طل ..

[كاظم الفضلي]

طــــل ...

مامعذور..كل دمعي البجيته اعليك
مامعذور..جي لنك زغير وعالزعل دلوك
مامعذور..
خوفي وكل صلاتي انخاك
يااجمل حلم راودني كل وكتي
يااحله الاسماء من ارد اصيحلك
غاضوك مني..
وغيضهم ماكدرو ايسموك
دللتك عكس ماجرحتني اهواي
حبيتك رغم كل الغرابه البيك
صورتك نهر وأنه العطش للماي
عطشت النهر جي أنه اعله جرفك
عكس ماذبو حجر غايتهم ايسدوك
وصورتك قفل ومضيع المفتاح
مايرهم القفلك غير مفتاحي..
عجيب اشلون فكوك!!
وكتبت اشيائي واشياءك عله الحيطان
صوت
وماذنه
وبيبان
تغفه انت وافز أنه ورق من تاكله النيران
خيط بلون وجهك ينعكد بالطيف
وجنح
واحجايه
وأذان
وارسم اعله اشياءك اجمل لوحه للعشاك
تشبه اصوات العصافير الغروب
وعله اشيائي تلكه دمعه
وتلكه أسف..
وتلكه كل الناس عين
منين ماردتك خذوك
وشفت اكدر اصيرلك ورقة الصفصاف
وأنت الطل..
من ابرد احس بيك النده
والغيره عد الناس من طبع الفضول
وانه شدهة بال تاخذني وخذوك
وأنه كلي انشده من تلكاني وأنه الكاك
وماعدي صبر..
كلي احترك
لوشفت غيري ايحاجوك
وارجوك...
ظل أنت طل
وكل غبشه مر بيه برد اتحملك
ارجوك..
بس مالي صبر اتحمل ايحاجوك


كاظم الفضلي

[رغد قصاب]

باذن الله سوف اتابع نصوصك
مااجملها/فقط لو تشرح لنا ما خفي عنا من مفرداتها
رغد

[كاظم الفضلي]

سروري بمرورك وسعادتي أكبر حيث شدني مرورك هذا أن أدون في أدناه معاني المفردات للهجتي العراقية .. وحمداً لله رغم قوى الأستعمار والطامعين ومن أراد سوء بأمتنا العربية لازلنا اكثر صلابة ومحبة ومعنى رغم أختلاف لهجاتنا وتنوعها .. تقديري وأعتزازي لشخصك الأعز .

كاظم الفضلي

1. طل / الندى الذي يسقط على الحدائق أول الصباح
2. البجيته / البكاء
3. جي / كي أو ( لأن )
4. فكوك / فتحوك أي فتح الأشياء المقفلة
5. أنه / أنا
6. ينعكد / ينعقد
7. احجايه / حكاية
8. للعشاك / العشاق
9. تلكه / تلقى
10. منين / من أين
11. ماردتك / أريدك
12. أكدر / أقدر
13. النده /الندى
14. شدهة / الذهول
15. أنشده / انذهل
16. تلكاني ، ألكاك / تلقاني . ألقاك
17. أحترك / أحترق
18. أيحاجوك / يتكلمون معك
19. غبشه / الفجر أول الصباح

[أديبه نشاوي]

لهجة عراقية جميل وعملت خيرا بشرح المفردات
شعر جميل
وفقك الله
اديبه

[مرهف مصطفى الخاني]

قصيده جميله جدا
والاجمل يالشعر العراقي سماعه من الشاعر مباشره
لان بعض الكلمات لحنها الصوتي اجمل من قرائتها
موفق بإذن الله ... لك مني أجمل تحية .