حزن سياب

[كاظم الفضلي]

حزن سياب ..


تلكين بيه اشارات الصليب
ومأذنه
وايمام ملت منه زواره
وتلكين بيه وطن ..
وحزن سياب
بايك عمره واشعاره
وبيه صبر كطب الرحه ..
الشايل قحط جوعان بكتاره
وتدور السنطه وي بالي
وتتشابهه جثير وجوه
بس وكت النمره وادمه احجاره
العليه البيه مو مبهم
ولاغربه ..
ولابيه صنم مامرته الشاره
ولاطبع الفرح سلعه
وتبوك
الناس
بعياره
لجن مجتول عازة موت
ضاكت عين خطاره
الدرب بس من مستحاه ملني
ولكيت اشمكثر اعذاره ...
وصدك تلكين شدهت بال
بس مامش صدك وزمور غداره
وتظنين السفر ميزان ..
رحلة موت ..
تابوت المنايه انسان مسماره
وعدي صدر بس همج ايشيله
ولو بيه الهموم اتبات محتاره
وتلكين بجروحي جسر ..
وبعضي نهر وجهج غسل اسراره
ورق صار الدمع بس من ورق
وكلوب مثل الخشب ..
مذبوح منشاره
اولو بس العيون اتفرهد النظرات
طبع وادم فضول وماتصح جاره
وتلوذ الجلمه غركانه ..
نسيت اسمي عله اوراقي
طفل شفته يفر براسي فراره
وابرر ..
واعتذر ..
واندم ..
لجن طبعج قديم ايطالب بثاره



كاظم الفضلي

[ريمه الخاني]

تعودنا ان نتابع هذا الشعر الشعبي الرائع
بانتظارك دوما
دمت بخير

[كاظم الفضلي]

سيدتي الفاضلة ريمه الخاني .. شكراً لكلمات الأعجاب بالشعر الشعبي وتقديري لهتماماتكِ بكتاباتنا
الرفعة في نكران الذات والتضامن في الأبداع .. وأنتِ صفتيكِ تلك .. تحياتي أختي الغالية .


كاظم الفضلي

[ظميان غدير]

ابيات عذبة وجميلة
سلمت استاذ كاظم الفضلي

[كاظم الفضلي]

الأساذ الشاعر ظميان غدير .. أحييك وأعتز برأيك وأسفي كنت مسافر ولم أدخل نت لذا اكرر أعتذاري لعدم تدوين شكري وتقديري لجنابكم ..وكل عام وأنتم بخير والعاملين في منتديات فرسان الثقافة امنياتي بالتوفيق والأزدهار للمنتديات مع محبتي ..

كاظم الفضلي

[بلقاسم علواش]

تحية الإكبار لشاعر ذي قار
هنيئا بالأحرف الطاهرات
مع كامل الود وأجل التحيات

[كاظم الفضلي]

الأستاذ الفاضل بلقاسم علواش .. تحياتي الأكيدة لشخصكم وجنابكم الرائع وتقديري لكل حرف وكلمة مررت بها عند مرورك على بساطتي أمام ابداعكم وثقافتكم الرفيعة .. شكراً وكل عام وأنتم بخير .


كاظم الفضلي

[الشاعر لطفي الياسيني]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
تحية الاسلام
جزاك الله جنة الفردوس الاعلى التي اعدت للمتقين
نفع الله بك الاسلام والمسلمين وادامك ذخرا لمنبرنا الشامخ شموخ
ارز لبنان

ان كل مفردات ثقافتي لا تفيك حقك من الشكر والاجلال والتقدير
لك مني عاطر التحية واطيب المنى
دمت بحفظ المولى