أهمه

[ذيبان]

أهمه

اهمّه لو كــذب اني ماهــمه
غلاي يجول في قلبه و دمه

يبان الحب في نظرة عيونه
يقول الصدق والا ولد عمّـه

يغار وغيرته تفضح غرامه
وتكشـف غيرته حتى كلامه

يغار و يقـلب الــدنيـــا عليه
يبيـني دوم في قــربـه ويـّمه

يبيني دايـــم بجــنبـــه يبيني
ولو انــه تظـــاهر ما يبيـني

انا ادري فيه وادري عن طباعه
يخّفي الشـــوق في قلبه و يضمه

يكابر وادري انـــه هو يكابـــر
وانا ادري بس لكن دوم صابر

ابيه يبوح عن حبه و شوقه
وانا اللي بين خلق الله اهمه

[كاظم الفضلي]

الشاعر ذيبان .. مشاركة جميلة
وتحدي اجمل . شكراً لك .

كاظم الفضلي

[ريمه الخاني]

جميل ان يبقى الإنسان محبا مهما تقدم في العمر...فالشباب شباب الروح...
تحيتي لك