أبويا كان جندي مجنَّدْ ( قصيدة بالعامية المصرية )

[عادل حماد سليم]

	* إهداء إلى الجندي المصري * ------------------------ دَخْــلـَـة **** حِـبِّـيـبْ وعاشق للغُنا.. ســمِّــيعْ من فرحة المزمار وبحة الغاب والرق والطار وشد وتر الرباب كان يـنـشـرح صـدره .. ربــيــع علشان كده كتبت له قصيدة شعر تتغنَّى أبويا أبو الكلام موزون وسكوته ليه معنى ******************* أبويا كان فلاَّح بسيط نــــــــــوَّار الــــغــيــط لــعِّيب عصا غالب للند سَيَّب لأمِّى خَـضار الفاس شال السلاح .. جندى مجنَّدْ عشر سنين خدمه فى الجيش رَجِيل وفين ما يْروح بَيْسِدّْ دم " اليمن " بينز أنين مطعون بخنجر ليل مسنون ما بقاش سعيد فى قميص الخيش و " صنعا " مربوطه بكهوف بعتت رساله مع الهدهُدْ لف " الإمام " على رقبتها حبل الضلام هَرَى ضحكتها ع البطن مضروبه والضَـهـر بسياط لهيب تطلع بالجلد فوق صدرها صخره من القهر صَرْخةْ عذاب .. مين ليها يجير ؟ أبويا مد / شد التمام آخر ميرى و قـالْ لَـها جــايْلــك خيرى يا " صنعا " مين يقدر غيرى يفرش صباكى الباكى عبير علشان صباحك ياجى بشوش شمسى اللى طالعه من الأفرول بلح رطب .. مش صيص ولا خوش [[ أنا كنت لسه ف عالم الذر جوه ضهر أبويا كيان مجهول و ابويا كان جندى مجنَّد ]] دَخَـل علينا ف يوم أغـْـبــَر على جبين الروح سـطَّــر قلم الألم 67 شابت فى لحضه قرون راسه وكأن جبل " الطور " داســه كاس الهزيمه مرار صافى خـَلــَع البياده ومشى حافى قال : بس ما حربتش وفشلت ولا عدوى أشطر منِّى قالوا : انسحب قلت : سيبونى تحمى تراب " سينا " عيونى واموت هنا مرفوع الراس نزلت دموعه لهيب ع الخد ــ أبويا اللى عزيز الدمع !!! ـــ [[ انا كنت يومها رضيع فى المهد وابويا كان جندى مجنَّد ]] حِلِفْ يمين لازم يِــرْجَــع يعْبُــر ولو دانه ف مـدفع ويهش أولاد الملاعين من كل شبر ف أرض النور بدل اللغم يزرعها زتون صايم عن الأحزان والخوف عــبــر أبويا ف أول فوج على قوارب مطاطى عدَّى القناه ... يوم السادس مع المشاه .... وهو الفارس كسح الضلام الوطواطى طل القمر من كمُّه بهيج والشمس بت الضهريَّه غنَّت فى صدره أغنيَّه طلعت صبيَّه بدويَّه ست البنات من نبت أصيل ضحكتها تجرى صهيل وخيول فرحانه ترقص ع الأفرول فيروز عيونها نجوم السَّــعــد [[ كان عمرى يومها ست سنين ع الجســر قاعــد مستــنــِّى والكون قصاد عينى شخابيط ما فهمش غير إنِّــى مبسوط قــلــبــى الصــغَــيَّــر بيـغنِّــى ( أبويا رح يرجع بالعيد أبويا رَحْ يرجع بالعيد ) بـــصِّــــيــــت لقيته قــدَّامــى ما سك فى إيده علم ونشيد لكنه مش جندى مجنَّد ]] رَجَع بشوقه لحضن الفاس فلاح بـــــــســـــــيــط نــــــــوَّار الـــغـــيـــــط لِــــعِّــــــيب عصا ما غلبهوش حد ------------------------ خَــــرْجَـــة ****** أبويا مات بطل وعــاش أبـطـال عــلَّـــمـــنِــى حب المغْـــنَــــى والمـــوَّال أعبر بـقـلبى الصعب واتـْحَـدَّى الـمُـحـال

[وفاء الزاغة]

تحيتي لك ايها الشاعر عادل...
ندعو لك بداوم الإبداع

[كاظم الفضلي]

الأخ عادل حماد سليم .. أهلاً بك فارساً
عطاؤه أبداعه . غنيت غناء جميل للجندي
المصري العربي وتفاخرت بتمسكه بوطنيته
وعروبته وانتمائه لوطنه . طوبى للأب الجندي
الكريم بنفسه وماله ورغباته ثمن لسلامة مصر
رحم الله والدك وشهداء أمتنا وحفظ الله مصر
وشعب مصر .. تحيتي لك ونأمل مشاركاتك
وتواصلك .

كاظم الفضلي

[محمود ابو اسعد]

مصر توأم فلسطين دوما..
شكرا لحرفك الدافء

[فردوس النجار]

تحية كبيرة لاهلنا في مصر ام الدنيا...
قلم جميل احييك
فردوس-دمشق