يا غير مسجلمغامرات مارية

[jikarkorshid]

مغامرات ابنتي مارية مميزة تلفت الانظار:
***************

نور : بابا بدي سجل اليوم خمسة أهداف
أنا : وليش خمسة ؟!
نور : لأني سجلت بالمبارة الماضية أربعة أهداف
أنا : ممكن تسجل أهداف أقل وممكن ما تسجل أبدا
ضحك نور ولعب المبارة والنتيجة بعد انتهاء المبارة كانت مذهلة بعد ما سجل نور عشرة أهداف في مرمى الخصم .
اقترب مني نور وقال :
- بعد ما صرت الكابتن واتدربت كل هالأيام ماراح أخسر أبدا
أنا : مو المهم أنك تربح المهم أنك تلعب بأفضل ما عندك
نور : بوعدك ما أخسر وإذا خسر الفريق فالمشكلة بتكون فينا
صرت فكر بكلام نور وأنا عم أتذكر كل خسارتنا بهل الحياة .
***************

[jikarkorshid]

مارية : مو لازم نحترم كل الناس وما نحكي عليهن شي
أنا : أي صحيح
مارية : وكل اللطيفين والطيبين بيدخلوا الجنة حتى لو مو مسلمين
أنا : مين قصدك لطيفين وطيبين
مارية : رفيقتي آريانا مسيحية مو مسلمة بس لطيفة كتير وطيبة
أنا : أي حبيبتي كل اللطيفين والطيبين بيدخلوا الجنة وخاصة الأطفال

[jikarkorshid]

ماريا: بابا عجبك هيك؟
أنا: خير شوفيه؟
مارية: رفقاتي البطات زعلوا مني.
أنا: ليش زعلوا منك رفقاتك البطات؟!
مارية: لأنك بخيل ، ماخليتني آخد علبة البسكويت ميشان طعميهم.
أنا: أخدتِ كل الخبو ، ماحكيت شي، بدك تاخدي البسكويت كمان؟
مارية: طيب شو أعمل ؟
كل يوم بيزيد عدد رفقاتي البطات ، وعيب ماضيفهن كل يوم،وأنا رايحة عالمدرسة.
أنا: والله يا بابا خايف بعد كم يوم كل بطات هولندا يصيروا رفقاتك.

[غالب الغول]

مغامرات راقية , ننتظر المزيد , فقد استمتعنا بها , شكراً وإلى الأمام .

[Boubakeur Khellil]

قصة قصيرة جيدة ذات معنى ومغزى..هي تصلح للأطفال العمر 5 سنوات

[jikarkorshid]

حوار عميق
اليوم وأنا مسافر في القطار سمعت حوارا لعائلة عربية مختصرها:
الأم: استغفر ربك يا زلمة مو معقول لا تقنعني هولندا الله خلقها مو الهولنديين
الأب: صح بس الهولنديين بيقولوا هنن خلقوا بلادن نشفوا البحر وعمروها.
الأم: أنا يلي بعرفوا الله خلقنا وخلق كل شي
هنا تدخل طفلهم وأظن عمره حوالي أربع سنوات:
الطفل: بس في شي الخرطوم بيخلقوا
الأم والأب وأنا مندهشين: شو هو؟
الطفل: الخرطوم بيخلق المي