وفيهـا أيـه دنيتنــا يفرَّحنــا؟

[دكتور أحمد الليثي]

قالوا افرح:

وفيها أيه دنيتنا يفرحنـا؟
دا حتى الزهر يا خوانّا بيجرحنـا؟
وحتى الفرح تاه منَّـا
وراح لبعيد وريَّحنـا
لاجل ما ندوَّر عليه
أو على نسمة تريَّحنـا.
بقينا نخاف من الأفراح
من الضحكة تمطوحنــا
وان كان خيال جميل موال
يبقى دا من فعل أشباحنا
خلاص الحزن داق منـا
وساكن جُوَّا أرواحنـا
قلوبنا خلاص بقت زاهدة
بتمْسِي زي ما صبحنا
لا تعرف معنى للبسمة
ولا نهاية لأتراحنـا
وان مرة تاه قلب وفرح
الحزن بيدِلُّه على مطرحنـا.

[دكتور أحمد الليثي]

عايز الجنــة؟

فرح الدنيا قصير والجنة
ما بتدخلها عشان بتصوم
أو بتصلي خمس مرات
أو في المسجد طول اليوم
عايز الجنة؟ روح ورِّينـا
كده راح تنصر كام مظلوم
أو قدام الحاكم الظالم
كلمة حق تقولها تدوم
ترجع رافع راسك دايماً
أو مضروب وكمان مكلوم
لازم ويَّا الصلاة والصوم
قلبك يحمل ضنا وهمـوم
لازم تبكي مصير أمتنـا
لازم قلبك ما يشوف نوم.
يبقى منين الفرح ييجينا
وكيف راح نفرح من غير لوم؟

[دكتور أحمد الليثي]

حلفت ألف يمين ما افرح ولا اتهنّى
ولا اطرب لغنيوة - وانا قلبي يتمنّى-
إلا في يوم ترجع حقوقنا لأوطانّا
وان ما كنش؟ فرحنـا يبقى في الجنـة.

[ريمه الخاني]

حلفت ألف يمين ما افرح ولا اتهنّى
ولا اطرب لغنيوة - وانا قلبي يتمنّى-
إلا في يوم ترجع حقوقنا لأوطانّا
وان ما كنش؟ فرحنـا يبقى في الجنـة.

هذا ماابحث عنه بين طيات موضوع كل كاتب
بارك الله بك
تقديري