كرسي الفضفضه من جديد

[محمد الأصبحي]

أهلين بحبيبي و أخي العزيز
كل يومي بيكون جد و تعليمات و شغل و إدارة أعمال و مشاريع يعني مافي وقت للمزح و كلو شغل للبال و تعب للبدن ..... فبدور على وقت بفرغ فيه عن تعبي و بسلي حالي و بضحك و بضحك غيري
يعني وقت الجد جد ووقت المزح مزح كتيييييييييير و ضحك
دخلتو بسبب خالتي الحنونة أم فراس اللي تعرفت عليها من خلال مقالات صباح الخير اللي كانت تكتبها بعرب هارد وير
و ما شاء الله عليكم ..... صحيح أنتو بس عشرة اللي بالمنتدى و عم تشاركو بس مكفيين و موفيين
أنا بفتح النت من العشرة الصبح لل 12 بالليل بصدد شغلي و حسبها إنتى و بياخد مني أم فراس وقت حسب المواضيع و حماسكم
بالعادة ما بفضى للمنتديات بس أنا داخل لهون كرمال عيون و بس
طموح الإنسان تسبقه بكتير و يارريت نلحق نساويها قبل ما نقول باي باي
الطموح و عدم القناعة : برأيي الطموح أنو ترضى باللي عندك و تسعى للمزيد أما عدم القناعة ما بتقتنع باللي عندك و تطالب بالمزيد بدون السعي الدؤوب له
تعودت من شغلي أنو ما أغضب بس للأسف أحيانا في أشياء غبية بتصير بتضايقني نفسيا
بحزن وقت بتزكر بعض الأمور و اللي ما بحب أحكي عنها
بتجيني حالات كآبة بكن كتير و بطلع منها لحالي
بنبسط وقت بشوف ماما مبسوطة و وقت بكون مع أصحابي سهرانين بضحك كتير و بصوت عالي يعني بيعرفو الجيران إيمتى بجي أناو إيمتى بروح ههههههههه
و باكل وقت بيصحللي بحسب ضغط الشغل ما بلاقي وقت للأكل ... على فكرة أنا بحب بطني كتير و ذواق بلأكل و باكل كلشي بيوصل لإيدي مع هيك ما لي سمين لأني بلعب حديد يعني بحرق كلشي
بنام 5 أو 6 ساعات باليوم و بفيق على صوت موبايلي داااااائما يا للصلاة يا للشغل يا للسهرة يا إبن أختي عم ينط فوق راسي :d

سلام

[محمد الأصبحي]

و عليكم السلام ملدا
الموضوع و ما فيه أنا بحس أنو مهما كانت اللغة الفصحة غنية بالكلمات و التعابير
بتضل اللغة العامية بتعطيك الجملة متل ما بدك ياها بالضبط بدون تكلف و بدون مبالغة و تحميل زايد للغة
بالمحصلة أنا بأدر عبر مشاعري و كلامي أكتر بالعامي
أختي ملدا منتدياتنا العربية هية :
منتديات أغاني و فنانين تافهين
منتديات برامج منقولة و مسروقة و ما في شي جديد و كلو بينسب المواضيع لألو
منتديات علمية منها موثوق و منها لأ
إخبارية فاضحة
منتديات إسلامية
مجموعة قليلة من المنتديات القوية اللي بتبتكر الأفكار و المواضيع القوية اللي فيك تعتمد عليها و بينعدو على الأصابع
و الأغلبية حاتط هدفو مصدر مالي من الإعلانات
يعني بشكل عام الوضع ما بيسر و المنتديات المفيدة ما بتنتشر متل البايخة لعدم وجود جهات دعم

خاصة أنو نحن العرب ما منقرأ أبدا
يعني للأسف أنو زيارة موضوع صور مضحكة أكتر بألف مرة من موضوع علمي بحت
آسف للإطالة

[بنان دركل]

السلام عليكم
بناء على ما طرحت اخي محمد دعني اعراضك:
اولا المنتدى مهما كان غير منتشر يبقى منبر علمي لايمكن ان يترك مكانه بسهولة لو كان يحمل قيمة ثقاقية عاليه كما هنا هذا اولا
وان ناتي باقلام عالية جدا فاظن انه ليس بالامكان حشدها كلها لان بعضها يقيس الامر شهرة مادياة وخلافه/لذلك لابد من الماورحة بين النقل والكتابة خاصة انك لن تستطيع تكريس طبيب او فرقة منهم ترابط في المكان...
ثالثا وهو الاهم ان نحمل هدفا ساميا يفوق الغثاء الذي مللنا منه وفاضت الموقع العربية وماخفي وراءها كان اعظم لذلك اظن ومن هذا المنطق ادعوك لتجربة الفصحى مادمت مثقفا واعيا لاصول الثقافة العربية الثرة
...............
سؤالي الان لو لديك منتدى كيف ستنشئه وماذا ستضع فيه وكيف ستسوقه كركن عربي وزاوية منبريه حضاريه لايمكن اغفالها
مع احترامي لك
بنت الشام

[صهيب توفيق]

مرحبا عزيزي محمد مرة اخرى
ولنكمل فقرات جلوسك على هذا الكرسي الجميل ولنبدأ:
بداية ساخالفك قليلاً بالرأي حول ما ذكرت من صعوبة استخدام اللغة الفصيحة في التعبير عما يجول في خلدك واوافقك الرأي بأن اللهجة العامية أقدر على التعبير عن بعض الأمور وسؤالي لماذا برأيك هذا الأمر؟
ألا تجد أن اللغة الفصيحة يفهمها الجميع فكما تعلم الدول العربي ةمليئة باللهجات وبعضها صعب فهمه جدااااااااااا من قبل الغير كما هو حال احبتنا في المغرب العربي ؟
من خلال اجوابتك وتفاعلك أجد فيك تعلق كبيبر بوالدتك حفظها الله فما هو أثرها في حياتك؟
لمن تبوح بأسرارك؟
هل أنت اجتماعي جداً ؟
كيف تقيم علاقاتك مع الآخرين؟
هل تتأثر بالانتقاد أم تقبله بصدر رحب؟
هل أنت متعصب لرأيك؟
هل انت مزاجي الطبع؟
ماذا تقول للأعضاء فرسان الثقافة؟
ماذا تعني لك كل من الكلمات التالية:
( النت / الحياة / الحب / الام / )
بانتظار اجوبتك وربما يكون هناك مجال لمجموعة اخرى

[محمد الأصبحي]

و عليكم السلام خالة بنان
وجهة نظرك صحيحة نوعا ما بس أنا عم بحكي من منطلق المقارنة بالمنتديات الأجنبية
يعني لو بتقارني منتدياتنا العربية بالأجنبية بتحسي في فرق
عندهم أكيد في منتديات أفشل من عندنا بس بالمقابل عندهم مجلات و منتديات راااائعة بتساوي ثورات علمية و ناس بتجتمع و بخترع و بتكتشف أشياء رهيبة
هم أكيد سابقينا بأشواط بس هادا ما بيعني أنو هنن أفضل منا
موقع تومس هارد وير صار ألو كلمتو بعالم الهارد وير مع تجاربو و إختراعاتو و مقارناتو و منصات العمل اللي عم يختبرها
حركات تبشيرية و عالمية و تحركات سياسية بتم من المواقع و المنتديات
بظن أنو المنطلق اللي عم بحكي فيو واضح

بصراحة ما فكرت بمنتدى خاص بس بظن أنو المنتدى التفاعلي أكتر المنتديات نجاحا
و هيك أنا ساويت بعرب هارد وير و كان إلنا إجتماعات دورية منساويها مشان المنتدى و حملات لرفع مستواه مو بالكم بل بالنوع و بدأنا بتصوير عمليات تطبيق الأجهزة و تصليح البوردات و الشاشات و هي كانت الأولى على مستوى المنتديات

و شكرا كتير لردك و إذا عندك أي ملاحظة فياريت إسمعها منك
منكم نستفيد

[ريمه الخاني]

بالنسبة لي كعضوة في هاردوير انا لاحظت التميز صراحة خاصة عندما كنت ادرس ابحث عن نسخ غريبة للاسئله لكن لايمكن ان تجدها ولا حتى في تست كينغ الا مأجورة يعني مازال هناك حيز يتفرد به الغرب لم نصل إليه صراحة..مازلت احلم بتفرد ولكن كيف؟ بكم يزهو العمل...
مرور سريع

[ريمه الخاني]

لو قلنا لاخي محمد ماذا يمكنك ان تغير في فرسان الثقافة لو كنت مديرها ؟
ثانيا ماهو السؤال الذي مازلت تنتظره ؟
كان لقاء حميميا ممتعا حقا..
وننتظر ترشيحك لضيف اخر مع مراسلته
وفقك الله ورعاك لنا

[محمد الأصبحي]

بستدعي الشاهد حبيب القلب أبو فريس للمثول أمام القاضي

[فراس الحكيم]

صباح الخيييييييير
يافتاح ياعليم يا رزاق ياكريم
الله يسامحكم على هالعملة....
ايه استعنا على الشقا بالله
من فين لت خلص اسئلتك اخي محمد بكون خلصت كم شغلة بالجامعة شكرا جزيلا
ونهاركم ابيض

[صهيب توفيق]

مرحبا بالجميع
لا ادري لماذا لم يجب الاخ محمد على باقي الاسئلة ؟
اتمنى عليك الاجابة عليها جميعا او ابلاغنا بعدم الرغبة بالاجابة حتى نستأنف الموضوع مع ضيفك العزيز جدا علينا
ولكم تحياتي