سحريات

[سحر أبو حرب]

[ سَحَريات ]
( 🚉 )
نزلت من القطار حاملة شنتاية👜 سفر زغيرة ..؛
ورايي في رجل عجوز عم يتفركش 🧳 بحقيبته الكبيرة ..!
ساعدته بتنزيلها من الفرغونة وحطيتها ع رصيف المحطة ..؛
طلعت فاضية 🧳 وصار يدفشها قدامي..؛
ماعرفت ليش عم يحاول يسبقني هو وعكازتو ..!
التفتت عليه..
مو تاريلكن بدو يساعدني بحمل 👜 حقيبتي ..؛
شكرتو .. لكن يبدو مافهم عليي..؛
نتع الشنتة الزغيرة تبعي 👜 بدو يرفعها ويمشي قدامي !!
وإذ.. هذه الوإذ التي تأتي للسوربرايز ..!
طلعت شنتايتي 👜 تقيلة ويادوبك قدر يرفعها..!
مسكين اختجل بحالو واحمر وشو وأنا احترت شو قلو..!
يعني حاول يساعدني ويردلي جميلة مساعدتي البسيطة..!!
بتعرفو .. من زعلي على زعلو كنت متمنية بوس يده..!!
بالنسبة للعمر لاتخافو.. عمره حوالي 90 ويمكن أكتر..!!
المهم..
بسرعة أنا غيرت طريقي وبعدت مشان مازيد ارتباكو..!!!

[سحر أبو حرب]

[ سَحَريات ]
رأيت فيما يرى النائم .. خير انشالله خير يكون..
جسرا تعبر السيارات عليه..
جسر مافي تحته سرفيسات..!! ولا بسطات !! ولا عربايات !!
ولا في ناس عم تنادي وناس عم تدفش وهاد رايح وهاد جاية..!!
والغريب إنو سقف تحت الجسر مو مطروش ظروف شاي..!!
الكياس المفعوسة, يلي ملزوقة ومدندل منها العلامة الصفرا المعروفة..!!
ولا مين عم يغلي كافيه, ولا ميلو بحليب ولا بلاتيه ..!!
والغريب إنو مافي بياعين ولا نصابين ولا حرمية..!!
ولا حدا مادد فرشة ولا مربط كرسي وطاولة بالقفل عند عشية..!!
حتى مافي رصيف ولا بلاط, كأنو ممدود بحص ناعم بأرض فلات..!!
من دهشتي واستغرابي وقفت وتأملت هالتريا الكريستال والمخباية..!!
يضرسو إلهي شو موجبين وكلهن زوق وفهم ورتابة مزكاية..!!
يعني ماصفي غير يقدمولنا زبدية محلاية..!!

[سحر أبو حرب]

[ سَحَريات ]
( هلال رجب )
هّل هلالَكْ.. وبان خيالَكْ.. شهر مبارَكْ ..
ضحِكْ سنو.. وإيدو بعبو.. وقال لسيدو :
ع باب بريد.. طريقنا أكيد ..
كيلو برازق.. وشوية جرادق ..
كم قرص غريبة.. بفستق فساتق ..
مقمرين منشفين ..
من الفرن طالعين معززين مكرمين ..
الأموي رفع قنديلو.. وزيتاتو قلي عبيلو ..
رفرفت علام الشهر الفضيل ..
بالاستغفار.. والتسبيح.. والتهليل ..
عم تستقبل شعبان وترنم لرمضان شهر القرآن ..
سنة خير أبو مصباح .. عامك طيب أبو بشير ..
وينو مكحول يضيفنا شي بغجاية ويدللنا !
وشي صحن كولواشكور بمالزهر يرشرشنا !
حَجينا،. بركتنا إنتو وخيرتنا..
وكل عام وإنتو بخير ياجيرتنا ..؛؛؛

[سحر أبو حرب]

[ سَحَريات ]
شميت ريحتها.. نسمة من نسمات الجنة قامتها..
قالت, ريحانة أنا ماعرفتيني..!! ماتذكرتيني..!! ما اشتقتيلي..!!
التفتتْ عليها.. لمّن قلبي لهَف ليها..
غمزتني وقالتلي خديني معك ع البيت..
وطقيلي صورة.. وبعدين لفيني بخبزة وزيت..
عانقتها عناق العاشق الملتاع..
تكسرتْ عروقها وتضعضعتْ فروعها وأنا عم قلها :
من زمان هالقمر مابان.. ولدياري زيارتو حان..؛
قلبك على قلبي دان.. ولاعمره اشتكى أو خان..؛
وقتي من صوتك انزان.. وربك ع فراقك عان..؛
صبرنا والصبر هان.. الحبيب حبيبو صان..؛
عليي وجدك مان.. والدمع مني ران..؛
ياما كان وياما كان.. سبحان مين قلبو لان..؛
طِيب نفسو عبى المكان.. وخضارو علينا هّلْ أول وتان..؛؛؛

[سحر أبو حرب]

[ سَحَريات ]
شميت ريحتها.. نسمة من نسمات الجنة قامتها..
قالت, ريحانة أنا ماعرفتيني..!! ماتذكرتيني..!! ما اشتقتيلي..!!
التفتتْ عليها.. لمّن قلبي لهَف ليها..
غمزتني وقالتلي خديني معك ع البيت..
وطقيلي صورة.. وبعدين لفيني بخبزة وزيت..
عانقتها عناق العاشق الملتاع..
تكسرتْ عروقها وتضعضعتْ فروعها وأنا عم قلها :
من زمان هالقمر مابان.. ولدياري زيارتو حان..؛
قلبك على قلبي دان.. ولاعمره اشتكى أو خان..؛
وقتي من صوتك انزان.. وربك ع فراقك عان..؛
صبرنا والصبر هان.. الحبيب حبيبو صان..؛
عليي وجدك مان.. والدمع مني ران..؛
ياما كان وياما كان.. سبحان مين قلبو لان..؛
طِيب نفسو عبى المكان.. وخضارو علينا هّلْ أول وتان..؛؛؛

[سحر أبو حرب]

[ سَحَريات ] ( 🍎🍎 )قلت لحالي يابنت ليش طشان قلبِكْ ..!!قومي اغسلي تفاحتين.. وقشريهن يزولْ همِكْ..بتبلبلي قلبك فيهن.. وبتحطيهن يَمِكْ ..والله يامراحيم البَي نطيتْ ع المطبخ نط.. وجبتْ فاكية الجنة.. وبالصحن خرطتْ خرطة خرْطْ ..وإذْ.. إذ هَي تبع السروبرايز.. ! مالاقيلكن إلا !زوز بزرات عانقو بعضهن عناق المحِبْ العاشق..وتعربشو على كتِف التفاحة وتدمشقو.. وأنا من لوعتي على هالشوفة دموعي شرشرو..واحترتْ شو تساوي ياسحر حتى مايستحو ويتعبعبو..وينقهرو وتروح العبوطة الكادلينغ ويتفرقوا..يلي عندو حل يجاوبني.. قبل ما يدبلو العشاق ويتخلخلو..!!!

[سحر أبو حرب]

[ شاميّات ] ( هاد المدَلَل )بزمناتو كانو أهل الشام لمًا ينزل الملفوف واليخنة والزهرة والجزر الأحمر والأصفر بأول الشتوية.؛يجيبو هالقطرميزات البللور الكبيرة والزغيرة .؛ويبلشو بفرم راس الزهرة شقف زغيرة هو واللفتات.. ويقطعو هالجزرات واليخنات والملفوفات..وينزلو عليهن كم سن توم مقشر..ويغمروهن بالخل والمَي..ويكبسوهن كبس.... والملح لازم يكون عيار بيضة..وبتنصف هالقطرميزات حوالين الصوبا..أو على رخامة الشباك المشمس..ومشان ناخد لون حلو للمكبوس أفندي..كنا نحط بالقطرميز راس شوندر أحمر..النتيجة ياحزركن شو صار عنا..!!!؟نعم.. نعم صحيح ( مخلل )ليش كل هالاستعداد الشتوي يامراحيم البَي !مو مشان المسبحة والتسقية بس..!!مشان كريب الشتوية والرشح والبردية..لأنو هاد المدلل مابيروح من غير المخلل..هيك كانت ماما تقول ربي يعافيها ويطول عمرها..وتبين طبيا أن الملفوف المخلل هو خير دواء لدور الرشح وحتفة البرد وكريب الشتوية..!والمرءَة تبع المخلل ( ليست المرأة طبعا ) بتنشرب كمان.. راجعو أين يوجد الزنك والكالسيوم باليوتيوب..!!المهم ياجماعة الخير كيف عرفو إنو هاد المدلل لازمو مخلل ..؟!؟!

[سحر أبو حرب]

[ شاميّات ]
( هاد المدَلَل )
بزمناتو كانو أهل الشام لمًا ينزل الملفوف واليخنة والزهرة والجزر الأحمر والأصفر بأول الشتوية.؛
يجيبو هالقطرميزات البللور الكبيرة والزغيرة .؛
ويبلشو بفرم راس الزهرة شقف زغيرة هو واللفتات.. ويقطعو هالجزرات واليخنات والملفوفات..
وينزلو عليهن كم سِن توم مقشر..
ويغمروهن بالخل والمَي..
ويكبسوهن كبْس.... والملح لازم يكون عيار بيضة..
وبتنصف هالقطرميزات حوالين الصوبا..
أو على رخامة الشباك المشمس..
ومشان ناخد لون حلو ومجذّب للمكبوس أفندي..
كنا نحط بالقطرميز راس شوندر أحمر..
النتيجة ياحزركن شو صار عنا..!!!؟
نعم.. نعم صحيح ( مخلل )
ليش كل هالاستعداد الشتوي يامراحيم البَي !
مو مشان المسبَحة والتسقية بس..!!
مشان كريب الشتوية والرشح والبردية..
لأنو هاد المدلل مابيروح من غير المخلل..
هيك كانت ماما تقول ربي يعافيها ويطول عمرها..
وتبين طبيا أن الملفوف الأحمر اللون المخلل هو خير دواء لدور الرشح وحتفة البرد وكريب الشتوية..!
والمرءَة تبع المخلل ( ليست المرأة طبعا ) بتنشرب كمان..
راجعو أين يوجد الزنك والكالسيوم باليوتيوب..!!
المهم ياجماعة الخير كيف عرفو إنو هاد المدلل لازمو مخلل ..؟!؟!

[سحر أبو حرب]

[ شَاميّات ]
( غنية شامية )
- ياستي رئية.. ويا ستي رئية
واعدِتْ محبوبي بالحَمدية..
جبتلو محْلي شي نص وئية
أكلها وتلمض بشربة مَية..
شألني نظرة.. بعيون محمرة..
واتطلع فيني وقالي .. : ياحرمية..
سرقتي قلبي وشنططتي حالي..
صليت بالأموي ونمت بالعصرونية..!
ضيعتي دربي وخربطتي ميزاني
وين صارت عندِكْ هالمشروعية..!؟
- ياستي رئية.. يا ستي رئية
محبوبي درويش ومالو بالمفهومية..!!
خديلي منو شي وعد صافي..
ودليني كيف اسحب إيدو عّ العادلية..
صمدت صورتو بالقنصلية..
أخدتها إمي ومسحت فيها رفوف النملية..
- ياستي رئية.. ياستي رئية
محبوبي مدلل وشايفلي حالو..
عزمتو ع الغدا .. ماوصل لعندي للمَسوية
ببعتلو massage عَ بكرت الصبح..
بكتبلو يسعدك ربي يامهلبية..
بيرد عليي تاني نهار عشية وبعد المغربية ..!!!
- وياستي رئية.. ويااااا ستي رئية

[سحر أبو حرب]

[ سَحَريات ]
اليوم وفي حديقة الملك المليئة بالأشجار الزهرية الوادعة..
Kungstrأ¤dgأ¥rden
ثلاث بطات ذات رؤوس خضرة لماعة تحاول إغراق بطة رمادية..
صورتها لكم وأنا أشعر برعب من هذه الطيور !!
أحد الشباب الله يرضى عليه استمر في ركل البطات حتى استطاعت البطة الرمادية النجاة بنفسها..!!
يمكن من هنا جاء الاستنكار :
شو أنا بنت البطة السودا..!!!؟