طار العصفور

[فايز كرم]

طار العصفور بعد ما صار كبير ....

وطار من بيتو

طار ب الجو ع وسع الفضا

مسكين قلبي تعلق فيه

يخرب بيتو

نسي أيام المودة .... والحب

أنا من داخلي كتير ..... حّبيتو

معقول ما ترجع .... أيامو المضى!!

معقول يهدم قصر للحب

أنا ..... بنيتو

مسكين قلبي....

راح ينادي عليه

يرد الصدى

راحو الغوالي ل بعيد

مافي حدا .... مافي حدا

كيف يروح !!.؟؟؟؟

ويتركني بعجئات هالدني

وأنا قلبي على مسكب ورد

الو وحدو أنا اهديتو

ازرعت ب دربو ... فل وسوسنة

ورد موف ومن شرايين قلبي

أنا اشغلتو ......... أنا اعطيتو

يا غبنك يا قلبي

حملك كان كبير ....... كتير

أكبر و أكتر من كل أحمال هالدني

يا خطيّتو

ارجع ... عا بيتك

وحدي أنا زهئان

ارجع و خود ... مفاتيح قلبي

الك .... حطيّتو

ارجع وشوف قلوبنا الحلوين

زارعة الآهات

وعد ... وفى ... وحنين

بداخلي كلمات

وحروف الغزل

لغيرك انت وحدك

ما خطيّتو

يا بو القلب الحنون

اعرفتك أنا من سنين

ارجع .... ارجع .... ناطرك

هون على قمة النجمات

وحدي ... بحبك

ارجع هون ... عرش الحب

الك وحدك أنا بس سويّتو

شحرور الضيعة

12/11/2009

[ريمه الخاني]

ماشاء الله
ونص جديد وجميل كما عهدناك شاعرنا العزيز
اهلا بك دوما
وفقك الله

[ظميان غدير]

قصيدة رائعة تحيتي لك اخ فايز كرم

[فايز كرم]

الاخت ريمه والاخ ظميان شكرا لمروركم الجميل

[رغد قصاب]

جميل نصك شاعرنا العزيز فايز
والبقاء لله بالمشرف للشعر الشعبي الاديب :
الشربيني خطاب
سوف امر بقسم الترحيب ان شاء الله للتعزية فقد قرات ان ابنته لحقت به من حزنها
احسن الله ختامنا جميعا

[الشاعر لطفي الياسيني]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
تحية الاسلام
جزاك الله جنة الفردوس الاعلى التي اعدت للمتقين
نفع الله بك الاسلام والمسلمين وادامك ذخرا لمنبرنا الشامخ شموخ
ارز لبنان

ان كل مفردات ثقافتي لا تفيك حقك من الشكر والاجلال والتقدير
لك مني عاطر التحية واطيب المنى
دمت بحفظ المولى

[فايز كرم]

الأخت رغد قصاب والشاعر المخضرم لطفي الياسيني
شكرا لمروركم العطر

[ذيبان]

لهجتكم جميلة
مشكور يالغالي على القصيدة الحلوة
ذيبان