جاهين الجديد

[محمد الشلقامى]

عجبى عليك يا عمنا........................... وعم اللى طالع بعدنا

يا سد عالى يا هرم ........................... يا نيل بيجرى فى دمنا

بتكتب وترسم بالقلم.......................... صور جميله ملونه

رسمت صوره عصركم....................... ورسمت صوره عصرنا

فى الحرب كان قلمك بارود................. وفى الربيع غنيت لنا

وفى الليله الكبيره يا عمى .............. احلى كلام سمعتنا

حقيقى كان وزنك تقيل..................... وعشت فى الزمن الجميل

قدمت نفسك الف ميل..................... شيلت نفسك همنا

عجبى عليك يا عمنا......................... يا ابو الحكاوى مزينه

شوف سبتنا من كام سنه................ ولسه عايش وسطنا

هل كنت عارف اننا ......................... جيل الضياع والعكننه

ولا بتضرب للودع ............................ ولا بتقرا كفنا

لما اصابك الاكتئاب.......................... وانت بتحلم حلمنا

عذبت قلمك ليه معاك .................... فكرتنى بألمى أنا

مش انت بس اللى اندفن ............... يا عمنا

الكل ملفوف بالكفن ....................... من كام سنه

وأقلام كتير صابها العفن................. وكل يوم بتسمنا

سبتلنا أيه نكتب عليه.................... فى كل حاجه سبقتنا

لك الف رحمه ونور عليك .............. وألف رحمه عليا انا

.............................يا عمنا .................................

[ريمه الخاني]

دوما تظهر لنا مصرية المصريين كمنبع فخر وعزة ومحبة..
سلامنا لاهلنا هناك
تحيتي

[مصطفى السنجاري]

قصيدة جميلة
تذكرت صلاح جاهين وأنا أقرؤها
تحية ودمت

[ظميان غدير]

قصيدة رائعة
شـكــ وبارك الله فيك ـــرا لك ... لك مني أجمل تحية .

[محمد الشلقامى]

شكرا اخوانى لكلماتكم المشجعه

وفعلا اخت ريمه دائما ما تمتزج كلماتى بمعانى مصريه ناطقه لعلى استطيع ان اعبر عن بعض ما يحمله القلب لها

[ايهاب صبرى]

انت شاعر كبير فين الكلام دة من زمان ربنا يديم نعمته عليك يسلم لسانك وقلمك

[محمد الشلقامى]

شكرا يا ايهاب على كلماتك الرقيقة والقاك على خير

[محمد الشلقامى]

واجب ومن باب الادب .....................نحيى رواد الادب
منهم عرفنا الاحترام.....................وعرفنا ايه يعنى الادب
كل عام وانت بخير استاذ مصطفى