احذر من فأرة الكمبيوتر!

[محمد الأصبحي]

شكرا بنان على الموضوع الحلو
بس عندي تعليق بشكل عام على كل التجارب و الدراسات اللي بيعملها الغرب
أنو للأسف أحيانا بتكون المعلومات مو دقيقة أو بيكون مبالغ فيها كتير
يعني لو إضطلعتي على مخاطر و تحذيرات الحشوات المعدنية للأسنان ( الزئبقية متل ما أنا بسميها ) و إنحلالها البطيء و آثار الزئبق المنحل على الكبد و العقل ولو علمتي أنو بفرنسا ممنوعة نهائيا ويسجن الدكتور اللي بيستخدمها لخطورة الزئبق للجسم
وخطورة الحشوات الضوئية ( الكومبوزيت ) اللي فيها مواد مشعة و مسرطنة للجسم
و أخطار و مضار سحب العصب و حشو القنوات على الجهاز المناعي و خطرو على صحة الإنسان جهازو المناعي
و الدراسات اللي أثبتت أنو التخدير الموضعي و آثارو الجسيمة على الأمد الطويل بالجسم
هادا على مستوى الفم فقط
و عندي دراسات عن الطب الفموي من حصيلة أشهر من الجمع لقيت فيها أنو أنا لازم كون ميت من شي 7 سنين ( بعيد الشر عني ) لو كانت دراساتهم صحيحة
كل هاد وعنا الواحد بيعيش و بيموت بعد 80 سنة و بتمو 25 حشوة معدنية و 7 تيجان و 9 سنان مسحوب عصبون و محشيين حشات ضوئية و مخدر شي 300 مرة و ما أثرو فيه
أنا مو قصدي أنو الدراسات كلها مو مجدية ... لا بالعكس ... بس الواحديحكم عقلو بكل شي و ما ياخد بكل الدراسات على محمل الجد لأنو كل الدراسات بيغالو فيها كتير و بيبالغو كتير بالأضرار و النتائج
لأنو إذا بتتبعي كل الدراسات و البحوث فأنا مستعد جبلك تقارير تخليكي ما تقدري تاكلي و لا تشربي و لا تتحركي كمان
و متل ما قال فراس : ضو الماوس هو ضو ليد عادي و لو الواحد أكلو ما بيصرلو شي
و أنا صرلي 9 سنين عندي كمبيوتر و من 5 سنين بجلس على الكمبيوتر ما يقارب 14 ساعة و ولا مرة وجعتني إيدي

عفوا للإطالة و لي عودة

أخوكي محمد