الطاحونه

[محمد شاكر]

شجر المخاوف

زي ليل طارح مابيني الشك

ومخليني اظن في كل حاجه

والشوق ماليني بزحمته

فارض عليا ...الف حاجه

ولانه عار

انك تعدي بدمعتك

لقلوب ملكش الحظ فـ انك معاها تحس لو احساس برىء

تبقي حلالك دمعتك

تكتمها قدام القلوب

تنزفها قدام المرايه

او شكايه للغروب

او حكايه من حكايات التراث

لكنها.....من غير ربابه وعود وناي

الغربه...اجمل لحنها

والجرح كمّل اسمها

والهم ....لوّن رسمها لون السكوت

وناديت يا دنيا باعلى صوت

متعلمينا ننتحل شخص الحياه

نلبس قميصها

اللي انكوي بانين واه

ويداري حُرقه حبنا

كتر الكلام

والهلفطه

ولاني زي الناس ومهري مرمطه

واكمني شايل منها

ومليش في علم السفسطه

قلت ببساطه يا ريت تحاولي تعيش زيي نص حلم

مابين خيالي اللي احتمال

يطلع خرافه

وننفضح

لما بوهمي اتخيلك

انك طاحونه ف الهوا يهب الغبار وسط الريّش فيبان ف عيني انه شبح

بيلف ف تروسها عشان يقدر يحارب الوانات الطيف

وينزع من تجاعيد السما الجلد اللي مات

واتخيل ان المعجزات....اتحققت

واني كـ فارس منتظـَـر

فاحلم

واحاول انتصر علي خوفي فيكي بسيف ورق

وساعتها عايزك تفتحيلي البوابات

وادخل بجيشي جوّه اسطوره زمان اللي ابتدت بحصان خشب

هربان من العصر القديم

[ريمه الخاني]

واهلا باولى نصوصك اديبنا العزيز
دمت بخير ومرحبا بك

[ظميان غدير]

الشاعر محمد شاكر
قصيدة رائعة وجميلة

اشكرك على هذا الحضور والالق
تحيتي
ظميان غدير

[الشاعر لطفي الياسيني]

اقف اجلالا لعبق حروفك وابحارك في مكنونات
الذات الانسانية فاجدني عاجزا عن الرد حيث
تسمرت الحروف على الشفاه جزيل شكري وتقديري
لما سطرت يداك المباركتان من حروف ذهبية
دمت بخير