الزوج الذي لا تكوني اميرة في نظره ..لا يليق بك !!

[عبد الرحمن سليمان]

Sheriff Ammar added 5 new photos.

جورج كلونى فى حفل الجولن جلوب و على الملأ قال لأمل علم الدين :
"أمل، أيا كانت الكيمياء التي جمعت بيننا
فإنني لا أستطيع أن أكون أكثر فخرا من أن أكون زوجك"
شوفي يا مؤمنه قالها أن أكون زوجك مش إنك إنتى زوجتى !
وعادى جدا إنه يقول الكلام ده قدام الناس كلها و إنه فخور إنه جوزها ..
..
كريستوفر بلومير لما فاز بالأكاديمي أورد قال في كلمته:
أحب أشكر زوجتى "إيلايني" وأقولها إنك تستاهلى جايزه نوبل فى السلام عشان الراحه اللى خلتيها فى حياتى ..
..
إهتمام الملك عبدالله بالملكة رانيا و حبه ليها. قدام الكاميرات كلها بيشيل رمش واقع تحت عينها ومش فارق معاه إنه ملك !
..
عمرو حمزاوي كتب مقال عن بسمه مراته وقال :
حبي وإحترامي (لسيدة قلبي) هي قناة تنفس و إكسير حياة .. !
..
الأميره فيكتوريا وزوجها الامير دانييل لما بيعدلها ديل الفستان بمنتهى التواضع قدام الناس كلها وهو أمير خوفا على شياكتها ..
..
صلاح جاهيين وهو بيتكلم عن مراته (منى قطان) وبيقول : البنت دي فيها حاجه مختلفه ذكيه ولبقه وحساسه أنا بقي أموت في كده
ولما المذيع سأله بتحبها !؟
قاله حب إيه ياعم !؟
فيه ناس الحب خسارة فيهم ..و ناس تانيين الحب بالنسبة لهم يبقى حاجة مش قد المقام..
اهى البنت دى واحدة منهم ..مخلوق مختلف ..
عيب لما الواحد يقول انه بيحبها ..
..
ده بقي اللى بيسموه "التقديــــــــر"
ليه أى بنت مفروض تقبل بأقل من كده !!
ليه تقبلى إنك تكونى فى حياه شخص مهمشه وملكيش وجود ويبقي إسمك H ولا M ؟
لما يوصل شريكك لنجاح كبير يشكر كل الناس إلا إنتى وكتر خيره لو قال و "الجماعه" !!
ليه تقبلى تكونى أصلا مع إنسان مش مقدرك ولا مقدر طموحك وتفكيرك وإنك كنتى كيان منفصل قبل ماهو يدخل حياتك وإنو يكون واصي عليكي !؟
إن إنسان يدخل حياتك وينتظر منك إنك إنتى بس اللى تتغيري بالشكل اللى هو عايزه عشان هو مش عايز يبذل أى مجهود فى العلاقه لأنه الراجل !!
ليه تقبلى براجل يدخل حياتك عشان يغيرلك كل قناعاتك ويفرض عليكي طريقه حياه ولبس وتفكير إنتى مكنتيش حباهم من قبل كده !!
وإنه يسيب بنات الدنيا كلها ويختار واحده عندها شخصيه وطموح عشان يكسرهم مع إن التافهيين وعديمي الطموح كتير !!
كل بنت فى حياتها راجل من النوع ده أتمنى تبدأ تحب نفسها اكتر من كده
وتحس بقيمه نفسها وإنها إنسان له كيان محتاج تعبير عن الحب والمشاعر وإهتمام بتفاصيله وشخصيته وبطموحه ومحتاج دعم عاطفى ونفسي وعملى ومحتاجه شخص يفخر بيكي وبتفاصيلك البسيطه والعبيطه قدام الدنيا كلها.

رضوى عكرش

Like · Comment · Share