(بالغربة الحزن أكبر /شهد العبيدي

[فراس الحكيم]

كتبت عراقية اسمها ( شهد العبيدي)

قصيدة بعنوان ( بالغربة الحزن أكبر )

لشهد ولكل العراقيين ولكم

أهدي هذه الكلمات :



يمّـا شهد ، شدّة وبعدها تزول
وترجع للعراق طيوره الخضّـر

طبع المصايب من تهلْ كــــــــبار
ويبقى الإله بقــدرته أكــــــــــــبر

دولاب الوكت واحنا معاه نــــدور
ولا بد عالـطـغاة الـدّور يـفـتـــــر

وعد النصر لأهل الصبــر مكتوب
من رحمته الرحمن بعد العسر يسّر

لا تْصدقي القمر يقدر عليه الحوت
لا ضوْ الشمس يطفيه جوْ أغبر

عمر العراق وعادته بطيبة الناعور
يغرف بالضلوع المايْ تا يرتوي البر

طوينا يا وطن للغيابات شراع
وسفهْ البلم عدّاك من تيّهْ المعبر

على بخته الحزن جيّمْ بالعراق سنين
لا مرّة الفرح دك إلك بيبان لا مَـــرْ

أسباب العدا باكوك ؟، من غفلة الناطور؟!
وكت الحصاد ينام !، يا ضيعة البيدر


صبراً ياوطن ، كلّ الرزايا تهون
لا تْسمّع عدونا الآه ولا الشّامتْ بضرْ


أدري بك عنيد ودوم ﭽـبش نطاح
صبر الجمل عالضيم ، إنت أصبر

وصيتك بالذي وصّى أخاه كليب
طير الصّدى ضمآن للثار يتنّطر

فدوى العمر والبيت والجهّال
وننساه كل الصار منّك ياوطن تعمر



** ** **

[ظميان غدير]

اخي الحبيب فراس الحكيم


قصيدة باللهجة العراقية رائعة وجميلة


سرني أن نقلتها وجلبتها لنا


تحياتي

ظميان غدير

[علي جاسم]

السلام عليكم

لهجتنا العراقية جميلة

وهذا ليس تحيز مني

بل هو الواقع والله

عموما شكراً لك أخي على هذا النقل

وكنت اتمنى أن تُنقل إلى قسم الشعر الشعبي

تقديري لك

[ظميان غدير]

علي جاسم

لهجتكم جميلة طبعا ولا خلاف عليها ..


أنا نفسي كم اتمنى لو اتقن اللهجة العراقية لاكتب عليها الشعر


تنقل للقسم الشعبي بعد إذن الناقل الجميل فراس الحكيم

ظميان غدير