من ظلم كل جبار !!
هاي بلدي وعرضي
قلبي ونبضي
هاي يا نجمة
شمسي وفي
قمري وضي
هيدي يا نجمة
عمري الجاي
ونغم الناي
هيدي يا نجمة امي وبي
هاي يا نجمة ابني وبنتي هيه الأهل
وهي الدار
هي العز وأحلى بيت وأحلى مزار
هاي يا نجمة نوارة كل هالمدار
مع تقديري وحبي لكل بلاد الوطن العربي

[ريمه الخاني]

سلمت وسلمت فلسطين عزيزة وغالية
تثبيت

[الهام بدوي]

غاليتي ريمة بوركت جهودك ورفع الله شأنك ورمضان كريم .. مرورك يشرفني دوما ..دمت بخير وعاشت سوريا وحفظ الله سوريا واهلها الطيبين فخرا للعرب والعالم كله ,,

[ظميان غدير]

كلمات رائعة اخت الهام بدوي

سلمت وتحيتي لك

[الهام بدوي]

سيدي الفاضل تشرفت كثيرا بمرورك وتعليقك دمت بخير وعيد سعيد

[جيلان زيدان]

....


استمتعت بها


كثير تقدير غالية


...

[الهام بدوي]

....


استمتعت بها


كثير تقدير غالية


...

سيدي الفاضل تشرفت كثيرا بمرورك الكريم وتعليقك القيم عيد سعيد ..

[محمود ابو اسعد]

تسجيل مرور وتحية وانتظار لجديدك أديبتنا السامقة
فلسطين

[الهام بدوي]

تسجيل مرور وتحية وانتظار لجديدك أديبتنا السامقة
فلسطين

سيدي الفاضل تظل كلماتنت قزمة امام هامة بلادنا السليبة فيا ليتها تعود .. دمت بخير سيدي دوما ..