دَقـْدِقْ على الآهات

[فردوس النجار]

دَقـْدِقْ على الآهات-
قال الوطن ..ضَيَّع بياضو ومطرَحو
ونسيان كيف الناس..كانوا يفرحوا
شدَّيت إيدو ..وطلعت سابع سما
وشو خـْفـْتْ هالزعقه القويِّهِ..تدبحو
شوباك يا عمر الورد راكب فرس
بتطير..وتخلـِّي الحبايب ينزحوا
شو باك يا بيتي ..اللي واقف للزمن
يغلق عليك الباب..ضْفرَك يفتحو
يا واسع الأطياف..يا سَعْد انخطـَف
مزويـِّتـَك حَمرة..وتآشيرك نـَزِف
دقدِق على الآهات مَيِّز نغمتي
ولـَعِّب ع قلبي..من قصيدَك..شي ألف
دمشق-الشاعرة فردوس النجار---

[كاظم الفضلي]

الشاعر المبدعة فردوس النجار .. أضفت ألقاً لمنتدى الشعر الشعبي
قصيدة جميلة
تحيتي لك ولشاعريتك أخي المبدع .