مات ورحل والحزن في صدر راعيه
يصبح ويمسي ما لقا له مداوي



الله يعين اللى فقد شوف غاليه
الدمع في عينه وفي القلب كاوي



من يوم راح وكل الأيام تبكيه
ليله ظلام وذيب الإحزان عاوي



من وين مالديت ف الكل ألاقيه
إلا سريره داخل البيت خاوي



راح وترك للناس طيب مساقيه
الفل والريحان بالطيب راوي



لا مر له طاري غدى الكل ينعيه
وصارت فعوله للمجالس حكاوي



الله يقدرنا ونمشي مماشيه
ويبقى سما ذكره بالأمجاد ضاوي