النار بتحرق!

[ريمه الخاني]

النار بتحرق!

أم فراس
13 تشرين الثاني 2007

[rabie_rafik]

لما اندلق قسط اللبن من أيد هنية
نوحت من فرط أحلامها اللي
ضاعت ع الطريق
وقفت هنية وسط مفترق السكك
تبكي على اللبن اللي مخلوط بالأسى
قصدي التراب.....!!!
اتبعترت جواها كل الأمنيات
دابت سحاب
مسكون ف قلب الخوف
عاشق سواد الليل ودايب ف الضباب
يا مين يصدق حزنها
ولاَّ يشوف
توب الملامة اللي انطوي على حسنها
يا دي الكسوف
لما نسكب منها اللبن
لما انتحر جواها فن
لما اشتهت تحكي الأماني يوم قصيدة
تحلبْها نور
يغسل انين الأمنيات
ويعاند الليل واللي فات
فوق قضيب الذكريات
لما انتهت كل السكك....
مسافات!!!
يادي الكسوف !!
جواها خوف
تبقى على لسان البشر ....
حكايات.....حروف
لما اندلق قسط اللبن!!!!!
اتسرسبت دمعات هنية ع الخدود
نار بتحرق جوة في قلوبنا الجمود
لملمت جواها كل اللي انكسر
قلب معصور م الأسى
ولا لسه ح يتعصر
قامت كما الأسد الجريح
حاولت وقالت لا مفر
قالت دي نوة وراها ريح
عمر القمر ما ح ينتحر
وح أعاود المشوار
واشيل علي كتفي الجريح
حلمي اللي عمره ما ينكسر
بعد ما يخضر أراضينا المطر
راح تبتدي يا فجر بكرة من جديد
نرجع الحلم البعيد
نرجعه حتماً اكيد

---------------------------------------------------
صعب ان اجد تعليق مناسب

كل الشكر لشخصك اختى

[ريمه الخاني]

ده سطل اللبن
ينهي خطاويها
يخلينا كدة احباب
ويبيض ثوانيها



اشكر مرورك العطر