منشر غسبل قبل ما تقوى الشمس

[ريم بدر الدين]

منشر غسبل قبل ما تقوى الشمس
مبارح اثناء التصفح تفركشت بواحدة من المنشورات اللي بتظهر على شكل تهديد ووعيد في صورة و موضوعها مهم جدا و مفصلي
( نمص الحواجب)
و عم يقول بالحرف انو الرسول صلى الله عليه و سلم لعن النامصة و المتنمصة و احذري ان تكوني من هؤلاء الملعونات
لحد هون مافي اشكال هذا اعتقاد و كل من عنده فكرة بيحق له يطرحها
اللي بيزعج انو البوست عليه رد وحيد من وحدة باسم مستعار عم تقول ( اتركيهم هالنسوان ما رح يتربو الا ليلاقو حالن بنار جهنم)
يعني هلا نار جهنم جاهزة بايدها و رح تشوي هالنسوان فيها
هي نصبت حالها رب و اللي امتعنت عنه برغبتها لازم يمتنعو عنه النسوان و الا بتكون جهنم مصيرهن
نفسها اللي عم تحكي ما بتنمص حواجبها و ما بترضى يكونو حواجبها كانو مر جرار فوقهم مو من شان شي بس من شان جوزها عيونو ما تطلع لبرا لذلك بتعمل تشقير للشعر الزايد من شان يطلعو حواجبها ظابطين
يعني التحريم اذا كان في تحريم ليش؟ مو من شان الفتنة ؟ و اذا ظبطوه بالتشقير مو فتنة ؟ هاد مو اسمو تحايل و نفاق ؟
و لسه بيقلولي سورية ليش صار فيها هيك ؟

[ريم اليافي]

هذا هو الواقع الذي أضحت الأمة عليه
لا نملك إلا الدعاء بالإصلاح
تحياتي